ചില നേരത്ത്.

2010-12-30T22:59:00.000+04:00

2010-12-24T13:06:00.000+04:00

ആവാസ വ്യവസ്ഥ.

2009-10-11T14:13:00.002+04:00

മുസ്ല്യാർക്ക് എങ്ങോട്ട് തിരിയാനും ഒരാൾ വേണമായിരുന്നു.

ദേര ദുബായിൽ നിന്ന് ഖുസൈസിലേക്ക്, തെരുപ്പറമ്പിൽ അബ്ദുല്ലാക്കയുടെ മൂത്തമകനെ കാണാൻ, മൂന്നാം നമ്പർ ബസ്, പഴയ ദുബൈ സിനിമയുടെ അടുത്തുള്ള സ്റ്റോപ്പിൽ നിന്ന് കയറിയാൽ മതിയാവുമെന്ന് നൂറാവർത്തി പറഞ്ഞു കാണും. ദുബൈ സിനിമ എവിടെയെന്നാണ് എപ്പോഴും സംശയം. ഇക്കോലത്തിലൊക്കെ ഉടുപ്പിടാവോ എന്ന് മൊയ്തീൻ‌ക്കയോട് ചോദിച്ചതോർമ്മയില്ലേ, അവിടെയായിരുന്നു ദുബൈ സിനിമ. സംസാരം തീർന്നപ്പോൾ, നദീമിന് എഴാം ക്ലാസിൽ പഠിക്കുമ്പോൾ കണ്ട ആവാസ വ്യവസ്ഥയുടെ ചിത്രം ഓർമ്മ വന്നു. ജലത്തിനടിയിലെ സസ്യങ്ങൾക്കിടയിൽ നിന്ന് വളഞ്ഞ് പുളഞ്ഞൊരു നീർക്കോലി, ജലവിതാനത്തിനടിയിൽ ബാക്കി ഉടലും മീതെ തലയുമായി, തുഴഞ്ഞു നിൽക്കുന്ന കൊച്ചു തവളയെ ലക്ഷ്യമാക്കി കുതിക്കുന്ന രംഗം. ചിത്രം ആ നിശ്ചലതയിൽ അല്ലായിരുന്നുവെങ്കിൽ, കിട്ടാവുന്ന എന്തെങ്കിലും കൊണ്ട് ആ തവളയെ രക്ഷിക്കണമെന്ന് , സിലബസ് വർഷങ്ങൾക്ക് ശേഷം മാറുന്നത് വരേയ്ക്കും ആ ചിത്രം കാണുമ്പോൾ നദീമിനു തോന്നാറുണ്ടായിരുന്നു. ആവാസ വ്യവസ്ഥയിൽ നീർക്കോലിയുടെ ഭക്ഷണം തവളയാണ്, കൊച്ചു തവളകൾ.

നദീം മുഴുത്ത കല്ലൊന്നെടുത്ത് കൊച്ചു തവളയ്ക്ക് നേരെയെറിഞ്ഞു. ഉഭയജീവിയാണെന്ന ബോധം നഷ്ടപ്പെട്ട തവള ഒന്നാഞ്ഞു തുഴഞ്ഞു.

മുസ്ല്യാർക്ക് വഴി തെറ്റുമോ?

ഗലദാരി സിഗ്നലിലെ പുതിയ പാലത്തിന്റെ അരികു പറ്റി ഇടത്തോട്ട് തിരിഞ്ഞ്, വീണ്ടും ഏതാനും വളവു തിരിവുകൾക്കും ശേഷം മൂന്നാം നമ്പർ ബസ്, ഗ്രാന്റ് ഹോട്ടലിന്റ്റെ മുന്നിലെത്തി. നീർക്കോലി ബോധമണ്ഡലത്തിൽ ഇരയുടെ ഗന്ധം അറിഞ്ഞു. ആവാസ വ്യവസ്ഥയിലെ താളഗതിയ്ക്ക് പിഴവു പറ്റുകയോ? ഒരിക്കലുമില്ല, ഒരിക്കലുമില്ല.

അസ്സലാമു അലൈക്കും!

തെറ്റുപറ്റുന്നതാർക്കാണ്? അബ്ദുല്ലാക്കയുടെ മൂത്ത മകനോ? റബ്ബുൽ ആലമീനായ തമ്പുരാനോ?

വ അലൈക്കും സലാം!

നീർക്കോലി പരിസരം മണത്തു. ഭേഷ്!

കൊച്ചു തവളയെ പിന്നെ ആഹരിക്കാം.നിറയെ കുളങ്ങളുള്ള നീർത്തടത്തിൽ , മടക്കയാത്രയാവുമ്പോൾ മാത്രം ഈ കൊച്ചു തവളയെ ഭക്ഷിയ്ക്കാം.

ഇരയ്ക്കൊപ്പം വേട്ടക്കാരൻ രാപകലുകളില്ലാതെ കുളത്തിൽ നിന്നും കുളത്തിലേക്ക് ഇഴഞ്ഞിഴഞ്ഞ് നീങ്ങി. നീർക്കോലിയുടെ വിസ തീർന്നു. നീർക്കോലി പെരുമ്പാമ്പായി ജനിതകമാറ്റം ഉൾക്കൊണ്ടു. തവളകൾ തവളകളായി തന്നെ നിലകൊണ്ടു. ആവാസ വ്യവസ്ഥയിൽ ജനിതകമാറ്റത്തിന് വിവേചനം!

നീർക്കോലി പിന്നേയ്ക്കായി കരുതി വെച്ചിരുന്ന തവളയേയും ഭക്ഷിച്ചു. അവസാനം!
അസ്സലാമു അലൈക്കും!

പെരുമ്പാമ്പ് വിമാനം കയറി, നാടൻ കുളത്തിലേക്കിറങ്ങി. ആ വെള്ളിയാഴ്ച ഖുതുബയിൽ തവളകളെ തവളകളായി തന്നെ നിലനിർത്താൻ പ്രാർത്ഥിച്ചു. നീർക്കോലികളുടെ ആയാസങ്ങളെ പറ്റി റബ്ബുൽ ഇസ്സത്തിനോട്, ആകാവുന്ന നിലയിൽ തലയുയർത്തി പ്രാർത്ഥിച്ചു.

നീർക്കോലികളെ നീ പെരുമ്പാമ്പുകളാക്കേണമേ!!
നാടൻ തവളകൾ, പോക്രോം! പോക്രോം!! എന്നുറക്കെ ആമീൻ ചൊല്ലി.

ദുബൈയിലെ മറ്റൊരു ഡ്രൈവിംഗ് ലൈസൻസ്.

2009-06-21T08:29:00.014+04:00

പതിനഞ്ചാം തവണയും കാർ മുന്നോട്ടെടുക്കാനാഞ്ഞപ്പോൾ ഗിയർ മാറ്റാതിരുന്നത് കാരണം മുരൾച്ച കൂടുതലായി. എന്ന് വെച്ചാൽ, പതിനഞ്ച് ടെസ്റ്റുകളിലും ഇതേ തെറ്റ് പരിഭ്രമം കാരണം ആവർത്തിച്ചിരിക്കുന്നു.

ജേഞ്ച് ഗിയർ!!

പരിശോധകൻ അലോസരപ്പെട്ടു.

സജിത്തിന്റെ മുഖം രക്തവർണ്ണമായി. ബ്രേക്കമർത്തി ഗിയർ ചേഞ്ച് ചെയ്തു. അനന്തരം വൺ പോയിന്റ് ത്രീ എഞ്ചിൻ നിസ്സാൻ സണ്ണി കാറിന്റെ ആക്സിലേറ്ററിൽ അമർത്തിയപ്പോൾ അനുസരണയില്ലാത്ത കുതിരയെ പോലെ മുന്നോട്ട് കുതിച്ചു. പരിശോധകൻ അപ്രതീക്ഷിതമായി മുന്നോട്ടാഞ്ഞു. സജിത്ത് അപ്പോഴുറപ്പിച്ചു, പതിനാറാം തവണ ടെസ്റ്റ് കൊടുക്കുമ്പോൾ കുറച്ച് കൂടെ ശ്രദ്ധിക്കണമെന്ന്. ഡ്രൈവിംഗ് സ്കൂളിന്റെ ഗേറ്റിൽ നിന്ന് പുറത്തേക്കുള്ള കച്ച പാർക്കിലൂടെ വണ്ടിയെടുത്ത് ലെബനോൺ റോഡിലെത്തിക്കാൻ പറഞ്ഞപ്പോൾ ഉറപ്പിച്ചു. കച്ച റോഡ് വഴി വണ്ടിയോടിക്കേണ്ടി വന്ന ഒരാളും ഇത് വരെ ടെസ്റ്റിൽ വിജയിച്ചിട്ടില്ല. എങ്കിലും, ഒരു യു ടേൺ എടുത്തതിന് ശേഷം വന്ന ആദ്യത്തെ ബസ് സ്റ്റോപ്പെത്തിയപ്പോൾ കേട്ടു.

ബാർക്കിംഗ്!

അറബി ഇൻസ്പെക്ടർ തന്നോടാവില്ല എന്നാണ് സജിത്ത് കരുതിയത്. പക്ഷേ വീണ്ടും ഇളകിയിരുന്ന് ഇൻസ്പെക്ടർ പറഞ്ഞു.

ബാർക്കിംഗ് ,യാ ! ഹബീബി.

സജിത്ത് വണ്ടി പരമാവധി ഒതുക്കി നിർത്തി. മനസ്സൊരു നിമിഷം ശാന്തമായപ്പോൾ, അന്തരാമിയിൽ നിന്നൊരു അനുരണനമുണ്ടായി,

ന്യൂട്രലിലിലാക്കടാ തെണ്ടീ!

ശേഷം, പിറകിലെ പാക്കിസ്ഥാനികളുടെ നിരയിലേക്ക് കയറിയിരുന്നു. ദൈവമേ, ഇത്തവണയെങ്കിലും ഈ ടെസ്റ്റിൽ വിജയിപ്പിക്കണേയെന്ന് നിശ്വസിച്ചു. ആ തക്കത്തിൽ മൂക്കിലേക്ക് സകലനിയന്ത്രണവും തെറ്റിച്ച് ശീമക്കൊന്നയുടേയും നിസ്‌വാറിന്റേയും രൂക്ഷഗന്ധം ഇടിച്ച് കയറി. അപ്പോൾ സജിത്ത് ദൈവത്തോട് പ്രാർത്ഥനയോടെ അന്വേഷിച്ചു.

“വൃത്തി എന്താണെന്ന് നീ ഇവരെ പഠിപ്പിക്കില്ലേ?”

കാർ അവസാനത്തെ വിദ്യാർത്ഥിയേയും കൊണ്ട് എല്ലായ്പ്പോഴും, നെടുവീർപ്പുകളോടെ ഊഴം കാത്ത് നിൽക്കുന്ന മറ്റൊരു കൂട്ടം വിദ്യാർത്ഥികളുടെ അടുത്തേക്കാണ് കൊണ്ടു പോകുന്നത്. തുടങ്ങിയിടത്ത് തന്നെ അവസാനിക്കുന്ന ഒരു ചാക്രിക ചലനം. ശേഷം റിസൾട്ട് പ്രഖ്യാപിക്കലായി.

“അഹ്മദ് ഖാൻ, ഫെയിൽ ”

“നോകിയ ഖാൻ, ഫെയിൽ ”

ഓരോ ചാക്രിക ചലനത്തിലും ഒരാൾ ഡ്രൈവിംഗ് ടെസ്റ്റ് പാസാവുമെന്നാണ് അലിഖിത നിയമം. അതിനാൽ സജിത്ത് , പിന്നെപ്പോഴെങ്കിലും ആലോചിച്ചാൽ തനിക്ക് തന്നെ നാണം തോന്നുന്ന വിധത്തിൽ ദൈവത്തിനോട് ഒന്നുകൂടെ പ്രാർത്ഥിച്ചു. ദൈവമേ, പ്ലീസ്. അപ്പോൾ കേട്ടു.

സജിത്ത് പെദങ്ങാത്ത് , ബാസ്

ഇക്കാലമത്രയും അനുഭവിച്ച ബുദ്ധിമുട്ടുകളുടെ ആശ്വാസത്തിന്റേതായും പാതിയിൽ കേട്ട റിസൾട്ടിന്റെ കൃത്യതയ്ക്കും വേണ്ടിയുള്ള, കോസ്റ്റ് കട്ടിംഗ് നടത്തിയ ഒരേയൊരു വാക്ക്. ഒരേയൊരു അറബി വാക്ക് സജിത്തിൽ നിന്നും ബഹിർഗമിച്ചു.

ശൂ!

പരിശോധകൻ അലറി,

സജിത്ത് പെദങ്ങാത്ത് , ബാസ്!!

സകല ദൈവങ്ങൾക്കും മീതെ അമ്മയുടെ പ്രാർത്ഥനാനിരതമായ മുഖം തെളിഞ്ഞു വന്നു. ഇരിപ്പുറയ്ക്കാതെ ഫോൺ കാത്തിരിക്കുന്ന അച്ഛനെയോർമ വന്നു. കണ്ണിൽ നിന്നുതിർന്ന അശ്രുകണത്തിൽ, റോഡ് ട്രാൻസ്പോർട്ട് അതോറിറ്റിയുടെ ചെക്ക് ലിസ്റ്റിനു കുറുകെ വൃത്തിയില്ലാതെയെഴുതിയ ‘പാസ്’ എന്ന വാക്ക് പരന്നൊഴുകുന്നു. അകാല നര ബാധിച്ച തലമുടിയൊതുക്കി, നാട്ടിലേക്ക് വിളിച്ചു.

ഹമ്മേ! എനിക്ക് ലൈസൻസ് കിട്ടി.

ശേഷം സ്ക്രോൾ ചെയ്ത് നീങ്ങുന്ന പേരുകളിൽ ഒന്നിൽ മനസുടക്കി.

“ഇബ്രു-തെണ്ടി.”

ഇബ്രുവപ്പോൾ ലിവിംഗ് റൂമിലേക്ക് മാറ്റിയിട്ട ബെഡ്ഡിൽ മലർന്ന് കിടന്ന്, ഇന്നലെത്തേതു പോലെ ചായയിൽ പച്ചവെള്ളം കൂടിയാൽ നാട്ടിലേക്ക് കയറ്റി വിടുമെന്ന് ഭാര്യയെ ഭീഷണിപ്പെടുത്തുകയായിരുന്നു. പാവം, അയാളെ പറഞ്ഞിട്ട് കാര്യമില്ല, ദൈവാനുഗ്രഹമെന്ന വൈക്കോൽ തുരുമ്പിലാണ് ഈ അനുഗ്രഹീത ജോലി, രിസഷൻ കാലത്ത് തൂങ്ങി നിൽക്കുന്നത്. ദുബായിലെ ഒഴുക്കിൽ നീ പെട്ടോ എന്നാണ്, മുജ്ജന്മ സുകൃതത്താൽ ഒഴുക്കിനു മുന്നെ അബുദാബിയിലേക്ക് വണ്ടി കയറിയ സുഹൃത്തുക്കൾ വിളിക്കുമ്പോഴൊക്കെ ചോദിക്കുന്നത്. നാട്ടിൽ, അവധിക്ക് പോയവരോട് പോലും ‘ ജോലിയെങ്ങനാ പോയി മോനെ’ എന്ന് നാട്ടുകാർ ആവലാതിപ്പെട്ടു കൊണ്ടിരിക്കുകയാണ്.

നേരമെത്രയായി എന്ന് ചോദിച്ചപ്പോഴാണ്, തല ചെരിച്ചാൽ കാണാൻ പാകത്തിൽ വെച്ചിരിക്കുന്ന ക്ലോക്കിനെ പറ്റി ഭാര്യ ഓർമ്മിപ്പിച്ചത്. അപ്പോഴുണ്ട് ‘കോരപ്പൻ കോളിംഗ്’.

ഈ തെണ്ടിക്ക് രാവിലെ തന്നെ വേറെ പണിയില്ലേന്ന് ഒരു നിമിഷമാലോചിച്ചു. അതേ നിമിഷം, സംതിംങ്ങ് തടയാനാവുമെന്ന ശുഭാപ്തി വിശ്വാസവുമുണ്ടായി, അതേ നിമിഷം ‘ഹലോ’ ചൊല്ലി ഇരുപത്തിയൊന്ന് ഫിത്സ് രക്ഷിച്ചെടുത്തു.

അപാരമായ ശ്വാസനിയന്ത്രണത്തിൽ കോരപ്പെനെന്ന സജിത്ത് മൊഴിഞ്ഞു.

‘എനിക്കും കിട്ടി’.

പാവം, ഈയടുത്താണ് ലോണെടുത്ത് പറമ്പ് വാങ്ങിയത്, ബാക്കി പണം കൊണ്ട് ഒരു ടാറ്റാ ഇൻഡിക്ക കാറും. ഇത്ര ഭാഗ്യദോഷിയായ ഒരുത്തനുണ്ടാവില്ല തന്നെ. മൈനസായിരുന്ന ബാങ്ക് ബാലൻസ് ഈയിടെയാണ് പ്ലസ് ആയത്. അതിന്റെ സന്തോഷം എല്ലാവരേയും വിളിച്ച് ആഘോഷിച്ചത് പോലുമായിരുന്നു. കഷ്ടം എന്നല്ലാതെന്തു പറയാൻ!

‘ഇനിയെന്ത് ചെയ്യും? വീട്ടിലേക്ക് വിളിച്ച് പറഞ്ഞോ? ബാങ്കുകാരോട് പറയേണ്ട തൽക്കാലം, മാർക്കറ്റ് അപ് ആയി തുടങ്ങിയിരിക്കുന്നു, അബൂദാബിയിൽ ചാൻസ് ഉണ്ടാകും, നമുക്ക് ട്രൈ ചെയ്യാം’ ഇബ്രു പറഞ്ഞൊപ്പിച്ചു.

‘നീയെന്ത്‌ടാ പറേണത്, നിക്ക് ലൈസൻസ് കിട്ടിതിന്റെയാണ്ടാ, നീയൊക്കെ രാവിലെ എന്താലോചിച്ചിട്ടാണ്ടാ കെടക്കെണത്?’

സജിത്ത് സുഹൃത്തുക്കളോടൊക്കെ വിവരം പറഞ്ഞിട്ട് ടെസ്റ്റിനു പോയിരുന്ന കാലമുണ്ടായിരുന്നു. അന്നൊക്കെ സുഹൃത്തുക്കൾ രാവിലെ എഴുന്നേറ്റിരുന്നത് തന്നെ, സജിത്തിന് ഇന്ന് ‘ബെറ്റർ ലക്ക് നെക്സ്റ്റ് ടൈം’ എന്ന് എസ് എം എസ് അയക്കാമല്ലോ എന്ന ആഹ്ലാദത്തിലായിരുന്നു. പിന്നീട് ഈ പതിവ് ഇല്ലാതായി, എന്നിട്ടും ഡൈവിംഗ് സ്കൂളിലെ അസ്ലം ഒരു വിധം സുഹൃത്തുക്കൾക്കൊക്കെ സജിത്ത് തൊറ്റെന്ന വിവരം വിളിച്ച് പറയുമായിരുന്നു. പരിചയമുള്ള ഒരു ഇൻസ്പെകടർ തന്നെയാണ് സജിത്ത് കാറോടിക്കുമ്പോൾ മേലാസകലം വിറക്കുന്ന വിവരം അസ്ലമിനോട് പറയുന്നത്. അക്കാലത്താണ് കുടുംബം കൊച്ചിരാജാവിന്റെ പടത്തലവന്മാരുടേതാണെന്ന വിവരം സജിത്ത് എല്ലാവരോടുമായി പറയുന്നത്. വിറയൽ എന്നത് അവർക്ക് അന്യമത്രെ!

ഓ! അതായിരുന്നോ, ഇതിപ്പോ എത്രാമത്തേതിലാണീ ഓട്ടൊമാറ്റിക് ലൈസൻസ് കിട്ടിയത്, പതിനഞ്ച് തന്നെയല്ലേ? ഇനിയേത് വണ്ടിയാണ് എടുക്കണത്?” ഇബ്രു അലസമായി ചോദിച്ചു.

സജിത്തല്ലേ, അവനാരാ മോൻ! ഏത് ദ്രോഹിക്കലിനും പതിന്മടങ്ങ് ഡോസിൽ തിരിച്ച് തരും. ക്രയവിക്രയങ്ങളിൽ അപാരമായ മെയ്‌വഴക്കങ്ങളാൽ മേൽകൈ നേടും. ചിലപ്പോൾ, കാര്യങ്ങൾ വൃത്തിയായി പഠിക്കാനായിരുന്നു ഇക്കാലവിളംബം എന്നു പറഞ്ഞേക്കും. പറഞ്ഞുറപ്പിച്ച പെണ്ണ്, വേറേയൊരുത്തനെയാണ് ഇഷ്ടപ്പെടുന്നത് എന്നറിയിച്ച് പിൻ‌വലിഞ്ഞപ്പോൾ അവളുടെ വീടിനടുത്ത് നിന്നു തന്നെ മറ്റൊരു കുട്ടിയെ പറഞ്ഞുറപ്പിക്കുക മാത്രമല്ല, പിൻ‌വലിഞ്ഞ വീട്ടുകാരുടെ പത്ത് സെന്റ് സ്ഥലവും കെട്ടാൻ പോണ ചെക്കന്റെ വീട്ടുകാരുടെ വീടിന്റെ മുന്നിലെ സ്ഥലവും വിലക്ക് വാങ്ങിച്ച് പകരം വീട്ടിയവനാണ്.

സജിത്ത് പറഞ്ഞു.

‘ലാൻഡ് റോവർ’

സജിത്ത് അതുകൊണ്ട്, വാങ്ങാം വാങ്ങാതിരിക്കാം.

പക്ഷേ ഇബ്രു പിൻ‌വലിഞ്ഞു.

“നിന്റെ അഹങ്കാരം കൊണ്ടാണെടാ തെണ്ടീ, നിനക്കിത്ര കാലവും ലൈസൻസ് കിട്ടാതിരുന്നത്. ”

പൊന്നാനിയെ പറ്റി, പൊന്നാനിയില്‍ നിന്നല്ലാതെ.

2009-05-17T19:27:00.022+04:00

എട്ട് മണിക്കെഴുന്നേറ്റാല്‍, നാട്ടില്‍ ഒമ്പതരയായിക്കാണും അപ്പോഴേക്കും വിജയസാദ്ധ്യതകള്‍ അറിയാനൊക്കും എന്നായിരുന്നു വെള്ളിയാഴ്ച വൈകി കിടക്കുമ്പോള്‍ ഓര്‍ത്തത്. പക്ഷേ രാവിലെ അഞ്ചിനൊന്നെഴുന്നേറ്റു, വീണ്ടും അഞ്ചേകാലിനെഴുന്നേറ്റു, അഞ്ചരയ്ക്ക്. ഉറക്കം ആകാംക്ഷ കാരണം ഉടക്കിയുടക്കി ഇല്ലാതായി. നാട്ടിലേക്ക് വിളിച്ചപ്പോള്‍ കരണ്ടില്ലെന്നാണ് പറഞ്ഞത്. ടി വി ഓണ്‍ ചെയ്തു, പിന്നെ ആറരയാവട്ടെ എന്ന് കരുതി തിരിച്ചുറങ്ങാന്‍ കിടന്നു. ‘ഇത്തവണയും തോറ്റാല്‍’ എന്നൊരു ടൈറ്റിലില്‍ മനോരാജ്യം കണ്ടു. വീണ്ടുമുണര്‍ന്നപ്പോള്‍ കൃത്യം ഏഴ്, നാട്ടില്‍ എട്ടര. വീട്ടില്‍ കരണ്ട് വന്നിട്ടില്ല. പക്ഷേ, മുറ്റത്ത് രണ്ട് ടി വി തയ്യാറാക്കിയിരിക്കുന്നു. ഇന്‍‌വെര്‍ട്ടര്‍ വെച്ച്, പ്രവര്‍ത്തിക്കുന്ന ടി വി യ്ക്കു മുന്നില്‍ യു ഡി എഫിന്റെ പ്രാദേശിക നേതാക്കളുടെ പടയ്ക്ക് , ഉമ്മയും അയല്‍‌വാസികളും ചായ ഒരുക്കുന്ന തിരക്കിലാണെന്ന് വിവരം. ടി വി ഓണ്‍ ചെയ്തപ്പോള്‍ ഫലം അറിവായി തുടങ്ങിയിരിക്കുന്നു. യു ഡി എഫ് പയ്യെ പയ്യെ ലീഡുകളില്‍ മുന്നേറുന്നു. മനോരമയില്‍ നിന്നും കൈരളിയിലേക്ക് മാറി. ജോണ്‍ ബ്രിട്ടാസ് എങ്ങിനെയാണ് പ്രതികൂല തരംഗത്തെ കൈകാര്യം ചെയ്യുന്നതെന്നറിയാന്‍ താല്പര്യമൂറി. മുഖത്ത് പുഞ്ചിരിയുണ്ട്. ശേഷം എണ്ണാനുള്ള മണ്ഡലങ്ങളെ കുറിച്ച് പറയൂ എന്നാവര്‍ത്തിച്ച് വിവിധ വോട്ടെണ്ണല്‍ കേന്ദ്രത്തിലെ പ്രതിനിധികളോട് ആവശ്യപ്പെടുന്നുണ്ട്. ഒരു ജനതയ്ക് വേണ്ട ആശ്വാസം ആവിഷ്‌കരിക്കുന്നത് രസകരമായി തോന്നി. കേരളത്തിന്ന് പുറത്തുള്ള വിവരങ്ങള്‍ ലഭ്യമാവുന്നില്ല, ഒരു മലയാള ചാനലിലും, ഇട്ടാവട്ടത്തില്‍ വട്ടം ചുറ്റാനാണ് മലയാള ചാനലുകളുടെ പരിപാടിയെന്ന് തോന്നി. കമ്പ്യൂട്ടറില്‍, ജിമെയില്‍ സ്റ്റാറ്റസ് മാറി മറയുന്നു. അതും രസകരം. കേരളത്തില്‍ ഇടതുപക്ഷം പ്രതീക്ഷിച്ചതിലും മോശം പ്രകടനത്തിലേക്ക് പടനയിക്കുന്നു. എന്റെ വീട് ഉള്‍പ്പെടുന്ന പൊന്നാനിയില്‍ പതുക്കെ ഇ ടി മുഹമ്മദ് ബഷീര്‍ ലീഡുയര്‍ത്തുന്നു. ഇടക്ക്, ഒരിക്കല്‍ മാത്രം എല്‍ ഡി എഫ് സ്വതന്ത്രന്‍ ലീഡിലേക്ക് വരുന്നു. നാട്ടിലേക്ക് വിളിച്ചപ്പോള്‍ തൃത്താല മണ്ഡലത്തിലേതാവും എന്നൊരൂഹം കലര്‍ന്ന മറുപടി ആര്‍പ്പ് വിളികള്‍ക്കിടയില്‍ നിന്ന് കേട്ടു. വയനാടില്‍ ഷാനവാസ് മുന്നേറുന്നു. ജനം യു ഡി എഫിനൊപ്പമെന്ന ഇലക്ഷന്‍ ട്രെന്‍ഡ് എല്ലാ ചാനലുകളും കാണിക്കുന്നു. ഒരോ ശതമാനം വോട്ടെണ്ണുമ്പോഴും ഇ.ടി ആയിരത്തോളം വോട്ടുകള്‍ക്ക് മുന്നേറുന്നു. വീണ്ടും വിളിച്ചപ്പോള്‍ വീട്ടുമുറ്റത്ത്, വാപ്പയടക്കം പ്രായമുള്ള യു ഡി എഫ് കാരു മാത്രമേയുള്ളൂ. ചെറുപ്പക്കാരൊക്കെ, വാങ്ങി വെച്ച പടക്കം, കണക്കാക്കി വെച്ച ഇടങ്ങളില്‍ ‘പെട്ടി പെട്ടി ബാലറ്റ് പെട്ടി, പെട്ടി തുറന്നപ്പോള്‍ എല്‍ ഡി എഫ് പൊട്ടി’ എന്ന ആര്‍പ്പ് വിളികള്‍ക്കൊപ്പം പൊട്ടിക്കുവാന്‍ പുറപ്പെട്ട് കഴിഞ്ഞിരിക്കുന്നു.

ഷെബി ഒരു കന്നി വോട്ടറാണ്, ബിരുദ വിദ്യാര്‍ത്ഥിയാണ്. ഇലക്ഷന്റെ ആവേശം ചൂടാറും മുന്നെ റഷീദലി, ഈയിടെ ലഭിച്ച ബ്രോഡ് ബാ‍ന്‍ഡ് കണക്ഷന്‍ വഴി അയച്ച് തന്നപ്പോള്‍ ആദ്യം തിരിച്ചറിഞ്ഞത് ഇവനെയാണ്.

തൃത്താല ഇടതുപക്ഷാഭിമുഖ്യമുള്ള മണ്ഡലമാണ്. രണ്ടാമതൊരിക്കല്‍ ലീഡ് മാറാതായപ്പോള്‍, അങ്ങാടിയില്‍ ഒരു കൊച്ചുപ്രകടനത്തിനുള്ള ഒരുക്കങ്ങളായി. തൃത്താലയില്‍ ഇടത്പക്ഷം പതിനായിരത്തിന്റെ ഭൂരിപക്ഷമായിരുന്നു കണക്ക് വെച്ചിരുന്നത്, അത് മൂവായിരമായി കുറഞ്ഞു.

സഖാവ് ഇമ്പിച്ചിബാവയുടെ കാലശേഷം പൊന്നാനി യു ഡി എഫിലേക്ക് കൊണ്ടു വന്നത് എന്‍ സി പി സ്ഥാനാര്‍ത്ഥിയായി ഇക്കുറി തിരുവനന്തപുരത്ത് മത്സരിച്ച് വെറും മൂവായിരത്തില്‍ താഴെ വോട്ട് വാങ്ങി ദയനീയമായ ശ്രീ. എം പി ഗംഗാധരനായിരുന്നു. ശേഷം സഖാവ് പാലൊളി ഇരുപതിനായിരത്തിലധികം വോട്ടിനു തിരിച്ച് പിടിച്ചു. ഇക്കുറി അത്രത്തോളം ഭൂരിപക്ഷം ലോക്‍സഭയിലേക്ക് ഇടതന്മാര്‍ കൂട്ടിയ കണക്ക് പിഴച്ചു. പി ഡി പിയുടെ ശക്തികേന്ദ്രമെന്ന് മ‌അദനിയുടെ വിടുവായത്തവും പൊളിഞ്ഞു. യു ഡി എഫിന് അഞ്ഞൂറിലധികം വോട്ടിന്റെ ഭൂരിപക്ഷം.

വര്‍ഷങ്ങള്‍ക്കു മുന്നെ, സഹകരണ ബാങ്ക് ഇലക്ഷനില്‍ യു ഡി എഫ് ജയിച്ചപ്പോള്‍ കോണ്‍ഗ്രസ് പിളര്‍ന്നു. വലത് വശത്ത് വെള്ള വസ്ത്രം ധരിച്ച ഒന്നാമന്‍ സൈതാലിക്കുട്ടിക്ക കരുണാകരന്‍ ഗ്രൂപ്പും രണ്ടാമതായി ചാരനിറമുള്ള ഷര്‍ട്ട് ധരിച്ച ബാബുവേട്ടന്‍, ഡി സി സി സെക്രട്ടറിയായ ബാലേട്ടനെ പോലെ തന്നെ ആന്റണി കോണ്‍ഗ്രസുമായി. ലീഗുകാരും ആന്റണി കോണ്‍ഗ്രസുകാരും ഭരിക്കാന്‍ തീരുമാനിച്ച് മുന്നോട്ട് നീങ്ങുമ്പോള്‍ കരുണാകരന്‍ കോണ്‍ഗ്രസിലെ ഏക ഡയരക്ടര്‍ സൈതാലിക്കുട്ടിക്ക പാര്‍ട്ടി നിര്‍ദ്ദേശമനുസരിച്ച് ഇടഞ്ഞു നിന്നു, ഒരു സുപ്രധാന മീറ്റിംഗിനിടയില്‍ നിന്നും മിനുട്സ് ബുക്ക് എടുത്ത് ഓടിപ്പോയി കീറിക്കളഞ്ഞു. വിഭാഗീയതയുടെ മഞ്ഞ്മല ഉരുകാന്‍ യു ഡി എഫ് നിരന്തരം തോല്‍ക്കേണ്ടി വന്നു. ശേഷം ഭാഗം ലോക്‍സഭ വിജയാഹ്ലാദ പ്രകടനത്തില്‍.

ആയിരം ആളുകള്‍ക്കുള്ള പായസം ഉണ്ടാക്കണം എന്ന് സുഹൃത്ത് വിളിച്ച് പറഞ്ഞപ്പോള്‍, അതാര്‍ഭാടമല്ലേയെന്ന് ഞാന്‍. നീണ്ട ഒമ്പത് വര്‍ഷമായില്ലേടാ പാര്‍ട്ടി ഒന്ന് വിജയിച്ചിട്ട് എന്നായിരുന്നു മറുപടി. ഉവ്വ്, യു ഡി എഫ് പഞ്ചായത്തിലും ബ്ലോക്കിലും നിയമസഭയിലും തോറ്റു. ലോക്‍സഭാ ഇലക്ഷനില്‍ വിജയിച്ചപ്പോള്‍ അത് പൊന്നാനിയില്‍ മാത്രമായി. ആഘോഷം വിട്ടു നിന്നു. വീട്ടില്‍ നിന്നെത്ര വാങ്ങണം എന്നായി പിന്നീട്. ഏതൊരാഘോഷങ്ങള്‍ക്ക് ശേഷവും കൈവിട്ട് പോകുന്ന ആര്‍ഭാടങ്ങളുടെ തിരുശേഷിപ്പ് ഞങ്ങള്‍ നികത്തിയിരുന്നത് സ്വരുക്കൂട്ടി വെച്ചിരുന്ന ഇത്തിരികാശ് വീതമെടുത്തായിരുന്നു. അതോര്‍ത്തപ്പോള്‍ അവനോട് പറഞ്ഞു, എല്ലാം കഴിഞ്ഞിട്ട് നീ വിളിക്കൂ.

ശുഭ്രവസ്ത്രം ധരിച്ച് ധൃതി വെച്ച് പായസം വിളമ്പുന്ന, ചിത്രത്തില്‍ വലത് വശത്ത് ആദ്യം കാണുന്ന അലിക്കുട്ടിക്ക. പഞ്ചായത്ത് തെരഞ്ഞെടുപ്പ് കാലത്ത്, അദ്ദേഹം കോണ്‍ഗ്രസിനു വേണ്ടി മത്സരിക്കുന്ന സമയം. എങ്ങിനെയുണ്ട് പ്രചരണം? എട്ട് റൌണ്ട് വാര്‍ഡില്‍ ഞാന്‍ ചുറ്റിയടിച്ചു ഒരു മുന്നൂറ് വോട്ടിന്റെ ഭൂരിപക്ഷമെങ്കിലും ഉറപ്പ് എന്നായിരുന്നു മറുപടി. റിസള്‍ട്ട് വന്നപ്പോള്‍ നാന്നൂറ്റിമുപ്പത്തിനാല് വോട്ടിനു വൃത്തിയായി തോറ്റു. പത്ര സമ്മേളനത്തില്‍ മുഖ്യമന്ത്രി വി എസ് ചിരിക്കുന്നത് കണ്ടപ്പോള്‍, അന്ന് തോറ്റ വിഷമത്തില്‍, പാര്‍ട്ടി ഓഫീസില്‍ ഇരുന്ന് , എട്ട് റൌണ്ട് വാര്‍ഡ് ചുറ്റി ഭൂരിപക്ഷമുറപ്പിച്ച അലിക്കുട്ടിക്കായെ പറ്റി ആര്‍ത്തുചിരിച്ചതോര്‍ത്തു പോയി.

ലീഗ് തോറ്റപ്പോള്‍ ഞങ്ങളില്‍ ചിലര്‍ക്ക് , ഇനി മതി എന്ന തോന്നലായി. പലരും വിദേശത്തേക്ക് പോയി. ചിലര്‍ ബിസിനസിലേക്ക് തിരിഞ്ഞു. പക്ഷേ ടി. കെ ഷുഐബ് എന്ന ടി കെ, നാട്ടിലേക്ക്, പഠിക്കണം, നാട്ടില്‍ ജോലി ചെയ്യണം, പാര്‍ട്ടിയെ പുനരുജ്ജീവിപ്പിക്കണം എന്നുദ്ദേശിച്ച് വിദേശവാസം അവസാനിപ്പിച്ചു. ലീഗനുഭാവികളായ കുടുംബങ്ങളെ സി പി എം പതുക്കെ അവരിലേക്കടുപ്പിക്കുന്ന സമയം. ആത്മവിശ്വാസം നഷ്ടപ്പെട്ട പ്രവര്‍ത്തകര്‍ നിര്‍ജ്ജീവമായി. പക്ഷേ, ടി. കെ തന്റെ ബിരുദാനന്തര പഠനത്തിനിടയ്ക്ക്, ചിതറിത്തെറിച്ച പ്രവര്‍ത്തകരെ സുസജ്ജരാക്കാന്‍ തുടങ്ങി. നിയമസഭാ ഇലക്ഷനിലേറ്റ തിരിച്ചടികളില്‍ നിന്ന് പാഠമുള്‍ക്കൊണ്ട്, ലീഗ് താഴെ തലം മുതല്‍ പ്രവര്‍ത്തനം സജ്ജമാക്കി. ടി. കെ യുടെ നേതൃത്വത്തില്‍ ഒരു പറ്റം യുവാക്കള്‍ നിരന്തരം പ്രവര്‍ത്തിച്ചു. എല്ലാവരും ഒരു ഇലക്ഷനെ കാത്തിരിക്കുകയായിരുന്നു. അവനവന്റെ വാര്‍ഡുകളില്‍ നേടേണ്ട വോട്ടുകളുടെ കണക്കെടുപ്പുകള്‍, ചേര്‍ക്കേണ്ട വോട്ടുകള്‍, പ്രാദേശിക പ്രശ്നങ്ങള്‍, തുടങ്ങി വിജയത്തിലേക്കുള്ള ചെറിയ കാല്‍‌വെപ്പുകള്‍. ഫലം - ബൂത്ത് തലത്തില്‍ ഇടത് ആഭിമുഖ്യമുള്ള പ്രദേശത്ത് നൂറ് വോട്ടിന്റെ മേല്‍കൈ. വോട്ടെണ്ണിയപ്പോഴത് മുന്നൂറിലധികം ഭൂരിപക്ഷം.

കൊച്ചു കൊച്ചു ശബ്ദം കൊണ്ട് മഹാ ആരവം തീര്‍ത്ത സതീര്‍ത്ഥ്യരേ, കപടാദര്‍ശവും വര്‍ഗ്ഗീയതയും കൊണ്ട് ഒരു ജനതയെ ഒന്നാകെ വഴി തെറ്റിക്കാന്‍ ഇറങ്ങി തിരിച്ച ദേശദ്രോഹികള്‍ക്ക് നേരെ നിങ്ങള്‍ നെഞ്ചുയര്‍ത്തി നിന്നിരിക്കുന്നു. കാതങ്ങള്‍ക്കകലെ നിന്ന് ഞങ്ങളും ഉയര്‍ത്തുന്നു, നിങ്ങള്‍ ഉയര്‍ത്തിയ അതേ മുദ്രാവാക്യം ഊക്കോടെ, ഉശിരോടെ ,

ജയ്‌ഹിന്ദ്!!

വിധിയെഴുത്തുകളിലെ ആഹ്ലാദങ്ങള്‍!

2009-05-17T18:35:00.003+04:00

നാം വിജയിച്ചിരിക്കുന്നു.
ജയ് ഹിന്ദ്!

ഇമേജിന് രാജീവിനോട് (സാക്ഷി) കടപ്പെട്ടിരിക്കുന്നു.

യു ഡി എഫിന് വോട്ട് ചെയ്യുക!

2009-04-15T16:40:00.004+04:00

അവസരവാദ രാഷ്ട്രീയത്തിനെതിരെ, വർഗ്ഗീയതക്കെതിരെ, പുരോഗതിയ്ക്ക് വേണ്ടി യു ഡി എഫിനെ വിജയിപ്പിക്കുക. ജയ് ഹിന്ദ്!

ഇമേജ് (കടപ്പാട്): രാജീവ് (സാക്ഷി)

മരണവാര്‍ത്തകള്‍

2009-01-15T11:14:00.001+04:00

യ്യോ! എന്ത് നല്ലൊരു ജീവിതമായിരുന്നു ഹംസാജിയുടേത്!
അദ്ദേഹം കേരള പൊതുജന പാര്‍ട്ടി എന്ന കെ.പൊ.പായുടെ സ്ഥാപക നേതാവും ആജീവനാന്ത തലവനുമായിരുന്നു. തന്റെ പലചരക്കു കടയ്ക്ക് മുന്നില്‍ നടന്നിരുന്ന സകല അനീതികള്‍ക്കെതിരെയും സന്ധിയില്ലാതെ വാചക കസര്‍ത്തിലൂടെ അദ്ദേഹം രാഷ്ട്രീയ പ്രവര്‍ത്തനം നടത്തി. കുമാരന്റെ അമ്പലത്തിലേക്കുള്ള ഉത്സവവരവില്‍ സകല മതനേതാക്കളുടേയും വിലക്കിനെ അവഗണിച്ച് തോളത്തിടാറുള്ള തോര്‍ത്ത്മുണ്ട് തലയില്‍ കെട്ടി അദ്ദേഹം നടത്തിയിരുന്ന നൃത്തച്ചുവടുകള്‍ ഏവരേയും പുളകം കൊള്ളിക്കുന്നതായിരുന്നു. തല്‍ഫലമായി കെട്ട്പ്രായം എത്തിയ മകള്‍ക്ക് സ്വസമുദായത്തില്‍ നിന്ന് വരനെ കണ്ടെത്താന്‍ ഏറെ പ്രയാസപ്പെട്ടെങ്കിലും വര്‍ഷാവര്‍ഷമുള്ള നൃത്തച്ചുവടുകളേയും മുഖം നോക്കാതെയുള്ള വാചകകസര്‍ത്തുകളേയും അദ്ദേഹം മരണം വരെ കൈവെടിയുകയുണ്ടായില്ല. മതം നോക്കിയുള്ള കൊലപാതകങ്ങളിലേക്ക് ജനം തിരിഞ്ഞപ്പോള്‍ ഹാജിയുടെ പാര്‍ട്ടി മതേതര പാര്‍ട്ടിയാണെന്ന് അദ്ദേഹം പ്രഖ്യാപിച്ചു. ഹിന്ദുക്കള്‍ കൊല്ലപ്പെടുമ്പോള്‍ ഹിന്ദുക്കളും മുസ്ലിംങ്ങള്‍ കൊല്ലപ്പെടുമ്പോള്‍ മുസ്ലിംങ്ങളും അങ്ങാടിയിലേക്കിറങ്ങാന്‍ ധൈര്യപ്പെട്ടിരുന്ന ആ ദുഷിച്ച കാലത്താണ് അദ്ദേഹം ഉത്കൃഷ്ടമാ‍യ ഈ വിളംബരം തന്റെ കടയ്ക്ക് മുന്നില്‍ നിന്നും പ്രഖ്യാപിച്ചത്. മറ്റെല്ലാ ഹാജിമാരെ പോലെ തന്നെ മക്കത്ത് പോയി ഹജ്ജ് ചെയ്യുകയും മറ്റൊരു ഹാജിമാരും ചെയ്യാത്തത് പോലെ ചെയ്യുകയും ചെയ്ത ഒരു മഹാനുഭാവനാണ് തിരൂര്‍ താലൂക്കിലെ മണ്ണിത്തിരി വില്ലേജില്‍ നിന്ന് ഇന്നലെ മരിച്ച് പോയ, കാലഹരണപ്പെട്ട് പോകുന്ന മതേതര പുരുഷന്മാരിലെ എണ്ണം പറഞ്ഞൊരാളായ താലുള്ളതില്‍ വീട്ടില്‍ അയമുഹാജി മകന്‍ ഹംസ ഹാജി എന്ന ഹംസാജി. പരേതന് വിവാഹമോചനം ചെയ്യപ്പെട്ട രണ്ട് പെണ്മക്കളാണുള്ളത്.

ദുഷ്ടരേ, പക്ഷം പിടിക്കുന്നവരേ, വാര്‍ത്തകളെ വിഴുങ്ങുന്നവരേ, തെറ്റിദ്ധാരണ പരത്തുന്നവരേ, പ്രോജ്ജ്വലമായൊരു പ്രാദേശിക ഇതിഹാസത്തെയാണല്ലോ, തിരൂര്‍ താലൂക്കിലെ മണ്ണിത്തിരി വില്ലേജില്‍ താലുള്ളതില്‍ വീട്ടില്‍ അയമുഹാജി മകന്‍ ഹംസ ഹാജി പരേതനായി എന്നൊരു ഒരിഞ്ച് വാര്‍ത്തയില്‍ നിങ്ങള്‍ ഒതുക്കി കളഞ്ഞത്. വെറുതെയല്ല ചരമകോളങ്ങള്‍ പെണ്ണുങ്ങളും വൃദ്ധരും മാത്രം വായിക്കുന്ന വിരസമായ കോളങ്ങള്‍ നിറഞ്ഞ പേജായി മാറിയത്.

ഇതു മതിയോടോ?

2009-01-14T11:09:00.000+04:00

‘വേണ്ടത്ര ക്രൂരതയായി, ഇനി തുറക്കൂ, നിന്റെ ദയാവായ്പും കാരുണ്യവും കണ്ണീരുമെല്ലാം.’

വേണ്ടത്ര ഒഴുകിയോ നിന്റെ കണ്ണീര്‍?

ഇത്രമതിയെന്ന് നിജപ്പെടുത്തിയോ നിന്റെ ദയാവായ്പ്?

ഉവ്വ്, അത്രയും ചെയ്തു.

എന്നാലിനിയൊരു കളിയുണ്ട്, നീ നിന്നെ തന്നെ അട്ടിമറിക്കുന്നൊരു കളി! പറയട്ടെ?

കയ്യില്‍ കിട്ടിയൊരു പലഹാരം പകുത്ത് നല്‍കിയ കാലത്ത് നീ പഠിച്ച പാഠമുണ്ട്, അതങ്ങ് മറന്നേക്കൂ.

അതേത് പാഠം? ഞാന്‍ ചോദിച്ചു.

ശരിക്കും ഒരു പാഠമല്ല, ഒരുപാടുണ്ട് , അതെല്ലാം മറന്നേക്കൂ. ഇനി വേണ്ടത് നീ ഭയങ്കര ശക്തനാണെന്ന് കരുതലാണ്. നിനക്കൊരു തെറ്റാടിയുണ്ടെന്ന് കരുതൂ, നിന്റെ കാരണവന്മാര്‍ വെട്ടിപ്പിടിച്ച് കെട്ടിയ മതിലിനപ്പുറത്ത് കുറേ കുരുവികളുണ്ടെന്നും കരുതൂ. അവയിടയ്ക്കിടക്ക് നിന്റെ ഇടങ്ങളിലേക്ക് കൊത്തിപ്പറിയ്ക്കാനെത്തുന്നത് നിനക്കറിയുമെന്ന് വിചാരിക്കൂ.

‘എന്നെല്ലാം വിചാരിച്ചു’ ഞാന്‍ പറഞ്ഞു.

ഇനി ചെറുകല്ലുകള്‍ വെച്ച് ആ കുരുവികളെ ഉന്നം വെയ്ക്കൂ.

എന്തിനാടാ അവയെ കൊല്ലുന്നേ? ഒച്ച വെച്ചാല്‍ പോവില്ലേ? എന്ന് ചിലര് പറയും, കേള്‍ക്കരുത്!

എല്ലാറ്റിനേം കൊല്ലേണ്ടടാ, മതിലിനു മുകളിലൂടെ തൊടിയിലേക്കെത്തുന്നവയേ കൊന്നാല്‍ പോരേ? എന്ന് വേറെ ചിലര് പറയും, കേള്‍ക്കരുത്!!

വേണ്ടത്ര കുരുവികളെ നീ കൊന്നിട്ടില്ലെന്ന് നിനക്ക് ചിലപ്പോള്‍ തോന്നും. അപ്പോള്‍ നീ തെറ്റാടിയെ കുറ്റം തോന്നും.

എല്ലാറ്റിനേം കൊല്ല്, എല്ലാറ്റിനേം കൊല്ല്, എന്നൊരങ്കിള്‍ പറയുന്നത് കേള്‍ക്കുന്നില്ലേ?

‘ഉണ്ട്, കുറേ നേരമായിട്ടുണ്ട്’ , ഞാന്‍ വീണ്ടും പറഞ്ഞു.

ചെല്ല്, ആ അങ്കിളിന്റെ അടുത്തേക്ക് ചെല്ല്, നിനക്ക് എല്ലാ കുരുവികളെയും എക്കാലത്തും കൊല്ലാന്‍ അങ്കിള്‍ ചിലത് തരും. നീ‍ കുരുവികളെ കൊന്നാല്‍ മാത്രം മതി, അങ്കിളിന് വേറെയൊന്നും വേണ്ട, വേറെയൊന്നും.

(നോട്: ഇതു മതിയോടോ? കുറച്ചായില്ലേ , ഗാസാ ഗാസാ എന്ന് നുരയ്ക്കുന്നത്?)

പക്ഷം

2008-11-27T12:27:00.002+04:00

ഓരോ സ്ഫോടനങ്ങള്‍ക്കും , മനസ്സില്‍ ദു:ഖകരമായ പ്രതിഫലനങ്ങള്‍ ഉണ്ടാകുമ്പോള്‍, എന്റെ പക്ഷം അറിയിക്കാന്‍ പ്രതിഷേധക്കുറിപ്പിടണമെന്ന് കരുതും. പക്ഷേ ദിനം‌പ്രതി കുറിപ്പിടാന്‍ ഞാനത്രയ്ക്ക് സ്വതന്ത്രനുമല്ലെന്ന് വന്നിരിക്കുന്നു. എന്റെ തിരക്കുകളെ തെറ്റിദ്ധരിക്കാതിരിക്കുവാന്‍ നിങ്ങള്‍ കരുണ കാണിക്കണം.

ഇമേജ്:ഗൂഗ്‌ള്‍

മരിക്കാതെയിരിക്കുന്നത്.

2008-04-09T14:21:00.002+04:00

നോട്ടഡ്, ഡിസൈന്‍ ക്ലാരിഫിക്കേഷന്‍സ് എന്നൊക്കെയുള്ള മറുകുറിപ്പെഴുതി ഞാന്‍ മരിച്ചെന്റെ ജോലിയില്‍.
അങ്ങനെയൊരു ദിവസം വെറും ക്ലാരിഫിക്കേഷന്‍സ് എന്നെഴുതി ഞാനുണര്‍ന്നു. എല്ലാവരും മരിച്ചൊരിടത്ത് ഉണര്‍ന്നിട്ടും കാര്യമില്ലെന്നുറപ്പായിട്ടും ഉണര്‍ന്നു.

പ്രവാചകന്‍

2007-04-22T08:22:00.000+04:00

പഠിക്കുന്ന കാലത്ത്, വിശ്വാസികളും അവിശ്വാസികളും അരാജകവാദികളും ഒരു ഡോര്‍മിറ്ററിയില്‍ താമസിച്ചിരുന്നു. വിശ്വാസികളുടെ പ്രേരണ സഹിയ്ക്ക വയ്യാതെ, ദൈവീക ശക്തി പരീക്ഷിയ്ക്കാന്‍ അവിശ്വാസികളില്‍ പെട്ട ചില മദ്യപന്മാര്‍ ഉദ്യമിച്ചു. പച്ച വെള്ളം പോലെ തോന്നിപ്പിച്ചിരുന്ന മദ്യവും കുടിക്കാനുള്ള വെള്ളവും ഒരേ പോലെയുള്ളപാത്രത്തില്‍ നിറച്ച് രാത്രി സമയത്ത് കഴിയ്ക്കുവാന്‍ തന്ത്രപൂര്‍വ്വം വ്യത്യസ്തയിടങ്ങളില്‍, ഡോര്‍മിറ്ററിയില്‍നിറച്ചു വെച്ചു. പാതിരാത്രിയിലെ ദു:സ്സഹമായ പീഢകള്‍ക്കിടയില്‍ ദാഹശമനത്തിന് വിശ്വാസികള്‍ക്ക് ദൈവം പച്ചവെള്ളം ഏത് ഇരുട്ടിനിടയ്ക്കും തെരഞ്ഞെടുത്ത് നല്‍കുമെന്ന് അവിശ്വാസികള്‍ പ്രവചിച്ചു.

രാത്രികള്‍ ഒരുപാട്, വിശ്വാസികള്‍ പച്ചവെള്ളവും അവിശ്വാസികള്‍ പച്ചവെള്ളവും മദ്യവും കഴിച്ച് ഉണര്‍ന്നെണീറ്റു.അവിശ്വാസികളില്‍ ചിലര്‍, വിശ്വാസത്തിലേയ്ക്ക് മടങ്ങാന്‍, കുമ്പസരിയ്ക്കാന്‍ തീരുമാനിച്ചിരുന്ന പ്രഭാതങ്ങളിലൊരു പ്രഭാതത്തില്‍ഡോര്‍മിറ്ററിയിലെ വിശ്വാസികളിലൊരാളെ ചോര ഛര്‍ദ്ദിച്ച് ആശുപത്രിയിലെത്തിച്ചു.
രാത്രികളിലെ വിശ്വാസപരീക്ഷണം അവസാനിപ്പിയ്ക്കാന്‍ തീരുമാനിച്ച ആ ദിവസത്തില്‍, ചോര ഛര്‍ദ്ദിച്ച വിശ്വാസി, പരീക്ഷണ നാള്‍തൊട്ട് കഴിച്ച് കൊണ്ടിരുന്നത്, ആദ്യ തവണ ഒരു കവിളെങ്കിലും മദ്യമായിരുന്നുവെന്ന് വെളിപ്പെടുത്തി. അത്തരം പ്രഭാതത്തിലെ ലഹരി വിമ്മിഷ്ടം ഒഴിവാക്കിയിരുന്നത് കഠിനതരമായ പ്രാര്‍ത്ഥനകള്‍ കൊണ്ടായിരുന്നുവെന്നയാള്‍ സമ്മതിച്ചു.

ദൈവത്തെ രക്ഷിയ്ക്കാന്‍ അയാളക്കാലത്ത് നുണ പറയുകയായിരുന്നുവെന്ന് മനസ്സിലാക്കിയ അവിശ്വാസികള്‍ അയാള്‍ക്കൊരു ചെല്ലപ്പേരിട്ടു.

“ പ്രവാചകന്‍”.

മികച്ച കര്‍ഷകന്‍.

2007-02-11T12:33:00.000+04:00

“പ്ലാസ്റ്റിക്ക് ഉല്‍പ്പന്നങ്ങള്‍ക്ക് നിയന്ത്രണമേര്‍പ്പെടുത്തേണ്ടിയിരിക്കുന്നു..
ശവം തീനികഴുകന്മാര്‍ പ്ലാസ്റ്റിക്ക് തിന്ന്, ഞങ്ങളുടെ ശവം ഭക്ഷിക്കാന്‍ പോലും എത്താതായിരിക്കുന്നു..കഴുകന്മാര്‍ ചത്തൊടുങ്ങിയിരിക്കുന്നു.. ”

എന്റെ പാര്‍സീ സുഹൃത്ത് വളരെ ഖേദത്തോടെയാണ് അത് പറഞ്ഞത്,

എന്നിലെ കര്‍ഷകഹൃദയമുണര്‍ന്നത് അതില്‍ പിന്നെയാണ്.
ഗ്രാമത്തിലെ വസതിയില്‍ ഞാനൊരു പന്തല്‍ കെട്ടി , പാര്‍സികള്‍ക്കായി അതില്‍ കഴുകന്‍ കുഞ്ഞുങ്ങളെ വിരിയിച്ചു..
ആദ്യത്തെ വിളവ് പാര്‍സി സുഹൃത്തിനയച്ചു ..അയാളെനിക്കൊരു പാര്‍സി തൊപ്പി സമ്മാനം നല്‍കി..
എനിക്ക് ആദ്യത്തെ പാരിതോഷികം..
പന്തല്‍ വെറുതെയാവരുതല്ലോ..ശവം തീനി കഴുകന്മാര്‍ക്ക് വംശനാശവും സംഭവിക്കരുത്..
വീണ്ടും മുട്ടകള്‍ വിരിയിച്ചു..അപ്രതീക്ഷിതമായി ബോസ്നിയയില്‍ നിന്നും വന്ന ഓര്‍ഡറിന് കഴുകന്‍ കുഞ്ഞുങ്ങളെ അയക്കാനൊത്തു..
ചുടു ചോരയില്‍ കുളിച്ച ശവശരീരങ്ങള്‍ അവ ഭക്ഷിക്കുന്നില്ലെന്ന പരാതി വന്നപ്പോള്‍ ഞാന്‍, എന്റെയും വീട്ടുകാരുടേയും സുഹൃത്തുക്കളുടേയും ഹൃദയം ചുരത്തിയ നിണം നല്‍കി കഴുകന്‍ കുഞ്ഞുങ്ങളെ വളര്‍ത്തി..
അവ പാലെസ്തീനിലും അഫ്‌ഗാനിലും ഈയിടെ ഇറാഖിലും നല്ല പ്രകടനം നടത്തിയപ്പോള്‍, ഇന്ത്യാഗവണ്മെന്റ് വഴിയെനിക്ക് യു എന്നിന്റെ മികച്ച കര്‍ഷകനുള്ള അവാര്‍ഡ് ലഭിച്ചു.

എങ്കിലും ഞാന്‍ നിരാശനായിരുന്നു.

ബോസ്നിയയിലേക്കയച്ച എന്റെ കഴുകന്മാര്‍ ഭക്ഷണം കിട്ടാതെ ചത്തൊടുങ്ങുന്നു.യൂറോപ്യന്‍ യൂണിയനോടെനിക്ക് അമര്‍ഷം അറിയിച്ച് ഞാന്‍ കത്തെഴുതി.
ഈയടുത്ത കാലത്തൊന്നും എനിക്കാത്മഹത്യ ചെയ്യേണ്ടി വരില്ല. ഈയിടെ വെടിമരുന്ന് രുചിക്കുന്ന കഴുകന്‍ കൂഞ്ഞുങ്ങളെ ഞാന്‍ വിരിയിച്ചു..ലെബനോണിലേക്കും സോമാലിയയിലേക്കും കപ്പലിലേറ്റി വിട്ടുണ്ട് എന്റെ പുതിയ വിളവ്.
ഇത്തവണയും എനിക്കാണ് മികച്ച കര്‍ഷകനുള്ള അവാര്‍ഡ്..ജൂതന്മാര്‍ക്ക് നന്ദി.

(അടിക്കുറിപ്പ് : ഇത് മാധ്യമം, മിഡില്‍ ഈസ്റ്റ് ചന്ദ്രിക എന്നീ ദിനപത്രങ്ങളില്‍ പ്രസിദ്ധീകരിക്കാന്‍ സാധ്യതയുണ്ട്. നിലവിലുള്ള രാഷ്ട്രീയ സാഹചര്യത്തില്‍ ‘ദേശാ‍ഭിമാനിയിലും’.)

അവിഹിതഗര്‍ഭം -ഒരു സംഗീതാവിഷ്കാരം.

2006-11-21T09:10:00.000+04:00

നായിക ഗര്‍ഭിണിയായപ്പോഴാണ് വാദ്യോപകരണങ്ങള്‍ സംഗീതം പൊഴിക്കാന്‍ തുടങ്ങിയത്. മാനഭംഗത്തിന്റെ നായകനെ തിരഞ്ഞ് നാട്ടുകാര്‍ നിശ്ശബ്ദമായി , എങ്കിലുംഒരു മൂളിപ്പാട്ടിന്റെ താളത്തോടെ, മുറുമുറുപ്പോടെ അന്വേഷണം തുടങ്ങിയതപ്പോഴാണ്. ആ സംഗീതം സ്കൂളിന്റെ-സംഗീതവേദിയുടെ- പരിസരത്തെ ഹോട്ടലുകളിലും പെട്ടികടയിലും പലചരക്ക് പീടികകളിലും താളലയത്തോടെ, നേരിയ ശബ്ദവിതാനത്തോടെ മുഴങ്ങി കേട്ടു. സംശയത്തിന്റെ സംഗീതം കൂടുതല്‍ വ്യാപകമാകാന്‍ തുടങ്ങിയപ്പോള്‍ നായകനെ പറ്റിയുള്ള ഊഹങ്ങള്‍ ശുദ്ധ സംഗീതത്തില്‍ കലര്‍ത്തിയ പോപ് സംഗീതം പോലെ പ്രചുരപ്രചാരം നേടി തുടങ്ങി. വിരസമായ ദിനങ്ങളില്‍, തൊഴിലില്ലാത്ത ചെറുപ്പക്കാര്‍ പക്കമേളവുമായി രംഗം കൊഴുപ്പിക്കാനെത്തി. അവര്‍ക്ക് പ്രതിഫലമുണ്ട് ഈ നാടകത്തില്‍, അവര്‍ക്ക് മാത്രം.

നായിക പ്രായപൂര്‍ത്തിയെത്താത്ത സ്കൂള്‍ വിദ്യാര്‍ത്ഥിനിയായതിനാല്‍ സ്കൂളിലേക്ക് നാടക വേദി നീങ്ങി തുടങ്ങി. ചെറുപ്പക്കാര്‍ ഇത്തവണ മുഴക്കിയ ചെണ്ടവാദ്യം മൂര്‍ദ്ധന്യത്തിലെത്തിയപ്പോഴേക്കും നായകന്‍ അലസമായി നീങ്ങിയ ദിനത്തിന്റെ ആനുകൂല്യം മുതലെടുത്ത് സ്ഥലം വിടുമ്പോള്‍ പാടിയ പാട്ട് അജ്ഞാതഗീതമാണ്.

നായിക തനിക്ക് കിട്ടിയ താളപെരുക്കത്തിന്റെ കാഠിന്യത്തില്‍ നായകന്റെ പേര് വിളിച്ച് പറഞ്ഞപ്പോള്‍ സംഗീതത്തിന്റെ ശ്രുതി വിശ്വേത്തരചാതുരിയോടെ വ്യത്യസ്തമായി കമ്പനം തുടങ്ങി. ഒരിടത്ത് ശോകഗാനം ഇടയ്ക്കിടെയുള്ള നിലവിളികളോടെ ശ്രവ്യസുന്ദരമായി ഒഴുകാന്‍ ആരംഭിച്ചു. അത് നായകന്റെ ഭാര്യയും ഭാര്യമാതാവും ചേര്‍ന്നുള്ള ശുദ്ധസംഗീതമായി നാട്ടുകാര്‍ ആസ്വദിച്ചു. ആ ആസ്വാദനത്തിന്റെ അനന്തരഫലം പോലീസിന്റെ ഇടപെടലോടെ -നായകനെ കണ്ടെത്തുന്നു അറസ്റ്റ് ചെയ്യുന്നു-(അത്ഭുതത്താല്‍ കാഴ്ചക്കാരിലേക്ക് വീണ്ടും ശുദ്ധസംഗീതം.) കൂടുതല്‍ ശബ്ദാനമായി. തെളിവെടുപ്പിനായി നായകന്‍ താന്‍ പഠിപ്പിക്കുന്ന, നായിക പഠിച്ചിരുന്ന സ്കൂളിലെത്തിയപ്പോള്‍, നാട്ടുകാരുടെ ആസ്വാദനത്തിന്റെ നിലവാരമളക്കാന്‍ പോലീസുകാര്‍ ഒരുമ്പെട്ടപ്പോള്‍ പുറപ്പെട്ട തുകല്‍ വാ‍ദ്യം വര്‍ണ്ണശബളമായ രംഗാവിഷ്കാരമായി. നിറങ്ങള്‍ ചിതറിതെറിച്ചു. സോണിക് ലൈബ്രറികള്‍ക്കായി ,സൂക്ഷ്മമായി ശേഖരിക്കാവുന്ന നിരവധി ശബ്ദങ്ങള്‍ അന്തരീക്ഷത്തില്‍ ചെറുപ്പക്കാര്‍ സൃഷ്ടിച്ചു. അദ്ധ്യാപകന് നഷ്ടപ്പെടാനിനി പല്ലില്ലെന്നാരോ വിളിച്ച് പറഞ്ഞപ്പോള്‍ സംഗീതാസ്വാദനത്തിന് ഉന്നതനിലവാരമാണെന്ന് രേഖപ്പെടുത്തി പോലീസുകാര്‍, വായിച്ച് തീര്‍ന്ന ‘നോട്സ് ‘എടുത്ത് തിരിച്ച് പോയി. സംഗീതം ആരോഹണാവരോഹണതാളത്തില്‍ അന്തരീക്ഷത്തില്‍ തുടര്‍ന്നു. നായകന്റെ ഭാര്യയെയും പിള്ളേരെയും കാണുമ്പോള്‍ ശുദ്ധസംഗീതം വിഷണ്ണമായി പരന്നു. ഭാര്യമാതാവിനെ കാണുമ്പോള്‍ കൂടുതല്‍ ദു:ഖാര്‍ദ്രമായ ഈണത്തില്‍ അലോസരമായി ഒഴുകി. ചെറുപ്പക്കാര്‍, പക്കമേളക്കാര്‍ പ്രതിഫലത്തിനായി സംഗീതം അവസാനിക്കാന്‍ കാത്തിരുന്നു.

പോലീസുകാര്‍ വീണ്ടും രംഗം കൊഴുപ്പിക്കാനെത്തി.നായകന്റെ പരാതി പ്രകാരം നാട്ടുകാരില്‍ നിന്ന് ഉന്നത നിലവാരം പുലര്‍ത്തിയ ആസ്വാദകരെ ആദരിക്കാന്‍ സ്വീകരിച്ചാനയിക്കാനെത്തിയപ്പോള്‍ ചടങ്ങില്‍ മുഴങ്ങിയേക്കാവുന്ന പാശ്ചാത്യ സംഗീതം ഭയന്ന് സ്വീകരണ വാഹനം തടഞ്ഞപ്പോള്‍ കൂടുതല്‍ വയലിന്‍ വാ‍ദകരെത്തി. ഗാനം രോദനങ്ങളുടെ ഹമ്മിംങ്ങോടെ ഒഴുകി തുടങ്ങി.
രാഷ്ട്രീയക്കാര്‍, കാലഹരണപ്പെട്ട് തുടങ്ങിയ സാന്ത്വനശ്രുതിയുമായി നാടകവേദിയിലേക്ക് ശുഭ്രവസ്ത്രരായെത്തി. ഖദറിന്റെ കഞ്ഞിപ്പശ സദസ്സില്‍ പരന്നപ്പോള്‍ മാത്രമാണ് നായകന്റെ സംഗീതത്തിന്റെ രാഷ്ട്രീയം സദസ്സിന് ആസ്വദിക്കാനായത്. രാഷ്ട്രീയസംഗീതവാദകരുടെ ഇത്ര മനോഹരമായ ഗാനം നിലച്ച് പോകാതിരുന്നെങ്കിലെന്ന് സദസ്യരോരുത്തരും ആത്മാര്‍ത്ഥമായി പ്രാര്‍ത്ഥിച്ചു. നായകന്റെ രാഷ്ട്രീയക്കാര്‍ വേദിയിലേക്കെത്തുമ്പോള്‍ സദസ്സില്‍ നിന്നും ഗാനാലാപനം ഒഴുകി തുടങ്ങി. എത്ര മനോഹരമായ നാടകം !!. നായകന്റെ അപദാനങ്ങള്‍ വാഴ്ത്തിപാടിയ വിപ്ലവ വരികളോരോന്നും ത്രസിപ്പിക്കുന്നതും വാദ്യമേളങ്ങളേക്കാള്‍ മനുഷ്യകണ്ഠങ്ങള്‍ക്ക് ശ്രവണസുഖിയായ ആവൃത്തി സൃഷ്ടിക്കാനാകുമെന്നും തെളിയിക്കുന്നതായിരുന്നു. രംഗം കൊഴുത്തപ്പോള്‍ സ്വയമേവ സംവിധായകന്‍ രംഗത്തെത്തി. നാടകം അവസാനത്തിലേക്കെത്തുന്നത് സംവിധായകന്റെ രംഗപ്രവേശത്തോടെയാണ്. സദസ്യര്‍ ആസ്വാദനത്തിന്റെ അത്യുന്നതിയില്‍ വിരാജിച്ചിരിക്കുമ്പോഴുണ്ടായ വ്യതിചലനം സരസമായ ശബ്ദവീചികളോടെയാണ് എതിരേറ്റത്. സംവിധായകന്‍ വിവാഹം കഴിക്കാന്‍ കരുതിയിരുന്ന നായികയെ , അവള്‍ക്ക് പതിനഞ്ച് വയസ്സേയുള്ളൂവെങ്കിലും അവളുടെ മാതാപിതാക്കള്‍ വിവാഹമോചിതരായിരുന്നതും മാതാവ് വേറെയൊരുത്തന്റെ കൂടെ പൊറുക്കുന്നതും അവഗണിക്കാന്‍ സംവിധായകന്‍ തയ്യാറായിരുന്നെന്ന വെളിപ്പെടുത്തലുയര്‍ന്നപ്പോള്‍ സദസ്സ്യരുടെ ഹൃദയത്തില്‍ നിന്നുയര്‍ന്ന സംഗീതം വര്‍ണ്ണനകള്‍ക്കതീതമായിരുന്നു.

ഇനി നാടകമവസാനിക്കുന്നു. നായകന്റെ ഭാര്യയും പിള്ളേരും ഭാര്യാമാതാവും സദസ്സിലേക്ക് നായകനെ താങ്ങിപിടിച്ച് കടന്നു വരുന്നു. ഗര്‍ഭം അലസിപ്പിച്ച നായികയുടെ പിന്നാലെ കഠിനാദ്ധ്വാനത്തിലൂടെ നേടിയെടുത്ത പ്രതിഫലം വാങ്ങിക്കാനായി പക്കമേളക്കാര്‍ പോകുന്നു. സംവിധായകന്‍, സദസ്സില്‍ നിന്ന് , ഇനി ഞാന്‍ എന്തിന് കാത്തിരിക്കുന്നു ? എന്ന ചോദ്യം സദസ്യര്‍ക്കായി എറിഞ്ഞ് നായികയ്ക്ക് പിന്നാലെ വേദിയിലേക്കേറുന്നു. സംഗീതം ഉച്ഛാസ്തിയില്‍ മുഴങ്ങുന്നു. കര്‍ട്ടന്‍ താഴുന്നു. കുറേ നാള്‍ കൂടി കണ്ട സംഗീതനാടകം ആസ്വദിച്ച സംതൃപ്തിയോടെ സദസ്യര്‍ എഴുന്നേറ്റ് കയ്യടിക്കുന്നു.

-ശുഭം-

സ്വപ്നവ്യാഖ്യാനം.

2006-10-16T09:43:00.000+04:00

“ഉഷ്ണവാതകാറ്റ് അതിന്റെ ഉഗ്രസംഹാരശേഷിയോടെ ആഞ്ഞുവീശുന്നു. പ്രാ‍ര്‍ത്ഥനക്കിരിക്കുന്നവരുടെ
വസ്ത്രങ്ങളിലേക്കും ശരീരത്തിലേക്കും മണല്‍തരികള്‍ പടര്‍ന്ന് കയറുന്നു.വൈകി പ്രാര്‍ത്ഥനയ്ക്കെത്തിയവരായിരിക്കും അവരെന്ന് തീര്‍ച്ച.പ്രാര്‍ത്ഥനയ്ക്ക് വേണ്ട രീതിയിലല്ല അവരുടെ വസ്ത്രധാരണം.അവര്‍ക്കായി മറ്റുള്ളവര്‍ ഇടം നല്‍കാ‍ന്‍ തയ്യാറായതോടെ എനിക്കും പ്രാര്‍ത്ഥിക്കാനാകുന്നു.
പെരിങ്ങോടന്‍ കെട്ടിടത്തിന്റെ മുകളില്‍ നിലയില്‍ പ്രാര്‍ത്ഥിക്കുകയാകുമെന്ന് എന്റെ പ്രാര്‍ത്ഥനാനേരത്ത് ഓര്‍മ്മ വന്നു. പ്രാര്‍ത്ഥനയ്ക്ക് ശേഷം എന്റെ അടുത്തായുണ്ടായിരുന്ന ഫിലിപ്പിന സ്ത്രീ, അവള്‍ തോളോട് ചേര്‍ന്ന റ്റീ ഷര്‍ട്ടും മുട്ടൊപ്പം വരുന്ന ട്രൌസേഴ്സ് ആയിരുന്നു ധരിച്ചിരുന്നത്, ഖുറാന്റെ പ്രതിയെവിടെയെന്നാരാഞ്ഞു. എന്റെ കയ്യിലുണ്ടായിരുന്ന ഗ്രന്ഥം രാ‍ജ്, പ്രാര്‍ത്ഥനയ്ക്ക് മുമ്പുണ്ടായിരുന്ന ധര്‍മ്മോപദേശ സമയത്ത് വായിച്ചിരുന്നത് ഞാനോര്‍ത്തു. ഫിലിപ്പിന വീണ്ടും ചോദ്യം ആവര്‍ത്തിച്ചത് അവഗണിച്ച് ഞാന്‍ പാതി അന്ധതയോടെ രാജിനെ തിരഞ്ഞ് മുകള്‍നിലയിലേക്ക് തപ്പിതടഞ്ഞ് കയറാനാരംഭിച്ചു. വിശ്വാസികളുടെ ധൃതിയിലുള്ള തിരിച്ച് പോക്ക് കാരണം എന്റെ യാത്ര ദുഷ്കരമാകുന്നു. എന്റെ താല്‍കാലികാന്ധതയ്ക്ക് കാരണമുണ്ട്. ധര്‍മ്മോപദേശ സമയത്ത് ഞാന്‍ ഉറങ്ങുകയും രാജ് അത് സശ്രദ്ധം ശ്രവിക്കുകയുമായിരുന്നു. പ്രാര്‍ത്ഥന തുടങ്ങാന്‍ നേരത്ത് ആരോ ചിലര്‍ ഉണര്‍ത്തിയപ്പോഴേക്കും മുകള്‍ നിലയില്‍ ഉള്‍ക്കൊള്ളാനാവാതെ താഴെ നിലയിലേക്ക് എനിക്ക് ഇറങ്ങേണ്ടതായും വന്നു. എനിക്ക് രാജിനെ അവിടെ ഒറ്റയ്ക്ക് നിര്‍ത്തുന്നതില്‍ ഉല്‍ക്കണ്ഠയുണ്ടായിരുന്നു. അയാള്‍ പ്രാര്‍ത്ഥനാമന്ദിരത്തില്‍ ആദ്യമായാണ്."

ഞാന്‍ പാതി അന്ധതയെ ഭയന്ന് ഉറക്കമുണര്‍ന്നു. തിരക്കിട്ട ജോലിയാണിപ്പോള്‍ പുതിയ ഓഫീസില്‍. വ്രത മാസത്തിലെ ചുരുക്കിയ ജോലി സമയത്തിനിടയ്ക്ക് തീര്‍ത്താല്‍ തീരാത്ത ജോലിയാണുള്ളത്. ഇഫ്താറിന്‍ ശേഷം മറ്റൊരു പ്രാര്‍ത്ഥനയ്ക്ക് പോകാന്‍ വയ്യാത്തത്ര ക്ഷീണിതനായിരുന്നത് കാരണം ഞാന്‍ പതുക്കെ മയങ്ങി പോയി, അത് ഒരു ഗാഢനിദ്രയിലേക്കെത്തിച്ചു. ഉണര്‍ന്നപ്പോള്‍ എന്റെ പാതി അന്ധതയില്ലായിരുന്നു. പ്രകാശമാനമായ റൂമിലെ സാമഗ്രികള്‍ എനിക്ക് കാണാനായി. ഞാന്‍ ആശ്വസിച്ച് നെടുവീര്‍പ്പിട്ടപ്പോള്‍ എന്റെ സ്വപ്നത്തിന്റെ- മുകളിലെ ഖണ്ഡികയിലെ - വ്യാഖ്യാനമെന്തായിരിക്കുമെന്ന് ഊഹിക്കാന്‍ തോന്നിയത്.
പ്രാര്‍ത്ഥനാമന്ദിരത്തില്‍ നീട്ടിയത്ത് രാജ്‌നായരെന്ന പെരിങ്ങോടന്‍.
ഈയിടെ അദ്ദേഹത്തിന് (എന്റെ പ്രിയപ്പെട്ട ബ്ലോഗ് എഴുത്തുകാരനാണദ്ദേഹം) വിശുദ്ധഖുരാന്റെ യു.ടി.എഫ് ഫോര്മാറ്റിലുള്ള മലയാളം പരിഭാഷ അയച്ച് കൊടുത്തിരുന്നു. അത് സംബന്ധിയായ സംശയനിവാരണങ്ങള്‍ക്കായി വിശ്രമ സമയത്ത്, ചില ലിങ്കുകള്‍ തെരഞ്ഞെടുത്ത് വരികയുമായിരുന്നു.അത് ആവശ്യമായി വന്നില്ലെന്നത് വേറെ കാര്യം. ആത്മീയകാര്യങ്ങള്‍ക്ക്, സംശയനിവാരണത്തിനായി സമീപിക്കാവുന്ന ബ്ലോഗറുടെ സഹായം രാജ് നേരത്തെ തേടിയിരുന്നു. പ്രാര്‍ത്ഥനാമന്ദിരത്തിലെ(മുസ്ലിം പള്ളി) അമുസ്ലിം സാന്നിദ്ധ്യം എന്ന സ്വപ്നസൂചകത്തെ വിവര്‍ത്തനം ചെയ്യുമ്പോള്‍, ഞാന്‍ ഈയിടെ വായിച്ച ഡോ. പി.കെ. പോക്കറിന്റെ ‘പള്ളികള്‍ ഇങ്ങിനെയുമാകാം’ എന്ന ലേഖനം ഓര്‍മ്മ വരുന്നു. തുര്‍ക്കിയിലേക്കും ഒമാനിലേക്കും ഈയടുത്ത് അദ്ദേഹം നടത്തിയ ഒരു യാത്രാവിവരണ ലേഖനമാണത്. തുര്‍ക്കി തലസ്ഥാനമായ ഇസ്തംബൂളില്‍ പതിനേഴാം നൂറ്റാണ്ടില്‍ സുല്‍ത്താന്‍ അഹമ്മദ് നിര്‍മ്മിച്ച നീലപള്ളിയും ഒമാനിലെ സുല്‍ത്താന്‍ ഖാബൂസ് ഈയിടെ നിര്‍മ്മിച്ച ‘ഗ്രാന്റ് മോസ്കും സന്ദര്‍ശിച്ചപ്പോള്‍ അവിടെ പ്രാര്‍ത്ഥനയ്ക്കല്ലാതെ വന്നെത്തിയ അനേകം വിവിധമത വിശ്വാസികളായ സന്ദര്‍ശകരെ പറ്റി അദ്ദേഹം കേരളത്തിലെ മുസ്ലിം പള്ളികളുമായി താരതമ്യം ചെയ്യുന്നു. ആ ഓര്‍മ്മയാണ് രാജിന്റെ സ്വപ്ന സാന്നിദ്ധ്യത്തിന് വഴിതെളിയിച്ചിട്ടുണ്ടാകുക.
മണല്‍കാറ്റ്.
ഈ സൂചകം എന്റെ നിലവിലുള്ള മാനസികമായ അസ്വസ്ഥതയെ സൂചിപ്പിക്കുന്നു. ആത്മീയമായ ആശങ്ക എന്നെ ബാധിച്ചിരിക്കുന്നതും അതിന്റെ സംശയദൂരീകരണത്തിനായി ആത്മീയ തല്പരനായ ഗുരുവിനെ തേടാന്‍ കഴിയാതെയിരിക്കുന്നതിന്റെയും തീവ്രമായ മനോവിചാരമാവാം. എന്നെ തന്നെ മണലില്‍ പൊതിയുന്ന ഉഷ്ണവാതം കുറേ കൂടെ ദീര്‍ഘമായ ചിന്താസരണിയെ ആശ്രയിക്കേണ്ടിയിരിക്കുന്നു.
വേഷവിധാനത്തിലെ അശ്രദ്ധ.
പ്രാര്‍ത്ഥനക്കെത്തിയ സ്ത്രീകള്‍ ധരിച്ചിരുന്ന വസ്ത്രധാരണ രീതിയെ പറ്റി ചിന്തിക്കുമ്പോള്‍ ചില ഓറിയന്റലിസ്റ്റ് പ്രാര്‍ത്ഥനാരീതിയാണ് മനസ്സിലെത്തുന്നത്.മാസങ്ങള്‍ക്ക് മുമ്പ് ഇംഗ്ലണ്ടിലെ മുസ്ലിം പള്ളികളിലൊന്നില്‍ വനിതാ പ്രൊഫസര്‍ പ്രാര്‍ത്ഥനയ്ക്ക് നേതൃത്വം നല്‍കിയതും അതുമായുണ്ടായ ചില സംവാദങ്ങളും ഓര്‍മ്മയിലെവിടെയോ തങ്ങി നില്‍ക്കുന്നതായി ബോദ്ധ്യപ്പെടുന്നു. പ്രാര്‍ത്ഥിക്കുന്ന മുസ്ലിംകളും പ്രാര്‍ത്ഥിക്കാത്ത മുസ്ലിംകളും എന്ന വേര്‍തിരിവ് യഥാര്‍ത്ഥത്തില്‍ സമൂഹത്തില്‍ നിലനില്‍ക്കുന്ന ഒന്നാണെങ്കിലും സെപ്തംബര്‍ സംഭവങ്ങളോടെ അമേരിക്കന്‍ അന്വേഷണ ഏജന്‍സികളാണ് അത്തരമൊരു സാഹചര്യത്തെ പരാമര്‍ശിച്ചത്. ഓറിയന്റലിസ്റ്റ് ചിന്താഗതിക്കനുസൃതമായി ഇസ്ലാം മതവിശ്വാസാചാരങ്ങള്‍ ആരംഭിക്കുകയാണെങ്കില്‍ നിലവിലുള്ള ആചാരങ്ങളുടെ ഒരു പൊളിച്ചെഴുത്തുണ്ടായേക്കാം. സ്ത്രീപുരുഷന്മാര്‍ ഒന്നിച്ചുള്ള , വസ്ത്രധാരണ നിബന്ധനകളില്ലാത്ത പ്രാര്‍ത്ഥനരീതിയെ പറ്റി ചിന്തിക്കുന്നത് ഈ സ്വപ്നദര്‍ശനത്തിന് ശേഷം മാത്രമാണ്.
എന്റെ ഉറക്കവും രാജിന്റെ ഉണര്‍ച്ചയും.
ധര്‍മ്മോപദേശ സമയത്തുള്ള ഉറക്കം എന്റെ ബാല്യകാലം മുതലുള്ള ദു:ശ്ശീലമാണ്. ഈ സ്വപ്നദര്‍ശനത്തിന്റെ ഉറക്കത്തിന് മുമ്പ് ഞാന്‍ വായിച്ചിരുന്ന പുസ്തകം അഡോണിസ് എന്ന തൂലികാനാമത്തില്‍ എഴുതുന്ന അറബ് എഴുത്തുകാരനായ അലി സ‌ഈദിന്റെ ‘സൂഫിസവും സര്‍‌റിയലിസവും’ എന്ന കൃതിയില്‍ പത്തൊമ്പതാം നൂറ്റാണ്ടില്‍ (1854-1891) ജീവിച്ചിരുന്ന റിംബൊ(Rimbaud) വിന്റെ കവിതകളിലെ സൂഫി ചിന്താധാരയുടെ സ്വാധീനം ചര്‍ച്ച ചെയ്യുന്ന ലേഖനമായിരുന്നു. ആത്മീയമായ ചില ഉണര്‍ത്തലുകള്‍ അന്തര്‍ലീനമായിരിക്കുന്ന സ്വപ്നമായിരുന്നു അതെന്ന് എന്നെ ചിന്തിക്കാന്‍ പ്രേരിപ്പിക്കുന്നത് അതിലേക്ക് നയിച്ച വായനയാകാം.മറ്റൊന്ന്, സാരോപദേശങ്ങളും ധര്‍മ്മചിന്തകളും സാധാരണതലത്തിനുപരിയായുള്ള വിതാനത്തിലാണ് രാജിന്റേതെന്ന് നിരന്തരമായ സംഭാഷണങ്ങളില്‍ നിന്ന് ഉരുത്തിരിഞ്ഞ ചിന്തയുമാകാം, ഞാനുറങ്ങുമ്പോള്‍ രാജ് ഉണര്‍ന്നിരിക്കുന്നുവെന്ന സൂചകം തെളിയിക്കുന്നത്.

വിശ്വാസം

2006-09-26T16:06:00.000+04:00

വിശ്വാസം, അകം പൊള്ളയായ തകരപാത്രം പോലെയാണ്
അനുഷ്ഠാനങ്ങളുടെ ഓര്‍മ്മപ്പെടുത്തലുകള്‍ ഉയരുമ്പോഴൊക്കെ,
നിഷ്കര്‍ഷകളുടെ ബാല്യം ഭയപ്പെടുത്തുന്നു.
വേദഗ്രന്ഥം വായിക്കുമ്പോള്‍ ഉയരുന്ന ചോദ്യങ്ങള്‍,
നാസ്തികതയിലേക്ക് നയിക്കുമെന്നും ഭയക്കുന്നു.
ദൈവമേ ഞാന്‍ വിശ്വാസിയാകാം..
അതിന്‍ മുന്‍പ് എന്റെയൊരു ചോദ്യം കേള്‍ക്കൂ..
സത്യസന്ധനായൊരു നാസ്തികന്, പരലോകത്ത്-
നരകമോ സ്വര്‍ഗ്ഗമോ?

സമ്മാനം

2006-07-22T11:35:00.000+04:00

ഈയിടെ വിലപിടിപ്പുള്ളൊരു സമ്മാനം സുഹൃത്തിന് നല്‍കി..
അതിന്ശേഷം കണ്ടുമുട്ടുന്ന അവസരങ്ങളിലൊക്കെ കൃതജ്ഞത എന്നിലേക്കൊഴുകി.
അപ്പോഴാണ് എനിക്ക് പിണഞ്ഞ അബദ്ധമോര്‍ത്ത് ലജ്ജിച്ചത്,
സമ്മാനം, ഒരു പാതി സുഹൃത്തിനെ അകറ്റാനുള്ള എളുപ്പവഴിയാണെന്നറിഞ്ഞതില്‍.
ഇന്നലെ കൊച്ചുസമ്മാനങ്ങള്‍ കൊണ്ടെന്റെ വാടക വീട് ഞാന്‍ നിറച്ചു..
യഥാര്‍ത്ഥ സുഹൃത്തിനെ തേടാനാണ് ഈ സമ്മാന പൊതികള്‍!!

പരാജയം

2006-07-16T09:20:00.000+04:00

(ഒരു സുഹൃത്തിന്റെ മാതാവിന്റെ മരണം വേദനിപ്പിച്ചതിങ്ങനെയാണ്)
സ്ത്രീകളോട് എനിക്ക് വലിയ താല്പര്യമില്ല..
സ്നേഹം നല്‍കി അലോസരപ്പെടുത്തുന്ന മാതാവും
ഉപദേശത്തില്‍ കുരുക്കുന്ന പെങ്ങളും
വഴിപിഴച്ച കാമത്തെ നിയന്ത്രിക്കുന്ന ഭാര്യയും
വികാരങ്ങള്‍ക്ക് അതീതനായെന്നെ വിജേതാവാക്കാന്‍ വിസമ്മതിക്കുന്നു..
പരാജിതനാകാന്‍ ഉത്സുകനായത്,
ബന്ധനങ്ങളെ ഭയക്കുന്നതിനാലാണ്...
എന്റെ പരാജയത്തിന്റെ പിറകില്‍ സ്ത്രീയാണ്.

അങ്ങനെയായിരുന്നു അന്ന്..

2006-06-10T13:26:00.000+04:00

സാബുവിന് നാല് കുതിരകളുണ്ടായിരുന്നു. ഒരാണ്‍ കുതിരയും മൂന്ന് പെണ്‍കുതിരകളും... വല്യച്ഛന്‍ ഗരഖ്‌പൂരില്‍ നിന്നും ട്രെയിന്‍ വഴി അവയെ കൊണ്ടുവരുന്നതിനിടയ്ക്ക് സംഭവിച്ച അശ്രദ്ധ കാരണം പെണ്‍കുതിരകളില്‍ ഒന്നിന്റെ കാലിന്ന് , ആ കുതിര കുട്ടികുതിരയാണ് ,വൈകല്യം സംഭവിച്ചതില്‍ സാബു ഖിന്നനായിരുന്നു. സാബുവിന്റെ വീട്ടില്‍ വലിയ കുതിരലായം ഉണ്ടായിരുന്നു. സ്കൂള്‍ അവധികളില്‍ കുതിരലായത്തില്‍ വേനലവധി ആഘോഷിച്ച് കുതിരകഥകളുമായി സാബു സ്കൂള്‍ തുറക്കുമ്പോള്‍ വരുമായിരുന്നു.
വല്യച്ഛന്റെ കൂടെ കുതിരകളെ വാങ്ങാന്‍ ഗരഖ്‌പൂരിലേക്ക് യാത്ര പോകേണ്ടതിനാല്‍ സാബു മൂന്നാം ക്ലാസില്‍ വല്ലപ്പോഴുമേ വന്നിരുന്നുള്ളൂ. കുതിര കഥകളോടുള്ള എന്റെ കമ്പം കാരണം സാബുവിന്റെ ക്ലാസ്മുടക്കം ഭയങ്കരമായ വിഷമമുണ്ടാക്കി.

എന്റെ വാപ്പ വളരെ സ്നേഹസമ്പന്നനായിരുന്നു എന്റെ ബാല്യകാലത്ത്. ഇംഗ്ലീഷിലും കണക്കിലും നല്ല മാര്‍ക്കുണ്ടാകാന്‍ കാരണം വാപ്പായുടെ ട്യൂഷനായിരുന്നു. സ്കൂള്‍ വിട്ട് വീട്ടിലെത്തുമ്പോള്‍ , സ്വര്‍ണ്ണപൂക്കള്‍ വിരിയുന്ന പൂന്തോട്ടത്തില്‍ വെള്ളം നനയ്ക്കാന്‍ വാപ്പയും കൂടുമായിരുന്നു. നിറയെ പൂക്കളുള്ള സുഗന്ധം പരയ്ക്കുന്ന വീട്ട്മുറ്റത്തെ ഉദ്യാനത്തില്‍ നിന്ന് ഉപ്പാന്റെ തോളിലേറി ഞാന്‍ ചക്കപ്പഴം പറിക്കുമായിരുന്നു.

ഒരവധിക്കാലം കഴിഞ്ഞയുടനെയാണ് സാബുവിന്റെ വല്യച്ഛന്‍ മരിച്ചത്. ഞങ്ങള്‍ സുഹൃത്തുക്കള്‍ ടീച്ചര്‍മാരുമൊത്ത് വല്യച്ഛന്റെ ശവമടക്കലിനും സാബുവിന്റെ കുതിരകളെയും കാണാന്‍ പോയി. സാബുവിന് പക്ഷേ കുതിരലായമോ കുതിരകളെ വാങ്ങാന്‍ വേണ്ടി ഖരഗ്‌പൂരിലേക്ക് പോകാന്‍ മാത്രം കരുത്തുള്ള വല്യച്ഛനോ ഉണ്ടായിരുന്നില്ല. മടക്കയാത്രയില്‍ കുതിര കഥകളെ അത്യധികം ഇഷ്ടപ്പെട്ടിരുന്ന എനിക്ക് വളരെ വ്യസനം തോന്നി. ഖരഗ്‌പൂരില്‍ കുതിരചന്തകളുമില്ലായിരുന്നു.
ആ വര്‍ഷത്തെ അര്‍ദ്ധവാര്‍ഷിക പരീക്ഷയ്ക്ക് ഇംഗ്ലീഷിലും കണക്കിലും ഞാന്‍ പതിവില്ലാതെ തോറ്റു. പ്രോഗ്രസ്സ് കാര്‍ഡ് ഒപ്പിടുവാന്‍ വാപ്പ തന്നെ വരണമെന്ന് ക്ലാസ് ടീച്ചര്‍ നിര്‍ബന്ധം പിടിച്ചില്ലായിരുന്നുവെങ്കില്‍ മനോഹരമായ എന്റെ ഉദ്യാനവും സ്നേഹ സമ്പന്നനായ പിതാവും സുഹൃത്തുക്കളില്‍ കുറേ കാലം കൂടെ മനസ്സില്‍ തങ്ങി നില്‍ക്കുമായിരുന്നു. കാരണം എന്നെ പരസ്യമായി ശകാരിക്കുമ്പോള്‍ സ്നേഹ നിധിയായ പിതാവിന്റെ രൂപം അവര്‍ക്കിടയില്‍ നിന്ന് പൊഴിഞ്ഞ് വീഴുകയായിരുന്നല്ലോ.

പിന്നെയാണ് അറിഞ്ഞത് ഞങ്ങള്‍ക്കാര്‍ക്കും സ്നേഹം നല്‍കുന്ന പിതാക്കന്മാരുണ്ടായിരുന്നില്ലെന്ന്..

കലാലയ ജീ‍വിതത്തിലെ സൌഹൃദസംഭാഷണങ്ങള്‍ക്കിടയില്‍ ജയശ്രീയെന്ന സുഹൃത്ത് ബാല്യകാല സഖിയുണ്ടായിരുന്നോയെന്ന് ചോദിച്ചു. ഇടതുകാലിന്ന് ചെറിയ വൈകല്യമുള്ള റീനയെന്ന സുഹൃത്തിന്റെ കഥ പറഞ്ഞവസാനിപ്പിച്ചപ്പോളവള്‍ വീണ്ടും ചോദിച്ചു..
‘റീനയെ ചുംബിച്ചിട്ടുണ്ടോ?’
ചുംബനങ്ങള്‍ കൊണ്ട് പങ്കുവെക്കാന്‍ മാത്രം പരിചിതമായ സ്നേഹപ്രകടനങ്ങള്‍ ഞങ്ങള്‍ക്കറിയില്ലായിരുന്നുവെന്ന് ഞാന്‍ വീണ്ടും നുണ പറഞ്ഞു.

എന്റെ ഇല്ലായ്മകളെ വിശ്വസനീയമായ നുണകളെ കൊണ്ട് ഞാന്‍ പ്രതിരോധിച്ചു.സാബുവും അതുപോലെയായിരുന്നു. കുതിരകളോട് തോന്നിയ അതിരറ്റ സ്നേഹം നുണകളില്‍ കുതിരാലയം പണിയിച്ചു. ശയ്യാവലംബിയായ വല്യച്ഛനെ വിട്ട് ഖരഗ്‌പൂരില്‍ നിന്നും കുതിരകളെ വാങ്ങിപ്പിച്ചു.

ഞാന്‍ , സ്നേഹത്തിന്‍ കരവലയം പ്രതീക്ഷിച്ച് കൂട്ടുകുടുംബത്തിലെങ്കിലും ഏകാന്തമായി അലഞ്ഞു. അന്ന് ബാല്യത്തില്‍ വില കൂടിയ വസ്ത്രങ്ങള്‍ ഉണ്ടായിരുന്നു. പെന്‍സിലും ബാഗുകളുമുണ്ടായിരുന്നു. സ്നേഹം മാത്രം ഉണ്ടായിരുന്നില്ല. പക്ഷേ അതിന്റെ ദാരിദ്ര്യം കൊണ്ടല്ല, അതിന്റെ വിതരണത്തിലെ തെറ്റിദ്ധാരണകള്‍ കൊണ്ടാണ് ഞങ്ങള്‍ അവയ്ക്ക് ദാഹിക്കേണ്ടി വന്നത്. എന്റെ ചുണ്ടിലോ കവിളിലോ പിന്നീട് ജയശ്രീ ചുംബിക്കുമെന്ന് കരുതി. അങ്ങിനെയുണ്ടാകാത്തതിലെ സങ്കടം, രാത്രികള്‍ പങ്കിട്ടതിന്റെ മനോഹര കഥകളായി മാറി. അതെനിക്കാശ്വാസം നല്‍കിയതിനെ പറ്റി താത്വികമായി ചിന്തിച്ചപ്പോഴാണ് നുണകള്‍ ഇല്ലായ്മകള്‍ മറക്കുന്ന ഉടുപ്പാണെന്ന് തോന്നിയത്.

എന്റെ സഹപ്രവര്‍ത്തകന്‍ ഫലസ്ത്വീനി പൌരന്‍ കരീമിനോട് സ്വാതന്ത്ര്യത്തിന്‍ ചോരയൊഴുക്കുന്നതിന്‍ പകരം നുണകളില്‍ ആശ്വസിക്കാനപേക്ഷിച്ചു. ഒരു സ്വപ്നം തകര്‍ത്തവനെ പോലെ എന്നെ ക്രുദ്ധനായയാള്‍ നോക്കി. എനിക്ക് പറയാന്‍ ആകെയുണ്ടായിരുന്നതതാണ്. മസ്ജിദുല്‍ അഖ്‌സയുടെ തെക്ക് ഭാഗത്ത് ഖബറടക്കപ്പെടണമെന്ന് അയാള്‍ക്ക് നുണ പറയാനല്ലേ പറ്റൂ. അതസാദ്ധ്യമാണെന്ന് മനസ്സിലാക്കാന്‍ അയാള്‍ക്കൊഴികെ മറ്റെല്ലാവര്‍ക്കും അറിയുകയും ചെയ്യും.

ഇറാഖികള്‍ക്കും നുണകളില്‍ അഭിരമിച്ച് മനസ്സമാധാനത്തോടെ കഴിയാം. സ്വാതന്ത്ര്യത്തിന്റെ ആഘോഷപ്രകടമാണ് ഫല്ലൂജയിലും ബാഗ്ദാദിലും നടക്കുന്നതെന്ന് ആശ്വസിച്ചാല്‍ പോരെ? ഭര്‍ത്താവിനെയും ആണ്‍കുഞ്ഞുങ്ങളെയും കാത്തിരിക്കുന്ന അനേകം ബോസ്നിയന്‍ വിധവകള്‍ക്കും, തിരിച്ച് വരവിന്റെ നുണകളില്‍ ആശ്വസിച്ച് മധുവിധു ആഘോഷിക്കാം..അങ്ങിനെ ദു:ഖം പേറുന്നവര്‍ക്ക് മറുമരുന്നാണ് നുണകള്‍ കൊണ്ട് ആശ്വസിക്കാമെന്ന് കരുതിയതിലൂടെ ബാല്യകാലത്ത് ഞാനും സാബുവും കണ്ടെത്തിയത്.

അരിഗോണികള്‍

2006-04-16T12:12:00.000+04:00

നിഴല്‍ പ്രവാചകരെ കുറിച്ച് കേട്ടിട്ടുണ്ടോ? അവരില്‍ വിശ്വസിക്കുന്നവരെ പറ്റി? ചരിത്രകാലത്തിനും
ചരിത്രാതീതകാലത്തിനുമിടയ്ക്ക് പതിനായിരം വര്‍ഷത്തിന്റെ ചരിത്രം രേഖപ്പെടാതെ പോയതിനെ കുറിച്ച്
നിങ്ങള്‍ക്ക് അറിവുണ്ടാകും. നോഹയുടെ പെട്ടകത്തെ കുറിച്ചും... ദൈവം, ഭൂമിയിലെ എല്ലാ വര്‍ഗ്ഗത്തില്‍ നിന്നും
ഇണകളെ പെട്ടകത്തില്‍ കയറ്റാന്‍ നോഹയെ നിയോഗിച്ചപ്പോള്‍ അരിഗോണി വംശതലവന്‍ തന്റെ ബൃഹത്തായ
വംശ സാമ്രാജ്യത്തില്‍ നിന്ന് ഓരോ ഇണകളെ നല്‍കി നോഹയെ സഹായിച്ചു. അരിഗോണികളെ കുറിച്ചുള്ള ആദ്യ
ചരിത്ര പരാമര്‍ശം അവിടെ തുടങ്ങുന്നു. ദൈവം, കനത്ത പേമാരിയായി ജനതയ്ക്ക് മേല്‍ ശിക്ഷ വര്‍ഷിച്ചു. മാസങ്ങളോളം
നോഹയുടെ പെട്ടകം പ്രളയത്തില്‍ കര തേടിയലഞ്ഞു. പേമാരി നേര്‍ത്ത് ജലനിരപ്പ് താഴ്‌ന്നു. ഇണകള്‍
പെട്ടകത്തില്‍ നിന്നിറങ്ങി, ഭൂമിയില്‍ വംശപരമ്പര പുനരുജ്ജീവിപ്പിക്കാന്‍ അവര്‍ ഇണചേര്‍ന്നു. അരിഗോണി ഇണകള്‍
നോഹയുടെ മതം വിശ്വസിച്ചെങ്കിലും പരമ്പരാഗതമായ, നിഴല്‍ പ്രവാചകരെ പറ്റിയുള്ള വിശ്വാസം നില നിര്‍ത്താന്‍
അവര്‍ അവിസാന്ത ഭാഷ മറന്നില്ല. അരിഗോണികളുടെ ചരിത്രരചന അവിസാന്തയിലൂടെയായിരുന്നു. തിരശ്ചീനമാ‍യി
വലത് നിന്നും ഇടത് നിന്നും തുടങ്ങുന്ന പ്രാദേശിക ഭാഷാ രൂപത്തില്‍ നിന്നും തികച്ചും വ്യത്യസ്തമായി നിരയായി
മുകളില്‍ നിന്ന് കീഴോട്ട്, വിവരിക്കുന്ന സംഭവത്തിന്റെ പ്രധാന തലക്കെട്ട് ആദ്യ നിരയില്‍ വരും വിധം അവിസാന്ത
എഴുതി പോന്നു. അരിഗോണികള്‍ക്കല്ലാതെ മറ്റാര്‍ക്കും അതൊരു ഭാഷയാണെന്ന് തോന്നിയില്ല. വംശനാശം സംഭവിച്ച
ഏതോ പക്ഷിയുടെ കാഷ്ഠം നിലത്ത് വീഴുന്നതിന്റെ രേഖാചിത്രമെന്ന് അരിഗോണികളല്ലാത്തവര്‍ അവിസാന്തയെ പറ്റി
കരുതി.

കാലം കഴിയവെ അരിഗോണി വംശം പരമ്പരാഗത വിശ്വാസത്തിലൂടെ ജീവിക്കാന്‍ മലകളും മരുഭൂമിയും താണ്ടി
നോഹയില്‍ നിന്നും അകന്നു. യാത്രയിലുടനീളം തങ്ങളില്‍ നിന്നുള്ളോരൊ ഇണകളെ വഴി വക്കിലുപേക്ഷിച്ച് അവസാന
ഇണയും ബാക്കിയാവും വരെ യാത്ര തുടര്‍ന്നു. ഓരോ ഇണകളും തങ്ങള്‍ക്ക് ലഭിച്ച പക്ഷിമൃഗാദികള്‍ക്കൊപ്പം നിഴല്‍
പ്രവാചകരുടെ നിര്‍ദ്ദേശമനുസരിച്ച് ജീവിച്ച് തുടങ്ങി.

അരിഗോണികള്‍, നിഴല്‍ പ്രവാചകരോട് സംഭാഷണത്തില്‍ ഏര്‍പ്പെടാന്‍ ആറാം മാസത്തില്‍ ആണ്‍കുഞ്ഞുങ്ങളെ
തികയാതെ പ്രസവിച്ചു. എല്ലാ ഇണകളും ആദ്യം ആണ്‍കുഞ്ഞിനെ പ്രസവിക്കുന്നതിനായി നിലാവുള്ള രാത്രിയില്‍ മാത്രം
വംശവര്‍ദ്ധനയ്ക്കായി വേഴ്ചയിലേര്‍പ്പെട്ടു. തികയാതെ പ്രസവിച്ച ആണ്‍കുഞ്ഞിനെ വീടിന്റെ വലത് വശത്ത്
ഭയഭക്തിയോടെ മറവ് ചെയ്തു. മരണദു:ഖത്തിന്റെ നാല്പത് നാ‍ള്‍ കഴിയുന്ന രാത്രിയില്‍ നിഴല്‍ പ്രവാചകരുടെ ആദ്യ
സന്ദേശവുമായി ആണ്‍കുഞ്ഞ് മാതാവിന് സ്വപ്നദര്‍ശനം നല്‍കി. മാതാവ് മകന്റെ നേത്രങ്ങളില്ലാത്ത മുഖരൂപം വരച്ച്
പുറത്തേക്ക് തുറക്കുന്ന വാതിലിന്റെ അകത്ത് ഇടത് വശത്തായി തൂക്കിയിട്ടു. ആ വീടിന്റെ സ്വപ്ന സന്ദേശവാഹകനെ
നിര്‍ദ്ദേശങ്ങള്‍ക്കായി സ്വപ്നം കണ്ടു.

അരിഗോണി മാതാക്കള്‍ നാലില്‍ കൂടുതല്‍ ഒരിക്കലും പ്രസവിച്ചില്ല. സ്വപ്ന സന്ദേശവാഹകനായ ആണ്‍കുഞ്ഞും മൂന്ന്
ആണോ പെണ്ണോ ആയവരും ചേര്‍ന്ന് ചെറിയ വംശം. ക്രമേണ വംശവര്‍ദ്ധന സംഭവിച്ചതോട് കൂടി അരിഗോണി
പിതാക്കന്മാര്‍ ലംബമായി ക്രമീകരിച്ച വീടുകളില്‍ താമസിച്ച് തുടങ്ങി. സമൂഹത്തിലെ പ്രായം ചെന്ന അരിഗോണി
ലംബമായ നിരയില്‍ ആദ്യം വീട് പിന്നെ പശു തൊഴുത്ത്, ആട്ടിന്‍ കൂട്,പക്ഷികള്‍ക്കായുള്ള കൂടുകള്‍ അങ്ങിനെ
നിരയായി സജ്ജീകരിച്ചു. അയാളെ മറ്റു അരിഗോണികള്‍ പിതാവെന്ന് വിളിച്ചു. പിതാവിന്റെ വസതിയുടെ ഇടത്
ഭാഗത്തോട് ചേര്‍ന്ന് സ്വപ്ന സന്ദേശവാഹകര്‍ക്കായി ഒരു നിര വീട് ഒഴിച്ചിട്ടു. മക്കള്‍ എന്ന് വിളിക്കുന്ന മറ്റു
അരിഗോണികള്‍ പ്രായകൂടുതല്‍ അനുസരിച്ച് ഇടതു വശത്തായി നിരയായി താമസിച്ചു. മക്കള്‍ പരസ്പരം
സഹോദരരെന്ന് കരുതി പോന്നു.

പകല്‍ സമയത്തെ അഞ്ചായി പകുത്ത് ആദ്യ പകുതിയില്‍ സ്വപ്നദര്‍ശനത്തിന്റെ സന്ദേശം ഓര്‍ത്തെടുക്കുവാനും പകല്‍
നേരത്തേക്കുള്ള ഭക്ഷണം പാകം ചെയ്യുവാനും പ്രഭാതഭക്ഷണത്തിനായും നീക്കിവെച്ചു. അവിസാന്ത ഭാഷയുടെ
പഠനത്തിനായി രണ്ടാം പകുതിയും പുസ്തക രചനകള്‍ക്കായി മൂന്നാം പകുതിയും താഴെ ശിഖരത്തില്‍ ഭക്ഷണ ധാന്യവും
ക്രമാനുഗതമായി വിവിധ ശിഖരങ്ങളില്‍ മൃഗങ്ങള്‍, പക്ഷികള്‍ എന്നിവയ്ക്ക് വേണ്ട വിഭവങ്ങളും ഏറ്റവും മുകളില്‍
ലോഹവും വിളയുന്ന, അരിഗോണ പ്രവാചകര്‍ സമ്മാനിച്ച അഗിനാര്‍ മരങ്ങള്‍ക്ക് വളമായൊഴിക്കാന്‍ തീ പകരാന്‍
നാലാം പകുതിയും വിനിയോഗിച്ചു. അരിഗോണികള്‍ക്ക് തീ ദ്രാവക രൂപത്തിലായിരുന്നു നോഹ സമ്മാനിച്ചിരുന്നത്.
പൊള്ളലേല്‍ക്കാത്ത കൈവിരലുകള്‍ കൊണ്ടവര്‍ അഗിനാര്‍ മരങ്ങള്‍ക്ക് തീ പകര്‍ന്നു. അഗിനാര്‍ മരങ്ങള്‍
മൂപ്പിനനുസരിച്ച് ലംബമായാണ് നട്ടിരുന്നത്. അഗിനാര്‍ വിത്തുകള്‍ പാകമാകുമ്പോള്‍ ഇടത്തേക്ക് കൊഴിഞ്ഞു.
അരിഗോണികര്‍ക്ക് അവയ്ക്ക് തീ പകരേണ്ട ജോലി മാത്രമേയുണ്ടായിരുന്നുള്ളൂ. അഞ്ചാം പകുതിയില്‍ പ്രാര്‍ത്ഥനാ
വാക്യങ്ങള്‍ ഉരുവിട്ട് കൃഷി സ്ഥലത്ത് നിന്ന് വിളവുമായി, നിരയായി തിരിച്ച് നടന്നു. അവനവന്റെ വീടുകളില്‍
എത്തുമ്പോഴാണ് സൂര്യന്‍ തെക്ക് അസ്ഥമിച്ചിരുന്നതെന്നതിനാല്‍ ഏറ്റവും ഇളയ അംഗമായിരുന്നു മടക്ക യാത്രയില്‍
മുന്നില്‍ നടന്നിരുന്നത്. അരിഗോണരുടെ കൃഷിസ്ഥലം മാത്രം പ്രവാചക സന്ദേശവാഹകരുടെ ഖബറിടത്തിന്റെ വലത്
ഭാഗത്തായി തയ്യാറാക്കി. കാരണം പ്രവാചകര്‍ അഗിനാര്‍ മരങ്ങളിലായിരുന്നു വസിച്ചിരുന്നത്. വലതു ഭാഗം
അരിഗോണര്‍ക്ക് അതിനാല്‍ പാവനമാക്കപെട്ടതായി.

മൂന്നാം പകുതിയില്‍ അരിഗോണര്‍ രചിച്ച അവിസാന്ത പുസ്തകങ്ങള്‍ പിതാവ് നാലാം പകുതിയില്‍ വായിച്ച്
തീര്‍ക്കുമ്പോള്‍ അവിസാന്ത ഭാഷയോട് തലയാട്ടി സംസാരിക്കുന്നത് പോലെ ദ്യോതിപ്പിച്ചു. രാത്രിയില്‍ അരിഗോണര്‍
വിളക്ക് തെളിയിക്കുമായിരുന്നില്ല. തീ ദ്രാവകമായായിരുന്നല്ലോ അക്കാലത്ത്. രാത്രിയില്‍, പ്രവാചക സന്ദേശകര്‍ക്ക്
അരോചകമാകാതിരിക്കാന്‍ അരിഗോണര്‍ കൂര്‍ക്കം വലിക്കാതിരുന്നു. ഇതിനായി രാത്രിയേയും നാല്
പകുതിയാക്കിയിരുന്നു. ഓരോ യാമത്തിലും അരിഗോണികള്‍ കൂര്‍ക്കം വലിക്കാതിരിക്കാന്‍ പ്രാര്‍ത്ഥിച്ചു. സന്ദേശവാഹകര്‍
അന്ത്യയാമത്തില്‍ മാത്രമാണ് അരിഗോണര്‍ക്ക് പ്രവചനങ്ങളും നിര്‍ദേശങ്ങളും നല്‍കിയിരുന്നത്. പകലിന്റെ ആദ്യ
പകുതിയില്‍ സ്വപ്നദര്‍ശനം അതിനാല്‍ സുഗമമായി ഓര്‍ത്ത് വെക്കാന്‍ അരിഗോണികള്‍ക്ക് കഴിഞ്ഞു.

പ്രപിതാവിന്റെ പൌരാണിക അവിസാന്ത പുസ്തകത്തില്‍ തലയാട്ടി, വംശചരിത്രം വായിച്ച്, വഴിവക്കില്‍ ഉപേക്ഷിച്ച്
പോയ വംശപരാവലിയെ തിരഞ്ഞ് ഞാനും യാത്രയായി. ഒമാനിലെ സീബ് വിമാനത്താവളത്തില്‍ നിന്നും ഇരുനൂറ്
മൈലകലെ നിസ്‌വ എന്നയിടത്ത് എത്തി ചേര്‍ന്ന് ഉപജീവനം കഴിച്ച് കൊണ്ടിരിക്കെ, ജബല്‍ അഖ്ദര്‍
എന്നയിടത്തൊരു അരിഗോണി പിതാവ് കാത്തിരിക്കുന്നതായി സ്വപ്നസന്ദേശം ലഭിച്ചു.

ചെങ്കുത്തായ മലനിര താണ്ടി, പൊട്ടി പൊളിഞ്ഞൊരു വാഹനത്തോട് ചാരി മയങ്ങുമ്പോള്‍ അവിസാന്ത ഭാഷയിലെ
വരവേല്‍പ്പ് ഗാനം കേട്ടു. വംശത്തിലൊരു അരിഗോണി പിറക്കുമ്പോള്‍ പിതാക്കന്മാര്‍ പാടുന്ന മനോഹര ഗാനം!!.
നൂറ്റാണ്ടുകള്‍ പഴക്കമുള്ള ഗാനം!!!

പ്രായാധിക്യത്തിന്റെ ദുര്‍ഗന്ധം മയക്കത്തില്‍ നിന്നുണര്‍ത്തുമ്പോള്‍ അരിഗോണി പിതാവെന്റെ ഇടത്തെ ചുമലിന്റെ
പിറകില്‍ അരിഗോണി ചിഹ്നത്തിന്ന് വേണ്ടി തിരയുകയായിരുന്നു. അരിഗോണിയുടെ മരണം വരെയുള്ള യാത്രയുടെ
മുഴുവന്‍ വിവരവും രേഖപ്പെടുത്തിയ ചിഹ്നം വായിച്ച് പിതാവ് പ്രവചിക്കാന്‍ തുടങ്ങി..
വഴിയിലുപേക്ഷിക്കപെട്ട പൂര്‍വ്വ പിതാക്കള്‍ക്ക് ആയിരത്തോളം വര്‍ഷത്തിന്റെ പഴക്കമുണ്ടെന്നും വംശപരമ്പരയെ
കൂട്ടിചേര്‍ക്കാനുള്ള ശ്രമത്തിനിടയില്‍ ഭാരതത്തിന്റെ തെക്കെ മൂലയില്‍ ഇതര സമുദായത്തോട് ഇടചേര്‍ന്ന് ജീവിക്കുന്ന
അരിഗോണികള്‍ മുഴുവനായും നാടുപേക്ഷിക്കുമെന്നും തിരിച്ച് പോകാനാകാതെ പ്രവാസികളായി മരിക്കുമെന്നും പ്രവചിച്ചു.

പ്രവചന നാള്‍ തൊട്ട് രണ്ട് വര്‍ഷം തികയുമ്പോള്‍ കെനിയയില്‍ നിന്നുമെത്തുന്ന അരിഗോണിക്കൊപ്പം
വംശപരമ്പരയെ തിരഞ്ഞ് യാത്രയാകും വരെ കാത്തിരിക്കാന്‍ പറഞ്ഞ് പിതാവ് അകന്നു പോയി.
ഈയടുത്ത് മറ്റൊരു സന്ദേശം ലഭിച്ചത് നൂറ്റാണ്ടുകളായുള്ള അരിഗോണി സമൂഹത്തിന്റെ നിലനില്‍പ്പിന്റെ പൊരുള്‍
തെളിയിക്കുന്നതായിരുന്നു. കെനിയയില്‍ നിന്നുള്ള അരിഗോണി യാത്രയ്ക്കൊരുങ്ങുന്നു...

ജന്മനാട്ടിലേക്ക് തിരിച്ച് പോകാന്‍ പ്രവാചകര്‍ നിശ്ചയിച്ചിട്ടില്ലാത്തതിനാല്‍ മറ്റൊരു യാത്രയ്ക്കായ് അഗിനാര്‍ വിത്തുകള്‍
നിറച്ച ഭാണ്ഡവുമായി കാത്തിരിക്കുമ്പോള്‍, വംശനാശം സംഭവിച്ച ഏതോ പക്ഷിയുടെ കാഷ്ഠം നിലത്ത് വീഴുന്നതിന്റെ
രേഖാചിത്രമാണ് അവിസാന്ത ഭാഷയെന്ന് തെറ്റിദ്ധരിച്ച അരിഗോണികളല്ലാത്തവര്‍ക്ക്, ശാസ്ത്രത്തിന്റെ
പിന്‍ബലമുണ്ടായിട്ട് പോലും അരിഗോണി പ്രവചനങ്ങള്‍ പുലരുന്നതിന്റെ സാംഗത്യം കണ്ടെത്താന്‍ കഴിയാത്തതിനെ
പറ്റി ഖേദം തോന്നി.

-ശുഭം-

ഉന്മാദം

2006-03-07T13:11:00.000+04:00

മല്ലിക ആത്മഹത്യ ചെയ്യേണ്ടിയിരുന്നില്ല എന്ന കാഴ്ചപ്പാടാണ് കൂടുതല്‍ ശരിയെന്ന് എനിക്കിപ്പോള്‍തോന്നുന്നത്. പൊങ്കല്‍ അവധിക്ക് മൂന്ന് നാള്‍ മുമ്പായിരുന്നല്ലോ, ജീവിതത്തെ നിസ്സാരമാക്കിമരണത്തിലേക്ക് അവള്‍ എടുത്തുചാടിയത്. മൂക്കുത്തിയും വെള്ളികൊലുസുകളും പൊന്‍‌വളകളും മുല്ലപ്പൂവും അവളോടൊപ്പം പാളങ്ങള്‍ക്കിരുവശവും ചിതറിതെറിച്ചിട്ടുണ്ടാകണം.
‌‌‌‌ അലോസരപ്പെടുത്തുന്ന, പാദസരത്തിന്റെ കിലുക്കമിനിയുണ്ടാവില്ല. അവധി ദിനങ്ങളിലെ പുലരിയില്‍ കാശിനായി വാതിലില്‍ മുട്ടുകയുമുണ്ടാവില്ല. മുല്ലപ്പൂവിന്റെ സുഗന്ധം പരത്തി ലോഡ്ജിന്റെ ഗോവണി കയറി പ്രകോപനമുണ്ടാക്കുകയുമില്ല.

വിവാഹനിശ്ചയത്തിന്റെ തലേന്ന് മല്ലികയുടെ കാമുകന്‍ ദാരുണമായി വധിക്കപ്പെട്ടു.

സ്വപ്നങ്ങളുടെ നൂലിഴയില്‍ നെയ്ത മനോഹരമായ പുറംകുപ്പായം നെടുകെ കീറിയതില്‍ പിന്നെ മല്ലിക, രോഗികളും അവരുടെ ബന്ധുക്കളും താമസിക്കുന്ന ലോഡ്ജിലേക്ക് വന്നേയില്ല.
അവധിക്കാലത്തിലേക്കുള്ള തിരക്കിലായതിനാല്‍ ഞാനൊട്ടന്വേഷിച്ചുമില്ല. അലക്കിതേച്ച വസ്ത്രത്തിന്റെ കാശ് കൊടുക്കാന്‍ മല്ലികയെ അന്വേഷിച്ചപ്പോഴായിരുന്നു ആ ആത്മഹത്യയുടെ വാര്‍ത്ത എന്നെ നിരാ‍ശനാക്കിയത്.

ഇരുട്ടിന്റെ മാംസളതയെ കീറിമുറിച്ച് ട്രെയിനെന്നെ അവധിക്കാലത്തേക്ക് കൊണ്ട് പോകുന്ന നിമിഷങ്ങളൊന്നും ഞാനാ വേദനയില്‍ അറിയാതെ പോയി. കാട്പാടിയിലെ ആശ്വാസത്തിലും സേലത്തെ തിരക്കിലും ഞാന്‍ മല്ലികയെ ഓര്‍ക്കുകയായിരുന്നു.... അവള്‍ എനിക്കന്ന്യയായിരുന്നില്ല.. കണ്ട് മറന്നു പോകുമായിരുന്ന മനോഹരമായ ആ ബന്ധം മല്ലികയുടെ ബുദ്ധിശൂന്യതയിലൂടെ എന്നേക്കുമായി എന്നില്‍ തങ്ങി നില്‍ക്കുമെന്ന് ഉറപ്പായി.
യൌവന സഹജമായ എന്റെ അഭിനിവേശം മല്ലികയുടെ മനോഹരമായ പുഞ്ചിരിയില്‍ അലിഞ്ഞില്ലാതായതില്‍ പിന്നെ അവധി ദിനങ്ങളില്‍ പങ്കുവെച്ച കഥകളെല്ലാം അവളുടെ ദൈന്യമായ ജീവിതത്തിന്റേതായിരുന്നു. തഞ്ചാവൂരിലെ കുഗ്രാമത്തില്‍ നിന്ന് ചെന്നൈയിലേക്ക്, എന്നെ പോലെ മഹാനഗരത്തിന്റെ കാമുകനായല്ല അവള്‍ വന്നത്. വറുതികള്‍ക്ക് അല്പമെങ്കിലും അറുതി നല്‍കാനായിരുന്നു.കഠിനാദ്ധ്വാനത്തിലൂടെ ജീവിതത്തിന് പ്രതീക്ഷ കൈവരുന്നതിനിടയില്‍ കതിരവനുമായി മല്ലിക പ്രണയത്തിലായി സ്വപ്നങ്ങളുടെ ചില്ലകള്‍കൊണ്ട് ജീവിതത്തിന്റെ കൂര പണിയുന്നതിന്റെ ഇടവേളയിലാണ് ഞാനുമായി മല്ലിക പരിചിതമായത്.

വര്‍ഷങ്ങള്‍ക്ക് ശേഷം മല്ലികയെ ഓര്‍ക്കുമ്പോള്‍ നൊമ്പരമുണ്ടെങ്കിലും ആ ജീവിതം തകര്‍ന്ന് പോയതിന്റെ വേദന വേട്ടയാടിയ പൊങ്കലവധിക്ക് ശേഷം ചുടുകാടില്‍ വിശ്രമിക്കുന്ന മല്ലികയെ കാണാന്‍ ചെല്ലുകയുണ്ടായില്ല.

ചെന്നൈ മഹാനഗരത്തോടുള്ള കാമം നഷ്ടപ്പെട്ട് പേരറിയാത്ത ഋതുക്കളുടെ ശാപം വഹിക്കാന്‍ മരുഭൂവിലെത്തി അധികമാകും മുമ്പെ രാത്രിയുടെ അന്ത്യയാമങ്ങളില്‍ ഉറക്കം നഷ്ടപ്പെടുത്തി, മല്ലിക എന്റെ ചെവികളില്‍ പൊട്ടിച്ചിരികള്‍ കൊണ്ടലോസരപ്പെടുത്തി. വിളവെടുപ്പിന്റെ ഈ നാട്ടില്‍ ഇരുട്ടിറങ്ങാത്ത രാത്രിയെ കാണാന്‍ ഇടുങ്ങിയ ബാല്‍ക്കണികളിയിലേക്ക് ഞാനിറങ്ങി. പ്രഭാത പ്രാര്‍ത്ഥനക്കുള്ള ക്ഷണം നിരസിച്ച് ഓര്‍മ്മകളുടെ അലോസരം ആസ്വദിച്ചു.
ഉറക്കം നഷ്ടപ്പെടുത്തി മല്ലിക ഒരു നാള്‍ ബാല്‍ക്കണിയിലെന്നെ ഒറ്റയ്ക്കാക്കി കതിരവനെ വിളിക്കാന്‍ പോയ നേരത്ത്, പിതാമഹന്‍ ഭാഗം വെച്ച തെങ്ങിന്‍ തോപ്പ് അകാരണമായി വിറ്റഴിച്ചതിനെ പരിഭവിച്ച് ബാല്‍ക്കണി വഴി കടന്നു വന്നു. എന്റെ പിതാവിന്റെ ചെയ്തിയിലെനിക്കുള്ള നിസ്സഹായാവസ്ഥ അറിയിച്ച് ഞാനാശ്വാസം കൊണ്ടു.
മല്ലിക കതിരവനൊത്ത് തിരിച്ച് വന്നപ്പോഴേക്കും പിതാമഹന്‍ ബാല്‍ക്കണി വഴി താഴേക്ക് പോയെന്നെ അല്‍ഭുതപ്പെടുത്തി.
തിരുവാണ്മിയൂരിലെ അവസാന കാഴ്ചയില്‍ കതിരവന്റെ തല വേര്‍പ്പെട്ട ഉടലില്‍ നിന്നും ചോര കിനിയുന്നുണ്ടായിരുന്നു.
ഇപ്പോള്‍ മല്ലികയുടെ മുല്ലപ്പൂ ഗന്ധവും കതിരവന്റെ ചോരയുടെ ഗന്ധവും ചേര്‍ന്ന് ബാല്‍ക്കണിയില്‍ നിന്നും വൃത്തികെട്ട ഗന്ധം വമിക്കാന്‍ തുടങ്ങി. ഭീതിയോടെ തല തറയിലേക്ക്താഴ്ത്തിയപ്പോള്‍ രക്തം കിനിഞ്ഞൊഴുകി കാലിലേക്ക് നനവ് പടരുമെന്ന നിലയിലായിരിക്കുന്നു.

മല്ലികയില്‍ നിന്നും ഭീതി അനുസ്യൂതം പ്രവഹിച്ച് രോമ കൂപങ്ങളൊക്കെയും എഴുന്ന് നില്‍ക്കാന്‍ തുടങ്ങി. കതിരവന്‍ എന്തിനെന്നറിയാതെ എന്നെ തുറിച്ച് നോക്കുന്നതിനിടയില്‍ കൈവരിയിലേക്ക് ഇരുന്നു ഞാന്‍ കാല്‍ നിലത്ത് നിന്നുയര്‍ത്തി ചുവരിനോട് ചേര്‍ത്ത് പ്രഭാത പ്രാര്‍ത്ഥനക്കുള്ള ക്ഷണം വിറയലോടെ കാതോര്‍ത്തു. പുലരിയുടെ തലോടല്‍ ഭയന്ന് പുതപ്പിനകത്തേക്ക് ഉള്‍വലിഞ്ഞ് കണ്ണടച്ചപ്പോള്‍ മല്ലിക കണ്‍പോളകളില്‍ എന്നെ കാത്തിരിക്കുന്നു.

മല്ലികയെ ഭയന്ന് ഞാനും എന്നെ ഭയന്ന് ബന്ധുക്കളും ഉറങ്ങാതെയിരുന്നു. പുതപ്പിനകത്ത്, വ്യവഹാരത്തിലെ നഷ്ടത്തോത് കണക്കാക്കി പിതാമഹനോട് പറയാന്‍ കരുതി രാത്രിയാകാന്‍ കാത്തിരുന്നു.

രാത്രിയില്‍, പുറത്ത് പോയ ബന്ധു തിരിച്ചുവരുന്നതിന്‍ മുമ്പ് കാറ്റിനാല്‍ കുളിക്കാന്‍ വിവസ്ത്രനായി ബാല്‍ക്കണിയിലേക്ക് ഇറങ്ങി... തണുത്ത കാറ്റില്‍ തുറന്ന് പിടിച്ച കണ്ണുകള്‍ നീറിപുകഞ്ഞു... പതിവിലധികം വ്യഗ്രതയോടെ, മല്ലികയെ ഭയന്ന് ഇമവെട്ടി.... ഇരുട്ട് ഭയമായി തുടങ്ങിയിരിക്കുന്നു... ഉറക്കവും...

കാറ്റേറ്റ് തലമുടിയില്‍ വിരലോടിക്കവേ, നിര്‍ബന്ധപൂര്‍വ്വം അടിവസ്ത്രമണിയിച്ച് കുറേ പേര്‍ ഗോവണി വഴി മഞ്ചലിലെന്ന പോലെ എങ്ങോട്ടോ കൊണ്ടുപോകുമ്പോള്‍ ഇമവെട്ടാതെ, മല്ലികയെ ഭയന്ന് വേദനയോടെ ഞരങ്ങി.

നീണ്ട ഉറക്കത്തിനു ശേഷം ഉണര്‍ന്നപ്പോള്‍, വിയര്‍പ്പ് ഗന്ധം നിറഞ്ഞിരുന്ന മുറിയിലാകെ പൂന്തോട്ടത്തിലെന്ന പോലെ സുഗന്ധം നിറഞ്ഞിരുന്നു. പുതപ്പിനും തലയിണയ്ക്കും എന്റെ ശരീരത്തിനും അതേ ഗന്ധമായിരുന്നു. പുതുവസ്ത്രമണിഞ്ഞ് പുറത്തേക്കിറങ്ങിയപ്പോള്‍ പകലോന്‍ പുഞ്ചിരിയോടെ എന്നെ എതിരേറ്റു. മരുഭൂമിയില്‍ ചൂടുകാലം ആരംഭിച്ചിരിക്കുന്നു.. ദിക്കറിയാതെ, വിയര്‍പ്പ് പൊടിഞ്ഞ്, വാഹനങ്ങളുടെ ഇരമ്പം കേട്ട് നില്‍ക്കുമ്പോള്‍, ഉന്മാദകാലത്ത് എന്നെ ഭയന്ന് അകന്ന് പോയ സുഹൃത്ത് കടന്നു വന്നു. സുഗന്ധം ആസ്വദിച്ച് സംഭാഷണത്തില്‍ മുഴുകവേ അയാള്‍ പറഞ്ഞു...
“മരണം കാത്തിരിപ്പുകള്‍ക്കുള്ള വിരാമമാണ്, മുമ്പേ പോയവരോട് പറയാന്‍ കഥ സ്വരൂപിക്കേണ്ടതിലേക്ക് നാം ജീവിച്ചിരുന്നേ പറ്റൂ.”

വിഭ്രാന്തിയുടെ പീഡനത്തിന് മുന്‍പ് സൂക്ഷിച്ച് വെച്ചിരുന്ന നീല പുറം ചട്ടയുള്ള എഴുത്തു പുസ്തകത്തില്‍ മല്ലികയോട് പറയാനായി ഒരൊറ്റ തലക്കെട്ടില്‍ ഞാന്‍ നീണ്ട കഥയെഴുതി തുടങ്ങി.
-ശുഭം-

വിവാഹത്തില്‍

2006-02-18T13:56:00.000+04:00

വിവാഹത്തില്‍,

ആശകള്‍ക്ക് അതിര് തീര്‍ക്കുന്നു.

സഹശയനത്തിന്റെ വാഗ്ദാനം നല്‍കി,

ആചാരപൂര്‍വ്വം വഞ്ചിക്കപ്പെടുന്നു.

പുഷ്പവൃഷ്ടി,

സ്വാസ്ഥ്യത്തില്‍ നിന്നുള്ളയാത്രാമൊഴിയായിരുന്നറിയുമ്പോഴേയ്ക്കും,

സഹശയനത്തിന്റെ ബന്ധനങ്ങള്‍,

ഗറ്ഭത്തില്‍ ചിരിക്കാന്‍ തുടങ്ങുന്നു.

കഥാകൃത്ത്‌ രമേഷ്‌

2006-01-21T15:09:00.000+04:00

കഥാകൃത്ത്‌ രമേഷ്‌ റേഷൻ ഷാപ്പിലേക്ക്‌ ദീർഘമായ വഴിയിലൂടെ തുണിസഞ്ചിയും കന്നാസുമേന്തി പോകുമ്പോൾ കഥാതന്തു മനസ്സിലിട്ട്‌ ഭാവനയുടെ പൊടിപ്പും തൊങ്ങലുമുള്ള മാറും മുലയും ചേർത്ത്‌ ചെറുമാസികകളുടെ എഡിറ്റർമാർക്ക്‌ ഭോഗിക്കാനായി അയച്ചു കൊടുത്തു. തിരിച്ചയച്ച രചനകൾ നിരാശയുടെ ശുക്ലം പരത്താതെ നാലായി മടക്കി ചിതലരിക്കും വരെ സൂക്ഷിച്ചു.

നിരന്തരമായ എഴുത്തുകുത്തലിനിടയ്ക്ക്‌ രമേഷിന്റെ ഭാഷയ്ക്ക്‌, കഥാകാരന്‌ അവശ്യം വേണ്ട പക്വത കൈവന്നതിനാൽ ഞാൻ,നീ,നമ്മൾ,നിങ്ങൾ,എന്നെ,നിന്നെ തുടങ്ങിയ കൈകാര്യം ചെയ്യാൻ ബുദ്ധിമുട്ടുള്ള വാക്കുകളുടെ മുഴച്ചുനിൽക്കൽ ഒഴിവായികിട്ടിയിരുന്നു. സംഭാഷണ ശകലങ്ങൾ മനോഹരമായും സാന്ദർഭികമായും കഥയിൽ ചേർത്ത്‌ ഒഴുക്കോടെയുള്ള വായന സാദ്ധ്യമാക്കാനും കഴിഞ്ഞു. ഭൂത-വർത്തമാന-ഭാവി കാലഭേദങ്ങളെ ബുദ്ധിപരമായ സന്നിവേശത്തിലൂടെ പാകത വരുത്തി.

കഥാമൽസരങ്ങൾക്ക്‌ അയക്കുന്ന രചനകൾ, മൽസരവിജയികളെ തിരഞ്ഞെടുക്കുന്ന കമ്മിറ്റി ഭാരവാഹികളുടെ ചിന്താഗതിക്കനുസരിച്ച്‌ രൂപപ്പെടുത്തി. ഉദാഹരണത്തിന്‌ മംഗലം വായനശാലാ ചെറുകഥാമൽസരത്തിനയച്ച കഥയിൽ പ്രദേശത്തെ രൂക്ഷമായ ജലക്ഷാമത്തെ കുറിച്ചും കസ്തൂർബ ട്രസ്റ്റ്‌ നടത്തിയ തന്തയില്ലായ്മക്കെതിരെയും സാമാന്യ സാഹിത്യത്തിലും ഭാഷാസ്നേഹിയായ ബെന്നി(എം.എസ്‌.എൻ ബ്ലോഗർ) അദ്ധ്യക്ഷനായ സമിതിയ്ക്ക്‌ കർമ്മണി പ്രയോഗത്തിന്റെ വായുസമ്മർദ്ദമില്ലാത്ത ശുദ്ധസാഹിത്യത്തിലും കഥകൾ പാകപ്പെടുത്തി.
സാഹിത്യകാരൻ സക്കറിയയ്ക്ക്‌ പകലത്തെ ആൻസി പണി റേഞ്ചിലുള്ള കഥകൾ അയച്ച്‌ പ്രശംസ നേടുകയും ചെയ്തു.

രചനാവൈഭവത്താലോ ഭാഷാശുദ്ധി കൊണ്ടോ രമേഷിന്റെ രചനകൾ പലതും അവാർഡിനർഹമാകുകയും ഉപോൽപ്പന്നമായ പ്രശസ്തി ചെറുതായി ലഭിക്കുകയും ചെയ്തതോടെ ഇന്തിവീട്ടിൽ രമേഷ്‌ കഥാകൃത്ത്‌ രമേഷായി അവസ്ഥാന്തരപ്പെട്ടു. പിന്നെ രചനകൾ പോസ്റ്റ്‌ ചെയ്ത്‌ നേരെ വായനശാലയിൽ പോയി സമ്മാനദാനചടങ്ങുകൾക്കായി പ്രസംഗകുറിപ്പുകൾ തയ്യാറാക്കി.

കഥാകൃത്തിന്റെ കലാലയ ജീവിതം പിൽക്കാലത്ത്‌ വേണ്ടിയിരുന്ന പരന്നവായനയുടെ കന്നിക്കാലമായിരുന്നു. വായന പെരുകി രമേഷിന്റെ ചിന്തകൾ എരിപൊരി സഞ്ചാരം കൊള്ളവെയാണ്‌ കഥകളുടെ പട്ടിപേറ്‌ സംഭവിച്ചത്‌.
അക്കാലത്തെ രചനകളിൽ ദൈനംദിന ജീവിതത്തിലെ പ്രസക്തവും എന്നാൽ കഥാകൃത്തിന്റെ പ്രതിഷേധങ്ങൾക്ക്‌ പാത്രീഭവിക്കുന്ന അച്ഛനെ തല്ലുന്ന അമ്മ, സ്വവർഗ്ഗരതിക്ക്‌ വലതുകരത്തിന്റെ കൈവെള്ളയിൽ വിരൽ കൊണ്ട്‌ ചൊറിഞ്ഞ്‌ ക്ഷണിക്കുന്ന മീൻകാരൻ പോക്കർ തുടങ്ങി അനുഭവവേദ്യമായ ബീജാവാപങ്ങളായിരുന്നു. ചിതലരിച്ച രചനകൾ പലതും അത്തരത്തിലുള്ളവയായിരുന്നു.

പ്രശസ്തിയുടെ പ്രാദേശികത അനുവാചകരൂടെ കത്തുകളായും ചെറുകവിതകളായും തപാലിൽ വന്നു തുടങ്ങിയതോടെ അവ തപാലാപ്പീസിൽ നിന്ന്‌ നേരിട്ട്‌ കൈപറ്റുക എന്നതും ശീലമായി. വായനക്കാരുടെ നിർബന്ധമാണ്‌ കഥകൾ പ്രമുഖ പത്രങ്ങളുടെ വാരാന്ത്യപതിപ്പിലേക്ക്‌ അയക്കുവാൻ രമേഷിനെ പ്രേരിപ്പിച്ചത്‌. കഥാരചനയുടെ ആദ്യകാലത്ത്‌ അനുവർത്തിച്ച അതേ തന്ത്രമാണ്‌ കഥകൾ പ്രസിദ്ധപ്പെടുത്തുവാൻ വീണ്ടും പ്രയോഗിച്ചതും വിജയിച്ചതും. ഹിന്ദു പ്രാമുഖ്യമുള്ള പത്രമാപ്പീസിലേക്ക്‌ സനാതന മൂല്യങ്ങളുടെ കലികാല പ്രസക്തിയിൽ ഊറ്റം കൊള്ളുന്ന കഥാപാത്രങ്ങളേയും ക്രിസ്ത്യൻ പത്രത്തിലേക്ക്‌ ബൌദ്ധിക മേഖലകളിൽ വ്യാപരിക്കുന്ന നസ്രാണിയുവാവിന്റെയും മുസ്ലിം പത്രമേഖങ്ങളിലേക്ക്‌ ആ സമൂഹത്തിലെ അനാചാരങ്ങളോ തമ്മിൽ തല്ലുകളോ കഥാതന്തുവാകാത്ത കഥകളുമയച്ച്‌, അച്ചടിമഷി പുരണ്ട്‌, ഗൌരവമേറിയ വായനക്കാർ രമേഷിന്റെ കഥകൾക്ക്‌ കാത്തിരിക്കുന്ന അവസ്ഥ സംജാതമായി.
അക്കാലത്ത്‌ രാഷ്ട്രീയാതിപ്രസരം, കണ്ണീർകഥകൾ എന്നിവയിൽ മനംമടുത്ത്‌ ജനങ്ങളിൽ നിന്ന് കാശ്‌ പിരിച്ച്‌ തൂടങ്ങിയ ചാനലിൽ നിന്നും പ്രവാസികളിൽ നിന്ന് കാശ്‌ മോഷ്ടിച്ച്‌ തുടങ്ങിയ ചാനലിൽ നിന്നും ജനങ്ങൾ വിമുഖത നേടി പുസ്തകങ്ങളിലേക്കും സാഹിത്യത്തിലേക്കും തിരിച്ചുവരുന്ന സമയമായിരുന്നു.

(മേൽ പറഞ്ഞ ഖണ്ഡിക വിവാദമാകുവാൻ സാദ്ധ്യതയുള്ളതിനാൽ,വിവാദത്തിന്റെ അസ്കിതയുള്ളവർ താഴെ പ്രകാരം മേൽഭാഗം വായിക്കുവാൻ അപേക്ഷ.)

ഒരുകാലത്ത്‌ ജനങ്ങളുടെ പ്രതീക്ഷയായിരുന്ന ചാനലിൽ നിന്നും കുവൈത്ത്‌ അധിനിവേശക്കാലത്ത്‌ പ്രവാസികളുടെ വിയർപ്പ്‌ പൊന്നാക്കി നേടിയ കായഫലം ഇറാഖികൾക്ക്‌ കിട്ടും മുമ്പ്‌ നാട്ടിലേക്ക്‌ അയച്ച്‌, പ്രതിഷേധിക്കാനും പ്രതികരിക്കാനും 'പ്രതിബിംബം' എന്ന പരിപാടിയും തുടങ്ങി പ്രശസ്തിയുടെ ഉത്തുംഗതയിൽ എത്തിയ ചാനലിൽ നിന്നും എന്തുകൊണ്ടോ പൊതുജനം പിന്മാറി, പുസ്തക വായനയിലേക്ക്‌ തിരിഞ്ഞകാലമായിരുന്നു.
അനുവാചകരുടെ സ്നേഹലാളനകൾ രക്തത്തിൽ ചാലിച്ച പ്രേമലേഖനങ്ങളായും വന്ന് കൊണ്ടിരുന്നത്‌ പറയാൻ വിട്ട്‌ പോയതിൽ ക്ഷമ ചോദിക്കുന്നു.
പത്രദ്വാരാ നേടിയ പ്രശസ്തി നിരവധി വ്യക്തിബന്ധങ്ങൾക്കും അതുവഴി പ്രതിബന്ധങ്ങൾക്കും കാരണമായി.
തുടർച്ചയായ വായനയും എഴുത്തും കഥാകൃത്ത്‌ രമേഷിനെ രണ്ടാമതും മൂലക്കുരുവിന്റെ ശസ്ത്രക്രിയയ്ക്ക്‌ വിധേയനാക്കി, നിർബന്ധ വിശ്രമത്തിൽ കഴിഞ്ഞ്‌ കൊണ്ടിരുന്ന നട്ടുച്ച നേരത്തിലൊരിക്കലാണ്‌ പ്രശസ്ത പെണ്ണെഴുത്തുകാരിയും തൊലിവെളുത്ത, രമേഷിന്റെ ആരാധികയുമായ പുരുഷവിരോധി മുന്നറിയിപ്പില്ലാതെ കയറിവന്നത്‌. ഊണ്‌ കഴിഞ്ഞ്‌ വായനമുറിയിലേക്ക്‌ നീങ്ങിയ സംസാരത്തിനിടയ്ക്ക്‌, അപരിചിത ഭാവത്തിന്റെ ശൈശവം നീങ്ങി കിട്ടിയിരുന്ന ആ ബന്ധം മറ്റൊരു തലത്തിലേക്ക്‌ വലിച്ചിഴയ്ക്കുക എന്ന ദുരുദ്ദേശത്തോടെ, കഥാകാരി ചില ദുഷ്‌പ്രവർത്തികൾക്ക്‌ കഥാകൃത്ത്‌ രമേഷിനെ പ്രേരിപ്പിക്കുകയും നിഷേധത്തിന്റെ അവഗണന കൊണ്ട്‌ നിരസിക്കുകയും ചെയ്തു.

നിരന്തരമായ ദാർശനിക പഠനം രമേഷിന്റെ ലൈംഗിക ചോദനകളെ ഷണ്ഡീകരിച്ചിരുന്ന കാര്യം കഥാകാരിയോ അസംഖ്യം വരുന്ന അനുവാചകരോ അറിഞ്ഞിരുന്നില്ല. രചനകളിൽ ആത്മാശം കലർത്തുന്ന ആധുനിക രചനാസങ്കേതം ആയിരുന്നില്ല രമേഷിന്റെ രചനാരീതി എന്നതിനാൽ അത്തരം രഹസ്യങ്ങൾ അനാവൃതമാകുകയുമുണ്ടായില്ല.
അപ്രതീക്ഷമായുണ്ടായ അപമാനത്തിന്റെ നോവും പേറി പടിയിറങ്ങി പോയതിന്റെ വാരാന്ത്യം മുതൽ കഥാകൃത്ത്‌ രമേഷിന്റെ രചനകളെ അപഹസിക്കുന്ന രീതിയിൽ പെണ്ണെഴുത്തുകാരി ലേഖനമെഴുതുകയും പ്രമുഖ പത്രത്തിൽ ഖണ്ഡശ്ശ: പ്രസിദ്ധപ്പെടുത്തുകയും ചെയ്തു.
സാഹിത്യനിരൂപകർ അതിനെ വാനോളം പുകഴ്ത്തുകയും കഥാകൃത്തിന്റെ പ്രശസ്തിക്ക്‌ കാര്യമായ മങ്ങലേൽപ്പിക്കുകയും ചെയ്തതിന്റെ തിക്തഫലമായി കഥാകൃത്ത്‌ രമേഷ്‌ കഥയെഴുത്ത്‌ അവസാനിപ്പിച്ച്‌ അദ്ധ്യാപകവൃത്തിയിൽ പ്രവേശിച്ചു.

വർഷങ്ങൾക്ക്‌ ശേഷം അവിചാരിതമായി കണ്ടുമുട്ടിയ ഈയടുത്ത നാളുവരെ കഥാകൃത്ത്‌ രമേഷിന്റെ പ്രശസ്തിയുടേയും അവമതിയുടേയും ജീവിതകഥ എങ്ങും പ്രസിദ്ധീകരിക്കുകയോ അദ്ദേഹത്തിന്റെ സുമനസ്സിനെ വേദനിപ്പിക്കുന്ന തരത്തിൽ പ്രവർത്തിക്കുകയോ ഇതുസംബന്ധിച്ച്‌ ചെയ്തിട്ടില്ല. ഈ നീണ്ടകുറിപ്പ്‌ അദ്ദേഹത്തിന്റെ അനുമതിയോടെ പ്രസിദ്ധപ്പെടുത്തുന്നതിൽ എനിക്ക്‌ സന്തോഷമുണ്ട്‌.

കഥകളെന്നാൽ നുണകൾ കൂട്ടിവെച്ച്‌ സത്യസന്ധമായി കൂട്ടിയിണക്കുന്ന സാഹിത്യവ്യഭിചാരമാണെന്നാണ്‌ രമേഷ്‌ മാഷ്‌ അവസാനത്തെ കൂടികാഴ്ചയിലും പറഞ്ഞത്‌.

യാത്രാമൊഴി

2006-01-19T08:27:00.000+04:00

നീ പ്രണയിക്കാന്‍ തുനിഞ്ഞപ്പോള്‍ ഞാന്‍ മറഞ്ഞ് നിന്നത് ,
അവിശ്വാസത്തിന്റെ വിഷവിത്തുകള്‍ എന്നില് പുതുമഴ കാത്ത് കിടക്കുന്നതിനാലാണ്.

തിരിതാഴ്ത്തി വെച്ച് ഉമ്മറപ്പടിയില്‍ കാത്തിരുന്നപ്പോള്‍, വരാന്‍ വൈകുകയോ-
വരാതിരിക്കുകയോ ചെയ്തത് വെളിച്ചത്തെ ഭയന്നല്ല, എന്നിലെ ആസക്തിയെ ഭയന്നാണ്.

നിന്റെ കണ്ണുനീര്‍ എന്നെ ഉലയ്ക്കാത്തത്, സഹൃദയത്വമില്ലാഞ്ഞല്ല-
എന്റെ മിഴിനീര്‍ നിനയ്ക്ക് പ്രതീക്ഷ നല്‍കുമെന്ന് ഭയന്നാണ്.

മാറോട് ചേര്‍ത്ത് നീയാ കുഞ്ഞിനെ ചുംബിച്ച് എന്നെ ഒളിക്കണ്ണിട്ടപ്പോള്‍,
തരളിതയാണെന്ന് അറിയാഞ്ഞല്ല, അന്നം തേടി അലയാന്‍ വിധിച്ചവന്-
‘മകന്‍’ ഒരു വിദൂരസ്വപ്നമാണെന്ന് അറിഞ്ഞതിനാലാണ്.

നീ പകലും വെളിച്ചവുമാണ്.
ഞാന്‍ കൂരിരുട്ടും ചീവീടും.

നിലാവും കിനാവും നിന്നെ ഉന്മാദയാക്കുമ്പോള്‍ ഞാന്‍-
അസ്വസ്ഥനാണെന്നറിയുക..
ഇണചേരലിന് സാക്ഷ്യം വഹിക്കാന്‍ വേറൊരു ഋതുക്കാലം പിറക്കേണ്ടതുണ്ടെന്ന് തിരിച്ചറിഞ്ഞതിനാലാണ് പിന്‍‌വിളി കേള്‍ക്കാതെ,
ഇരുളിന്റെ നിറവില്‍ വെളിച്ചം തേടി അകന്നത്.

ഇതൊരു യാത്രാമൊഴിയല്ല.
പ്രണയം ചവിട്ടിയുലയ്ക്കാത്ത യൌവനം നിനക്ക് ഉണ്ടാകട്ടെയെന്ന പ്രാര്‍ത്ഥനയാണ്.

ഞാനാര്?

2006-01-18T07:56:00.000+04:00

നീയാര്? എന്ന് ചോദിക്കപ്പെട്ടതിന് ശേഷം മാത്രമാണ് ഞാന് ആരെന്ന് അന്വേഷിയ്ക്കാന് തുടങ്ങിയത്.

ഞാനാര്?

ഞാന്..
പ്രണയത്താന് ചവിട്ടിയരയ്ക്കപ്പെടാത്ത യൌവ്വനം.
രതിയില് ആലസ്യം പുല്കാത്ത കാമം.
മദ്യത്തിന് രുചി നുകരാത്ത രസമുകുളം.
പുഞ്ചിരിയില് തുടങ്ങുന്ന സൌഹൃദം.
അറിവുള്ളവന്റെ അടിമ,
അറിഞ്ഞിടാത്തവര്ക്കായുള്ള എളിമ.
അശരണര്ക്കായ് പൊഴിക്കും കണ്ണുനീര്-
അഗതികള്ക്ക് നല്കും സാന്ത്വനം.

എന്നില് എന്നെ തിരയുന്ന ഞാന്,
നിന്നിലെ നന്മയില് എന്നെകണ്ടെത്തുന്ന ഞാന്,
എങ്ങിനെയെന്നാല്?..
നിന്നില് കണ്ട നന്മയെയായിരുന്നു ഞാന് എന്നില് തിരഞ്ഞത്.
ഞാന് പരാജിതനായതും, പിന്നെ ജയിച്ചതും നിന്നെ കണ്ടെത്തിയപ്പോഴാണ്..

നീ പ്രണയമല്ല, കാമമല്ല, രതിയല്ല.
നീ നിസ്വാറ്ത്ഥന് സ്നേഹസമ്പന്നന് ജ്ഞാനി.
നീ സൌഹൃദങ്ങളാല് ജയിച്ചവന്.

ഞാന് നിന്റെ ഉദാരതയില് വീണ്ടെടുക്കപ്പെട്ടവന്.

എന്നില് നീ നിന്നെ തിരയാന് തുടങ്ങിയപ്പോള്,
ഞാന് മറ്റൊരു ജ്ഞാനിയെ തേടിയിറങ്ങി.
നിന്റെ ഉദാരതയില് മനം മടുത്തല്ല-
എന്നിലെ നന്മയില്ലായ്മയെന്ന നഗ്നത,
അനാവരണം ചെയ്യപ്പെടുമെന്ന് ഭയന്നതിനാലാണ്.

Ashwameedham

2005-12-20T12:40:00.000+04:00

അതിസുന്ദരമായ കാഴ്ച

2005-12-10T08:23:00.000+04:00

പ്രണയത്തെ കുറിച്ചുള്ള സായാഹ്നസംഭാഷണത്തിനിടയ്ക്ക് ആരോ ചോദിച്ചു..

ജീവിതത്തിലെ അതിസുന്ദരമായ കാഴ്ച ഏതായിരിക്കുമെന്ന്??.

ഞാന്‍ പറഞ്ഞു...

നീണ്ട പ്രവാസ ജീവിതത്തിന്‍ ശേഷം മകനെ കാണുന്ന പ്രിയ മാതാവിന്റെ മുഖമായിരിക്കുമെന്ന്..

ഹാന്‍ഡ് ഗ്രനേഡ്.

2005-12-01T12:53:00.000+04:00

ഷാര്‍ജയിലെ അക്കൌന്റ് ഓഫീസിലേക്ക് പോകുവാന്‍ കൂട്ട് വന്നത് ഒരു പാക്കിസ്താനി ഡ്രൈവര്‍..
പറഞ്ഞ് പറഞ്ഞ് ഇന്ത്യാ പാക്കിസ്താന്‍ യുദ്ധത്തിലെത്തി. അപ്പോള്‍ കേട്ട തമാശ..
യുദ്ധം കൊടുമ്പിരി കൊണ്ട സമയം..ഇന്ത്യന്‍ പട്ടാളവും പാക്ക് പട്ടാളവും അതിര്‍ത്തിയോട് ചേര്‍ന്ന് രാഷ്ടീയക്കാര്‍ക്ക് വേണ്ടി പൊരുതുന്നു. അതിനിടയ്ക്ക് ഇന്ത്യന്‍ പടയില്‍ നിന്ന് ദൂരേയ്ക്ക് ഒരു ഹാന്‍ഡ് ഗ്രനേഡ് പ്രയോഗിക്കുന്നു. അന്തം വിട്ട പാക്ക് ഭടന്മാരില്‍ ഒരാള്‍ ആ ഗ്രനേഡ് എടുത്ത് അല്ലാഹു അക്‍ബര്‍ എന്നും പറഞ്ഞ് ഇന്ത്യന്‍ പടയ്ക്ക് നേരെ തിരിച്ചെറിയുന്നു. അങ്ങനെ ഇന്ത്യന്‍ ഭടന്മാര്‍ ഇന്ത്യന്‍ ഗ്രനേഡിനാല്‍ തന്നെ കൊല്ലപ്പെടുന്നു. ഇന്ത്യക്കാര്‍ തോറ്റോടുന്നു. ഏത് യുദ്ധത്തിലാണെന്ന് അങ്ങേര്‍ക്ക് വല്യ പിടിയില്ല. പക്ഷെ തിരിച്ച് ഗ്രനേഡ് എറിഞ്ഞത് ഇദ്ദേഹത്തിന്റെ മാമന്‍ ആയിവരും.
വല്യ പഹയന്മാര്‍ തന്നെ .. എന്താ‍യാലും അക്കൌണ്ട് ഓഫീസില്‍ എത്തിയതറിഞ്ഞില്ല.
(മൊഴി കീ ഉപയോഗിക്കാന്‍ പഠിപ്പിച്ച അനിലേട്ടാ‍ാ.. ഇതു പോലത്തെ വളിപ്പ് വിറ്റുകള്‍ ഞാന്‍ ഇനിയും പോസ്റ്റ് ചെയ്യും..)

Non Smoking Non Drinking Keralite(NNK)

2005-11-30T16:07:00.000+04:00

അവിവാഹിതര്‍ക്ക് ദുബായ് സ്വര്‍ഗ്ഗമാണ്.
പക്ഷെ താമസിക്കാന്‍ ഒരിടം കിട്ടാന്‍ ഇത്ര ബുദ്ധിമുട്ട് ഉള്ള സ്ഥലം വേറെ ഉണ്ടാകില്ല. പ്രത്യേകിച്ച് അവിവാഹിതര്‍ക്ക്.
ഫ്ലാറ്റുകള്‍, കുടുംബമായി ജീവിക്കുന്നവര്‍ക്ക് മാത്രമേ വാടകയ്ക്ക് നല്‍കൂ. ബാച്ച്‌ലേഴ്സ് താമസിക്കുന്നത് പല വിഭാഗമായാണ്.
Non Smoking Non Drinking Muslims(NNM), Non Smoking Non Drinking Hindus(NNH),Non Smoking Non Drinking Christians(NNC)
എന്നിങനെ. ക്രെസന്റ് ടീം, ത്രിശൂല്‍ ടീം, ക്രോസ്സ് ടീം എന്നും ചില വിഭാഗങള്‍ ഉണ്ട്. ബസ് സ്റ്റോപുകളിലും കഫ്റ്റേരിയകള്‍ക്ക് സമീപവും
ഇത്തരം റൂമുകളിലെ ഒഴിവ് വിവരം പ്രദര്‍ശിപ്പിച്ചിരിക്കുന്നത് ആര്‍ക്കും കാണാം. ഇവിടെ വന്ന സമയത്ത് NNM അന്തേവാസിയായിരുന്നു.
കൂടെ പഠിച്ചവര്‍ വന്ന് തുടങിയപ്പോള്‍ മാറി താമസിച്ചു. രണ്ട് വര്‍ഷത്തിനിടയ്ക്ക് ഒരുപാട് തവണ താമസ സ്ഥലം മാറിയിട്ടുണ്ട്.
ഇത്തരം വിഭാഗീയത എങനെ ഉണ്ടായി എന്ന് അന്വേഷിച്ചാല്‍ നൂറായിരം കാരണങള്‍ നിരത്താനുണ്ടാകും. സ്വജാതി വാസം വലിയ
ഗുണമില്ലെന്ന് മാത്രമല്ല ഒരുപാട് ദോഷവുമാണ്. നഗരത്തിലെ തിരക്കില്‍ നിന്നും മാറി ഫ്ലാറ്റ് കുറഞ വാടകയ്ക് കിട്ടാനുണ്ടെന്ന് അറിഞപ്പോള്‍,
Non Smoking Non Drinking Keralite(NNK) കാറ്റഗറി ആകാന്‍ തീരുമാനിച്ചു. അങനെ തിരുവനന്തപുരത്തെ ഉമാദത്തനും തൃശൂരിലെ റോയിയും
മലപ്പുറത്തെ ഞാനും അവിചാരിതമായി താമസമാരംഭിച്ചു. കുറച്ച് മാസങള്‍ക്ക് ശേഷം വാടക കുറച്ച് കൂടെ കുറയ്ക്കുവാനായി ഒരാളെ തിരയാന്‍
തീരുമാനിച്ചു. ചെറിയാന്‍ എന്ന മാരണം അങിനെയാണ് റൂം മേറ്റ് ആയത്. ഇതിനിടയ്ക്ക് NNK കാറ്റഗറിയ്ക്ക് ചെറിയ ഭേദഗതി വന്നു.
Sunday Smoking Sunday Drinking Keralite(SSK) എന്നായി മാറി.
റോയി ഒരു indoor salesman ആണ്. സാ‍ധാരണ അവധി ദിനങളായ വ്യാഴവും വെള്ളിയും അതിനാല്‍ ലീവ് കിട്ടില്ല.
റോയിയ്ക്ക് ആഴ്ചയിലെ അവധി ഞായറാഴ്ചയാണ്. ചര്‍ച്ചില്‍ പോകുവാന്‍ അതിനാല്‍ കുറെ സൌകര്യവുമാണ്.
ഞായറാഴ്ചയിലെ ബോറടി മാറ്റാന്‍ റോയിയാണ് NNK കാറ്റഗറി മാറ്റി SSK ആക്കിയത്.
ചെറിയാന്‍ റൂം മേറ്റായത് gulf news classified വഴിയാണ്. എന്റെ മൊബൈലില്‍ വിളിച്ചാണ് ചെറിയാന്‍ തന്റെ വരവറിയിച്ചത്.
മറുനാടന്‍ മലയാളിയാണ് ചെറിയാന്‍. അവന്റെ അപ്പന്‍ കോടീശ്വരനായിരുന്നു. അപ്പനെ ധിക്കരിച്ച് ഗോവക്കാരിയെ കല്യാണം
കഴിച്ചതോടെ പടിക്ക് പുറത്തായി താമസം. മലയാളം പറയാന്‍ ശരിയ്ക്ക് അറിയില്ല. എന്റെ സംഭാഷണം തീരെ അവന് മനസ്സിലാകാറുണ്ടായിരുന്നില്ല.
മാലപ്പടക്കം പോലെയാണ് അവന്റെ സംസാര രീതി. ഹിന്ദിയായാലും ഇംഗ്ലീഷ് ആയാലും. ഹൃദയം നിറയെ സ്നേഹമുള്ളവന്‍ - വായ് നിറയെ
തെറിയുള്ളവന്‍ ഇതായിരുന്നു ചെറിയാന്‍.
വെള്ളമടിക്കുമായിരുന്നില്ല വെള്ളത്തില്‍ നീരാടുകയായിരുന്നു പതിവ്. സിഗരറ്റ് വലിക്കുമായിരുന്നില്ല പാന്‍ ആയിരുന്നു ശീലം. ഇതൊന്നുമില്ലാത്തപ്പോള്‍
അടുക്കളയില്‍ ഇറച്ചി കൊണ്ടുള്ള പലതരം വിഭവങളും ഉണ്ടാക്കുക പതിവായിരുന്നു.
ചെറിയാന് മലയാളിയുടെ രീതികളേ ആയിരുന്നില്ല. കേരളത്തിലേക്ക് മുമ്പെന്നോ ഒരു ക്രിസ്തുമസിന് വന്ന ഓര്‍മ്മയേ ഉള്ളൂ. മതമില്ലാത്ത മനുഷ്യനായിരുന്നു.
എന്നാല്‍ മതേതരവാദം എന്താണെന്ന് അറിയുമായിരുന്നില്ല. നാള്‍ക്ക് നാള്‍ ചെറിയാന്‍ മാറി കൊണ്ടിരുന്ന കാഴ്ച രസകരമായിരുന്നു. ഞായറാഴ്ചത്തെ ബാക്കി
വന്ന മദ്യം തിങ്കളാഴ്ച കഴിച്ച് റൂമില്‍ പുതിയ തുടക്കമിട്ടു. ഉമാദത്തന്‍ ഖിസൈസില്‍ നിന്ന് ഒന്നര മണിക്കൂര്‍ കൊണ്ട് ദേര ദുബായിലെത്തിയപ്പോള്‍ ചെറിയാന്‍
അരമണിക്കൂര്‍ കൊണ്ടു ജബല്‍ അലിയില്‍ പോയി വന്നു. അന്നാണ് ചെറിയാന്റെ ജോലി നഷ്ടമായ വിവരം ഞങള്‍ അറിഞത്. അതില്‍ പിന്നെ ചെറിയാന്റെ
പല ലീലാവിലാസങള്‍ക്കും ഞങള്‍ സാക്ഷികളായി.
24/7 എന്ന രീതിയിലായി വെള്ളമടി. വിവിധ സംസ്ഥാനക്കാരായ സുഹൃത്തുക്കള്‍ അതിഥികളായെത്തി. മിക്കവരും പടിക്ക് പുറത്തായ സമ്പന്ന മക്കള്‍. അതില്‍ എടുത്ത്
പറയേണ്ട ഒരാള്‍ മി. പാജിയാണ്. പഞ്ചാബി വംശജനായ പാജി U.K.സിറ്റിസണ്‍ ഷിപ്പുള്ള DJ (Disc Jockey) ആയിരുന്നു. ചെറിയാന്റെ പഴയ മുംബൈ സുഹൃത്ത് ദുബൈയില്‍
വരുമ്പോഴെല്ലാം ചെറിയാനെ സന്ദര്‍ശിച്ച് പോന്നു.
ഹെഡ് ഓഫീസിലേക്ക് എന്നും പറഞ് റൂമിലേക്ക് വന്ന ഒരു ദിവസം പാജിയുടെ കൈതണ്ടയില്‍ ഞരമ്പ് കിട്ടാന്‍ ചെറിയാന്‍ അമര്‍ത്തി പിടിക്കുകയായിരുന്നു, മയക്ക് മരുന്ന് കുത്തിവെയ്ക്കാന്‍.
എങനെയുണ്ട് ചെറിയാന്റെ ലീല??...അതും അറബി നാട്ടില്‍..മറ്റെല്ലാവരും രക്ഷപ്പെട്ടാലും ഞാന്‍ പിന്നെയും കിടക്കേണ്ടി വരും ജയിലില്‍, പിടിക്കപ്പെട്ടാല്‍..
പാജി പോയ ഉടനെ ഞാന്‍ ചെറിയാന്റെ കാലിലേയ്ക് വീഴുകയായിരുന്നു, ചെറിയാനെ ചെയ്യരുതേന്നും പറഞ്..തല്ലി തീര്‍ക്കാനാണ് തോന്നിയതെങ്കിലും ചെയ്തതിതാണ്.
പിന്നെ പാജി ആ വഴി വന്നിട്ടില്ല. ജോലിയില്ലാതെ ചെറിയാന്‍ പിന്നെയും വെള്ളമടിച്ച് കൊണ്ടിരുന്നു..
ഉമാദത്തനും റൊയിയുമില്ലാത്ത വ്യാഴാഴ്ച റൂമിലെത്തിയപ്പോള്‍ ബാല്‍ക്കണിയില്‍ ചെറിയാനും ഗേള്‍ഫ്രണ്ടും ഇരുന്ന് സൊറക്കുന്നു. ആവട്ടെ എന്നും കരുതി ഞാന്‍
രംഗം വിട്ടൊഴിഞു.. സമയം അര്‍ദ്ധരാത്രി തിരിച്ച് റൂമിലെത്തിയപ്പോള്‍ ഫിലിപ്പിനോ ഗേള്‍ഫ്രണ്ടും ചെറിയാനും ഒന്നിച്ചിരുന്ന് റ്റി വി കാണുകയായിരുന്നു.
ബാല്‍ക്കണിയിലേക്ക് വിളിച്ച് ചോദിച്ചപ്പോള്‍ ചെറിയാന്‍ അവളെ റൂമില്‍ പാര്‍പ്പിക്കാനാണ് പരിപാടി. ഞാനെന്ന ഒരു മൂന്നാമന്‍ അവിടെ കിടന്നുറങാനുണ്ടെന്ന ഒരു
വിചാരവുമില്ല ഇഷ്ടന്..
ബര്‍ദുബായില്‍ സുഹൃത്തിന്റെ അടുത്ത് പോയ ഉമാദത്തനെ രാത്രി തന്നെ വിളിച്ച് വരുത്തി. ഉമ വന്നതും ചെറിയാന്റെ മുഖമടച്ച് ആഞടിച്ചതും ഒന്നിച്ചായിരുന്നു!!!.
നിരവധി നിഷേധങളെ ചെറിയാന്‍ കണ്ടില്ലാന്ന് വെച്ചിരുന്നു. വാടക തരുന്നില്ലെ എന്നായിരുന്നു ന്യായം. പിറ്റേന്ന് ചെറിയാന്റെ സമ്പന്നനായ സഹോദരനെ പോയി കണ്ട്
വിവരങളെല്ലാം പറഞു ബോദ്ധ്യപ്പെടുത്തി ചെറിയാനെ കുടിയൊഴിപ്പിക്കാന്‍ തീരുമാനിച്ചെങ്കിലും ചെറിയാന്‍ പിന്നെയും ഒരു മാസം കഴിഞ് കിഷിലേക്ക് വിസ മാറാന്‍
പോകുന്ന ലാഘവത്തോടെ ആരോടും മിണ്ടാതെ പോകുമ്പോള്‍ ഞാന്‍ സിഗരറ്റ് വലിച്ച് ബാല്‍ക്കണിയില്‍ നില്‍ക്കുകയായിരുന്നു. ഉമ റ്റി വി കാണുകയായിരുന്നു.
അര മണിക്കൂറിന് ശേഷം ചെറിയാന്‍ വിളിച്ച് പറഞപ്പോഴാണ് മനസ്സിലായത്, നിബന്ധനകളേതുമില്ലാത്ത ഏതോ ഒരു റൂമില്‍ ചെറിയാന്‍ പുതിയ വാടകക്കാരനായി
ചേര്‍ന്നിരിക്കുന്നതെന്ന്..
ആ റൂമിലെ സുഹൃത്തുക്കള്‍ക്ക് ഞാനെന്റെ ഹൃദയത്തില്‍ നിന്നുള്ള ആശംസകള്‍ നേരുന്നു...

എന്റെ വീട്‌

2005-09-22T13:23:00.000+04:00

അങ്ങനെ നീണ്ട ഒന്നരമാസത്തെ പരിശ്രമം തീർന്നുകിട്ടി. ജോലി തിരക്കിന്റെ സമ്മർദ്ദത്താൽ കാര്യമായൊന്നും ബ്ലോഗുവാൻ പറ്റിയിരുന്നില്ല. വല്ലപ്പോഴും ഒന്നു കമന്റിയതൊഴിച്ചാൽ തലയിൽ മുഴുവൻ സബ്‌ കോണ്ട്രാക്റ്റ്‌ ക്ലോസുകൾ ആയിരുന്നു. കണ്ൺ തെറ്റിയാൽ പെയ്‌മന്റ്‌ ടേം മാറ്റി അഗ്രീമെന്റ്‌ ഒപ്പിടീക്കും. മാലപടക്കം പോലെ സബ്‌ കോണ്ട്രാക്റ്റ്‌ വന്നപ്പോൾ പിന്നെ ഒന്നും ആലോചിച്ചില്ല. നെറ്റും വേണ്ട കമ്പ്യൂട്ടറും വേണ്ട എന്നങ്ങു തീരുമാനിച്ചു. ജീവിച്ച്‌ പോണ്ടെ??
.പിന്നെ അതിനിടക്ക്‌ നാട്ടിലൊന്ന് പോയി അടിച്ച്‌ പൊളിച്ച്‌ തിരിച്ച്‌ വരണം.
പത്ത്‌ ദിവസത്തിന്ന് പോയിട്ട്‌ വരാൻ അനുമതി കിട്ടിയിട്ട്‌ വേണ്ടെന്ന് വെച്ചു.വീട്ടുകാരെ കാണാൻ അതു ധാരാളം മതി..പക്ഷെ അതുപോരല്ലോ?..
ഇതിനിടയ്ക്ക്‌ രാത്രിയിലെപ്പെഴോ വീട്‌ കിനാവ്‌ കണ്ടു.എന്റെ വീട്‌..ഇളം പച്ച ചുമരുകളിൽ ഞാനെപ്പെഴോ വരച്ചിട്ട അക്ഷരമാലകളും അക്കങ്ങളും എന്നെ മാടിവിളിക്കുന്നു.വർഷങ്ങൾക്ക്‌ മുൻപെ അവയെല്ലാം മായ്ച്ചിട്ടുണ്ടെന്ന് അറിയാഞ്ഞല്ല..പക്ഷെ ഓർമ്മകളിൽ പതിഞ്ഞിരിക്കുന്ന ചിത്രമതാണ്‌.അകത്തെ മുറികളിലെവിടെയോ നിന്ന് വാതരോഗം ബാധിച്ച്‌ കിടപ്പിലായ കാരണവർ എന്തിനോ വിളിക്കുന്നു.
ഓട്ടുകിണ്ടിയിൽ വെച്ച വെള്ളമുപയോഗിച്ച്‌ മുഖം കഴുകുമ്പോൾ വല്യുമ്മ പറഞ്ഞു..ഇന്ദിരാഗാന്ധിക്ക്‌ വെടിയേറ്റു..
പ്രാതലിനിടയ്ക്ക്‌ കേട്ട രാജീവ്‌ ഗാന്ധിയുടെ മരണവാർത്ത ഉപ്പാനെ വിളിച്ച്‌ പറയാൻ ഓടിയെത്തിയപ്പ്പ്പോൾ സങ്കടത്താൽ വാക്കുകൾ മുറിഞ്ഞു.
എന്റെ ഓർമ്മകളിൽ അമ്മയുടെയും മകന്റെയും മരണ വാർത്തയ്ക്ക്‌ ഇപ്പോൾ നിമിഷങ്ങളുടെ വ്യത്യാസം.വീടിനോട്‌ ഇഴ ചേർന്ന ഒരോർമ്മ.
അവധിക്കാലങ്ങളിൽ പഴയ മുറികളിൽ തിരഞ്ഞ്‌ ഞാനെന്റെ ജനനദിന വിശേഷങ്ങൾ അറിഞ്ഞു. മകൻ ജനിച്ചു..ഉപ്പ ചുരുങ്ങിയ വാക്കുകളിലാണെന്റെ ജനനം ഡയറിയിൽ രേഖപ്പെടുത്തിയിരിക്കുന്നത്‌.
എന്റെ വീട്ടിന്റെ മുക്കിലും മൂലയിലും ഓർമ്മകൾ വിഹരിക്കുന്നു.
മാവിലും പ്ലാവിലും സ്മരണകൾ തൂങ്ങിയാടുന്നു.പെരുമഴയിലെ ഇറവെള്ളം പോലെ എല്ലാം ഒലിച്ചിറങ്ങുന്നു.ശീതകാറ്റിൽ തിണ്ണയിൽ പതിച്ച മഴതുള്ളികളിൽ ഞാനെന്റെ പേരെഴുതുന്നു.ഒരറ്റം മുതൽ മറ്റേയറ്റം വരെ..
ദുർബലമായ മച്ച്‌ ഒരു പ്രശ്നമായി. വീട്‌ പൊളിക്കുവാൻ ആശാരി പറഞ്ഞപ്പോൾ ഞാൻ രൂപരേഖ വരച്ചു. വല്യുമ്മാനെ കാണിച്ചപ്പോൾ കണ്ണുനീരിൽ കുതിർന്ന വാക്കുകളാൽ പറഞ്ഞു..എന്റെ മരണശേഷം മാത്രം മതി വീട്‌ പൊളിക്കൽ..പിന്നെ വീട്‌ ചില പുതുക്കി പണികൾ മാത്രം നടത്തി.പഴയ ഓർമ്മകളുടെ ആയുസ്സ്‌ വീണ്ടും നീട്ടി.
വീട്‌ വീണ്ടും ദുർബലമായി തുടങ്ങിയിരിക്കുന്നു. വീട്ടിൽ താമസിക്കുന്നവരും..പഴയ മട്ടിലെ സൌകര്യങ്ങൾ പുതിയ കാലത്തേക്ക്‌ തീരെ യോജിക്കുന്നില്ല.
ഇനിയും ഓർമകൾക്ക്‌ തപസ്സിരിക്കാൻ കഴിയുകയില്ല.അവയ്ക്ക്‌ മീതെ അതിമനോഹരമായ സ്മാരകം പണിയാം. വല്യുമ്മയ്ക്ക്‌ വിഷമമുണ്ടാകും.വീടുകൾ പ്രിയപ്പെട്ടവരുടെ സ്മാരകങ്ങൾ കൂടെയാണ്‌.
വീടിനോട്‌ ചേർന്നുള്ള പ്ലാവ്‌ മര ഉരുപ്പടികൾക്കായി വെട്ടിയിട്ടുണ്ടാകും.പുതിയ വീടിന്റെ പണി നടക്കട്ടെ.അതിന്‌ ശേഷം പുതിയവരെ കുടിയിരുത്താൻ കൂടെയുണ്ട്‌.പുതിയ ഓർമ്മകൾ നാമ്പിട്ട്‌ തുടങ്ങട്ടെ.

പ്രണയ കഥ

2005-08-02T11:53:00.000+04:00

എല്ലാവര്‍ക്കും ഒരു പ്രണയ കഥ പറയാനുണ്ടാകും. എനിക്ക്‌ പറയുവാനുള്ളത്‌ ഏകപക്ഷീയമായ ഒരു പ്രണയാനുഭവമാണ്‌.
സ്കൂള്‍ പഠനം കഴിഞ്ഞ്‌ അത്യവശ്യം രാഷ്ട്രീയവും പിന്നെ അല്ലറചില്ലറ തല്ലുകൊള്ളിത്തരങ്ങളുമായി നടക്കുന്ന സമയം. പ്രഭാതത്തിലെ പത്രവായനയും ചായകുടിയും കഴിഞ്ഞാല്‍ പിന്നെ നാട്‌ തെണ്ടാനിറങ്ങും. അത്തരം ഒരു അലച്ചിനിടയില്‍ ആണ്‌ എന്റെ പ്രണയം ആരംഭിക്കുന്നത്‌.എന്റേത്‌ ഒരു രാഷ്ട്രീയാഭിമുഖ്യമുള്ള കുടുംബമായതിനാല്‍ നാട്ടില്‍ നാലാളറിയും.ഒരു കണക്കിനത്‌ നല്ലതായിരുന്നു. നാട്ടുകാര്‍ക്കിടയില്‍ പിതാമഹന്മാരുണ്ടാക്കിയിരുന്ന നല്ലപേര്‌ പല തെമ്മാടിത്തരങ്ങള്‍ക്കും ഒരു മറയായി ഞാന്‍ ഉപയോഗിച്ചിരുന്നു.
എന്റെ നാട്ടില്‍ വളരെ നല്ല നിലയില്‍ ഇന്നും പ്രവര്‍ത്തിക്കുന്ന വായനശാലയുണ്ട്‌. രാവിലെ ഈ വായനശാല തുറന്നിരുന്നത്‌ അക്കാലത്ത്‌ ഞാനായിരുന്നു.പ്രശസ്തനായ മുന്‍കാല നിയമസഭാ സ്പീക്കര്‍ സംഭാവന ചെയ്ത ധാരാളം പുസ്തകങ്ങള്‍ അവിടെ അലമാരികളില്‍ നിറഞ്ഞിരുന്നു. ഒഴിവ്‌ ദിവസങ്ങളില്‍ നിരവധി പേര്‍ പുസ്തകം വായിക്കുവാനും വാങ്ങുവാനുമായി അവിടെ എത്താറുണ്ടായിരുന്നു. അത്തരമൊരു ദിനത്തിലാണ്‌ സജ്‌ന കയറിവന്നത്‌. ഏെതോ ഒരു നോവല്‍ എടുത്ത്‌ രെജിസ്റ്റര്‍ ചെയ്യാന്‍ അടുത്ത്‌ വന്നപ്പോഴാണ്‌ ഞാന്‍ അവളെ ശ്രദ്ധിക്കുന്നത്‌. തരക്കേടില്ലാത്ത രൂപഭംഗി, മാന്‍ മിഴികള്‍,
ആകര്‍ഷണീയമായ വസ്ത്രധാരണ രീതി തുടങ്ങി ഒരു വായനോട്ടക്കാരന്റെ മനസ്സിന്‌ ഇണങ്ങുന്ന അവളുടെ പേര്‌ പക്ഷെ മെമ്പര്‍ രെജിസ്റ്ററില്‍ ഇല്ലായിരുന്നു.
നാട്ടിലെ തന്നെ അറിയപ്പെടുന്ന ഒരു ബിസിനസ്സുകാരന്റെ മകളാണ്‌ അവളെന്ന് എനിക്ക്‌ മനസ്സിലായത്‌ പുസ്തകം അയാളുടെ പേരില്‍ രെജിസ്റ്ററില്‍ ചേര്‍ക്കാന്‍ പറഞ്ഞപ്പ്പ്പോഴായിരുന്നു. എന്റെ പരിചയക്കാരനായിരുന്നു അവളുടെ പിതാവ്‌. ഒന്നും രണ്ടും പറഞ്ഞ്‌ അവളുടെ കൂടെ കൂടുവാന്‍ എന്റെ ഇമേജ്‌ എനിക്കൊരു പ്രശ്നമായിരുന്നു. ആയതിനാല്‍ അവള്‍ പോകുന്ന വഴികളിലും അവളുടെ വീടിന്റെ പരിസരങ്ങളിലും ഞാന്‍ അലസനായി ചുറ്റി തിരിഞ്ഞ്‌ കാലം തള്ളി നീക്കി.അലസതയുടെയും വായിനോട്ടത്തിന്റെയും കാലത്തിന്‌ വിരാമമിട്ട്‌ തുടര്‍പഠനത്തിന്‌ ചെന്നൈ മഹാനഗരത്തിലേക്ക്‌ യാത്രയാകുമ്പോഴും എന്റെ മനസ്സിന്റെ കോണിലെവിടെയോ പറയാതെ പോയ പ്രണയത്തിന്റെ നീറ്റലുണ്ടായിരുന്നു. ഒോരോ തിരിച്ച്‌ വരവിലും പ്രണയാഭ്യര്‍ത്ഥന എന്തിനെയൊക്കെയോ ഭയപ്പെട്ട്‌ ഉടക്കി നിന്നു. സ്നേഹിതര്‍ക്കിടയിലെ കളിയാക്കലിലും കുറ്റപ്പെടുത്തലിനുമിടയ്ക്ക്‌ പെട്ട്‌ വീര്‍പ്പ്‌ മുട്ടി നില്‍ക്കുമ്പോള്‍ സഹായിക്കാന്‍ സുഹൃത്തിന്റെ കാമുകിയെത്തി. വളരെ വിശദമായി പ്രണയചരിത്രം വിവരിച്ച്‌ ഞാന്‍ രണ്ടാം അങ്കം കുറിക്കുവാന്‍ ദുബായിലെത്തി.
കുറച്ച്‌ മാസങ്ങള്‍ക്ക്‌ മുമ്പ്‌ എന്റെ പ്രണയഫലം അറിവായി..
സുഹൃത്തിന്റെ പ്രണയിനി സജ്‌നയോട്‌ എന്നെ പറ്റിയും മനസ്സില്‍
ഇന്നും കൊണ്ട്‌ നടക്കുന്ന പ്രണയത്തെ പറ്റിയും ഏെതോ വിവാഹപാര്‍ട്ടിയില്‍ വെച്ച്‌ സൂചിപ്പിച്ചുവത്രെ,
മറുപടി വളരെ ലളിതമായിരുന്നു..
'എനിക്ക്‌ ആ പേരും ഇഷ്ടമല്ല, അവനെയും കാണേണ്ട!!', എന്നായിരുന്നു..
ഈയിടെയായി ഞാന്‍ പെണ്‍ക്കുട്ടികളെ കാര്യമായി ശ്രദ്ധിക്കാറില്ല, കാരണം വളരെ റൊമാന്റിക്‌ ആണെങ്കിലും എനിക്ക്‌ തീരെ ധൈര്യമില്ല.
വെറുതെയെന്തിനാണ്‌ അവനവന്റെ ആത്മവിശ്വാസം തകര്‍ക്കുന്നത്‌?.

ചില സമയ ദോഷങ്ങള്‍.

2005-07-23T19:01:00.000+04:00

ഇവിടെ ദുബായില്‍ ഒരു പാട്‌ നിര്‍മ്മാണ പ്രവര്‍ത്തനങ്ങള്‍ ദ്രുതഗതിയില്‍ മുന്നേറികൊണ്ടിരിക്കുകയാണ്‌.സിവില്‍ എന്‍ജിനീയറിങ്ങിന്റെ അനന്തസാദ്ധ്യതകള്‍ നമ്മള്‍ മലയാളികള്‍ നഷ്ടപ്പെടുത്തിയിട്ടില്ല എന്ന് വേണം കരുതാന്‍. കാരണം അത്ര അധികം പേര്‍ ഇവിടെ ജോലി ചെയ്യുന്നുണ്ട്‌.എന്റെ ബാച്ചിലെ മുക്കാല്‍ പങ്കും ഇവിടെ എത്തി നല്ല ശമ്പളത്തില്‍ ജോലി ചെയ്യുന്നുണ്ട്‌. എന്റെ തന്നെ ജൂനിയര്‍ - സീനിയര്‍ സുഹൃത്തുക്കള്‍ വേറെയും..
ഞങ്ങള്‍ ചേര്‍ന്ന് ഒരു സംഘടനയും രൂപീകരിച്ചിട്ടുണ്ട്‌. നമ്മള്‍ മലയാളികള്‍ക്ക്‌ സംഘടന ഒഴിച്ച്‌ കൂടാനാകാത്ത ഒരു വിഭവമാണല്ലോ,
ഇനി കാര്യം പറഞ്ഞ്‌ തുടങ്ങാം..
അധിക പേരും കല്യാണം കഴിച്ചിട്ടില്ല. കല്യാണം കഴിക്കാത്തവര്‍ക്ക്‌ അനുയോജ്യമായ ബന്ധം സംഘടിപ്പിക്കുക എന്നതും ഈ കൂട്ടായ്മയുടെ ലക്ഷ്യങ്ങളില്‍ ഒന്നാണ്‌. പക്ഷെ പലരും വളരെ അധികം ധൃതിയുള്ളവരാണ്‌. കാരണം നല്ല ജോലി, നല്ലശമ്പളം ഇനി അടുത്തത്‌ നല്ല ഭാര്യ തന്നെ എന്നാണ്‌ എന്റെയടക്കമുള്ളവരുടെ ലക്ഷ്യം.അങ്ങനെ ജോലിതിരക്കും ബ്ലോഗിങ്ങും കമന്റിങ്ങും കഴിഞ്ഞ്‌ കിട്ടുന്ന ഇടവേളകളില്‍ ഞാനും കേരള മാറ്റ്രിമോണിയില്‍ പെങ്കുട്ട്യൊളെ തപ്പിയിറങ്ങി. പത്ത്‌ മുന്നൂറ്‌ പ്രൊഫൈല്‍ തിരഞ്ഞ്‌ മടുത്തപ്പോള്‍ ഞാന്‍ വരന്മാരുടെ ലിസ്റ്റ്‌ തിരയാന്‍ തുടങ്ങി. അപ്പോഴുണ്ട്‌ എന്റെ ജൂനിയര്‍ ഒരുത്തന്‍ ഒരു കിടിലന്‍ പ്രൊഫൈല്‍ രെജിസ്റ്റര്‍ ചെയ്തിരിക്കുന്നു. തലയിലൂടെ ഒരു
മിന്നല്‍ പിണര്‍ പാഞ്ഞു...
അവന്റെ മൊബൈല്‍ നമ്പര്‍ എന്റെ കൈയില്‍ ഇല്ല, പക്ഷെ സംഘടിപ്പിച്ചു..
പിന്നെ കുറച്ച്‌ സുഹൃത്തുക്കളെ എല്ലാം വിളിച്ച്‌ വിവരം പറഞ്ഞു..
എല്ലാവരും ചേര്‍ന്ന് ഒരു പദ്ധതി തയ്യാറാക്കി. ഒരു പെണ്‍കുട്ടിയുടെ സഹോദരന്‌ അവനെ കണ്ട്‌ വിവാഹകാര്യം സംസാരിക്കുവാനുണ്ടെന്ന് ഞങ്ങളിലാരെങ്കിലും വിളിച്ച്‌ പറയുക.
അങ്ങനെയാണ്‌ അവനെ ഞങ്ങള്‍ എല്ലാവരും ചേര്‍ന്ന് തന്ത്രപരമായി ദേര ദുബായിലെ മുനിസിപാലിറ്റി പാര്‍ക്കിലേക്ക്‌ കഴിഞ്ഞ വ്യാഴാഴ്ച വൈകീട്ട്‌ എട്ട്‌ മണിക്ക്‌ വരാന്‍ പറഞ്ഞത്‌.
വൈകീട്ട്‌ അഞ്ച്‌ മണി മുതല്‍ മുന്‍ നിശ്ചയ പ്രകാരം ഓരോരുത്തരായി അവനെ പല പാര്‍ട്ടികള്‍ക്ക്‌ വിളിക്കാന്‍ തുടങ്ങി.അവന്ന് കമ്പനി വക ഒഴിച്ചുകൂടാനാവാത്ത പാര്‍ട്ടിയുണ്ടെന്നും പറഞ്ഞ്‌ ഒഴിഞ്ഞ്‌ മാറാന്‍ തുടങ്ങിയപ്പോഴേ ഞങ്ങളുടെ പദ്ധതി വിജയം മണത്തു തുടങ്ങിയിരുന്നു.അവന്റെ ഓരോ നീക്കവും സമര്‍ത്ഥമായി അവന്റെ റൂം മേറ്റ്‌ ഞങ്ങള്‍ക്ക്‌ എത്തിച്ച്‌ കൊണ്ടിരുന്നു.അങ്ങനെ ഞങ്ങള്‍ ഓരോരുത്തരായി പാര്‍ക്കില്‍ എത്തിയെന്ന് ഉറപ്പ്‌ വരുത്തി. ഞാന്‍ അവിടെ എത്തിയപ്പോഴുണ്ട്‌ കഥാനായകന്‍ കുളിച്ച്‌ കുട്ടപ്പനായി ആരെയോ കാത്ത്‌ നില്‍ക്കുന്നു. എന്നെ കണ്ടയുടനെ ഒഴിഞ്ഞു മാറാന്‍ നടത്തിയ ശ്രമം ദയനീയമായി പരാജയപ്പെട്ടു. കാരണം വേറൊരുത്തന്‍ അവന്റെ എതിര്‍ദിശയില്‍ വരുന്നുണ്ടായിരുന്നു. രണ്ടുപേര്‍ക്കുമിടയില്‍ പെട്ട്‌ നിസ്സഹായനായ കഥാനായകന്‍
ഇഞ്ചി തിന്ന കുരങ്ങിനെ പോലെ നിന്ന നില്‍പ്പില്‍ നില്‍ക്കുമ്പോള്‍ മറ്റുള്ളവരും കടന്നു വന്നു. കൂട്ടിലടച്ച വെരുകിനെ പോലെ അവന്‍ വെപ്രാളപെട്ട കാഴ്ച അതിദയനീയമായിരുന്നു. മറ്റേതൊരു അവസരത്തിലാണെങ്കിലും അത്തരമൊരു കൂടിചേരല്‍ അവന്‍ ഒഴിവാക്കുമായിരുന്നില്ല. പക്ഷെ, ഇപ്പോള്‍ അവന്‍ പെണ്‍വീട്ടുകാരെ കാത്ത്‌ നില്‍ക്കുകയല്ലെ!. പലരും പലതും പറഞ്ഞ്‌ പ്രലോഭിപ്പിച്ചിട്ടും കഥാനായകന്‍ നിന്ന നില്‍പ്പ്പ്പില്‍ തന്നെ!. അരമണിക്കൂര്‍ അവനെ അവിടെ തന്നെ നിര്‍ത്തി.ബഹളങ്ങളും പൊട്ടിചിരികളും ആ കൂട്ടായ്മയിലേക്ക്‌ പരിസര ശ്രദ്ധ തിരിയ്ക്കുമെന്നായപ്പോള്‍ ആരോ അവന്‍ കാത്ത്‌ നില്‍ക്കുന്ന ആളിന്ന് വിളിക്കുവാന്‍ പറഞ്ഞു. അവന്‍ മാറി നിന്ന് മൊബൈല്‍ കറക്കി.. ഞങ്ങളില്‍ ഒരുവന്‍ വാങ്ങിയ പുതിയ മൊബൈല്‍ റിംഗ്‌ ചെയ്യാന്‍ തുടങ്ങി.. ഞങ്ങളൊന്നിച്ച്‌ അവന്റെ അടുത്തേക്ക്‌ നടന്ന് നീങ്ങി, പിന്നെ മൊബൈല്‍ എടുത്ത്‌ റിംഗ്‌ ചെയ്യുന്ന അവന്റെ നമ്പര്‍ കാണിച്ച്‌ കൊടുത്തു.
കഥാനായകന്റെ മുഖത്തെ ഭാവമാറ്റം ഞാന്‍ ഇതുപോലത്തെ മറ്റൊരു അനുഭവമുണ്ടാകുന്നത്‌ വരെ മറക്കില്ല!!. അത്ര പരിതാപകരമായിരുന്നു. കരയാന്‍ വയ്യാത്തത്ര മുതിര്‍ന്നത്‌ കൊണ്ട്‌ കരഞ്ഞില്ലെന്നെയുള്ളൂ..
പിന്നെ എല്ലാവരും ചേര്‍ന്ന് അവനെ ആശ്വസിപ്പിക്കാനെന്ന വണ്ണം തൊട്ടടുത്ത ഹോട്ടലിലേക്ക്‌ മുന്‍നിശ്ചയപ്രകാരം കൊണ്ടുപോയി. ഞാന്‍ പതുക്കെ ആ കൂട്ടം വിട്ട്‌ മറ്റൊരു സ്ഥലത്തേക്ക്‌ നീങ്ങി.
രാത്രി ആരോ
വിളിച്ചു പറഞ്ഞു, ഹോട്ടലിലെ ബില്ലും അവനെ കൊണ്ട്‌ വസൂലാക്കിയെന്ന്..
പാവം..അവന്‌ മാനനഷ്ടവും പിന്നെ ധനനഷ്ടവും ഒന്നും വരികേലായിരുന്നു.. പ്രൊഫെഷണലുകള്‍ക്ക്‌ ഈ ആഴ്ച എന്ന പത്ര ജാതകം ഒന്നു നോക്കിയിരുന്നെങ്കില്‍...

നിഷ്കാസിതന്‍

2005-07-11T08:51:00.000+04:00

നീ മൃതിയടഞ്ഞവന്‍..
ചാനല്‍ ബഹളം കഴിഞ്ഞാല്‍ പിന്നെ,
നിന്റെ ശവമെടുപ്പാണ്‌..
വെറുപ്പിനാല്‍ തുന്നി ചേര്‍ത്ത ശവക്കച്ച.
തണുത്ത്‌ മരവിച്ച സായംസന്ധ്യ.
മരം കോച്ചും തണുപ്പ്‌.
തമസ്സില്‍ തന്നെ നിന്റെ ഖബറടക്കം.
വെളിച്ചത്തിനായ്‌ കത്തിച്ചു വെച്ച-
മണ്‍ചിരാതാരോ ഊതി കെടുത്തി..
അതു നീ തന്നെ ആയിരുന്നില്ലേ?.
പുറത്ത്‌ ഒരായിരം പേര്‍ കാത്ത്‌ നില്‍ക്കുന്നു..
നിനക്കായ്‌ ജയ്‌ വിളിച്ചവര്‍..
നിന്റെ നിണത്തിന്നായ്‌-
കണ്ഠം പൊട്ടുമാറുഛത്തില്‍ നിലവിളിക്കുന്നു!!.
അനന്തപുരിയില്‍..
നിനക്കായ്‌ ഹൃദയത്തില്‍ സിംഹാസനം പണിഞ്ഞവര്‍..
അല്ലെങ്കില്‍ അതിനുമപ്പുറത്തേക്ക്‌..
നിനക്കിനി ആരാണ്‌ കൂട്ട്‌?.
നിന്റെ മൃതിയടഞ്ഞ ചോദനക്കെന്തിനു
വിരേതിഹാസം രചിച്ചവരുടെ പരിലാളന?.
നീ വെറുമൊരു ജലകണം.
അവരോ ജല പ്രവാഹം!!.
പാറമടക്കുകളില്‍ തട്ടി പാതി വഴിയില്‍-
ഒടുങ്ങുവാനായിരുന്നോ നിന്റെ വിധി?.
ഹാ.. കഷ്ടം!!.
പട നയിക്കുമ്പോളെന്തിനു നീ-
പാളയത്തിലെ പട നയിച്ചു?..
പിന്തിരിഞ്ഞോടുന്നവന്റെ വിധി-
നിനക്കെന്തേ അറിയാതെ പോയി?..
കുഴിമാടം പൂര്‍ത്തിയായി.
മണ്ണോടു ചേരാന്‍ മനസ്സൊരുക്കുക.
നിന്റെ വാസസ്ഥലം എത്ര ക്രൂരം!
നിന്റെ വാരിയെല്ലുകള്‍-
കോര്‍ത്തിണക്കില്ലേ?.
ഈ ശീതകാറ്റില്‍ എനിക്ക്‌ കോച്ചുന്നു.
നിനക്കുമില്ലേ?.
നിനക്കിനി ആരുണ്ട്‌ കൂട്ട്‌?..
നിലാവുള്ള രാത്രിയില്‍,
കൂട്ടിചേര്‍ത്ത കാലുകളെ,

പറിച്ചെറിഞ്ഞു വന്നാലും,
ഇനി വയ്യല്ലോ നിനക്കായ്‌ ആമോദിക്കാന്‍.
നിനക്കുണ്ടാവാം മറ്റൊരു കൂട്ട്‌,
കുന്തത്തില്‍ തലനാട്ടിയ ആമു പോലീസിന്‍ കൂട്ട്‌..

പ്രണയിച്ചവര്‍

2005-07-10T13:27:00.000+04:00

കുറച്ചു ദിവസങ്ങളായി എന്റെ സുഹൃത്ത്‌ ഒണ്‍ലൈനില്‍ ഇടക്കിടെ വന്ന് ഹലോ ടൈപ്പ്‌ ചെയ്ത്‌ ചാറ്റിങ്ങിന്ന് ക്ഷണിക്കാറുണ്ട്‌.
തിരക്കുള്ള സമയമായതുകാരണം 'ബിസി' എന്ന് തിരിച്ചും റ്റൈപ്പ്‌ ചെയ്ത്‌ ഒഴിവാകാറാണ്‌.
ദുബായില്‍ ഞങ്ങള്‍ ഒരുമിച്ച്‌ ഒരുപാട്‌ കാലം ഒരുമിച്ച്‌ താമസിച്ചിരുന്നു. ജോലി ഇല്ലാതിരുന്ന സമയങ്ങളില്‍ അവനെന്നെ സാമ്പത്തികമായി മാത്രമല്ല, അറിയാവുന്ന പലരെയും നേരിട്ട്‌ കണ്ട്‌ എന്റെ കാര്യത്തിന്നായി വിലപ്പെട്ട സമയവും എനിക്കായി ചിലവഴിച്ചിട്ടുണ്ട്‌. പിന്നെ എന്റെ ജോലിത്തിരക്കിന്റെയും അവന്റെ മീറ്റിങ്ങുകളുടെ ഇടവേളകള്‍ക്കിടയിലും ഞങ്ങള്‍ സൌഹൃദം പുതുക്കി കൊണ്ടിരുന്നു.
എന്റെ നാട്ടിലെ ഒരു പ്രബല കുടുംബത്തിലെ അംഗമായിരുന്ന അവന്റെ ചെറുപ്പത്തിലേയുള്ള കൂട്ടുകാരന്‍ ഞാന്‍ മാത്രമായിരുന്നു.എന്റെ അനേകം കൂട്ടുകാരില്‍ ഒരുവന്‍ മാത്രമായിരിന്നു അവനെങ്കിലും, എന്റെ സമയത്തിന്റെ മുക്കാല്‍ പങ്കും അവനെന്റെ കൂടെ തന്നെയായിരുന്നുവെന്ന് ഇന്നു ഞാന്‍ ഓര്‍മിക്കുന്നു..
നിരര്‍ത്‌ഥകമായ ബാല്യകാലസ്മരണകളാകും അവന്റെ പല ചാറ്റിംഗ്‌ വിഷയങ്ങളും..ഒരു നഗരത്തിലാണ്‌ താമസമെങ്കിലും അവന്‍ കുടുംബസമേതം താമസിക്കുന്ന വീട്ടിലേക്ക്‌ വല്ലപ്പോഴും മാത്രമേ ഞാന്‍ പോയിട്ടുള്ളൂ..അഞ്ച്‌ വര്‍ഷത്തിന്ന് ശേഷമാണ്‌-അവന്‍ നാട്ടില്‍ വിട്ടിട്ട്‌ പോന്ന ഭാര്യയേയും കുഞ്ഞിനേയും ദുബായിലേക്ക്‌ കൊണ്ടുവന്നത്‌.മുന്ന എന്നെ കാണുമ്പോള്‍ തന്നെ എന്റെ കൂടെ
വരണമെന്ന് പറഞ്ഞു തുടങ്ങും.പലപ്പൊഴും ഞാന്‍ അത്ഭുതപ്പെട്ടിട്ടുണ്ട്‌, ഈ കുഞ്ഞിനെന്താണ്‌ എന്നോടിത്ര അടുപ്പമെന്ന്?..മുന്നയ്ക്ക്‌ ഒന്നോ രണ്ടൊ വയസ്സുള്ളപ്പോഴാണ്‌ ഞാന്‍ ഇങ്ങോട്ട്‌ വിമാനം കയറിയത്‌.അവന്റെ ഭാര്യയോട്‌, എന്റെ മുഖസാമ്യമുള്ള ബന്‌ധുക്കള്‍ ആരെങ്കിലുമുണ്ടോയെന്ന് പലപ്പോഴും ചോദിച്ചിട്ടുണ്ടു, മുന്നയ്ക്ക്‌ എന്നോടുള്ള അടുപ്പം കണ്ടിട്ട്‌,.. ഞങ്ങളുടെ സൌഹൃദത്തിന്റെ തീവ്രത മകള്‍ക്കും അറിയുന്നത്‌ കൊണ്ടാകും എന്നു നിഷ ഒരു തമാശയും പറയും..
നിഷ ഒരു ഇടത്തരം കുടുംബത്തില്‍ നിന്നുള്ള സുന്ദരിയായ ഒരുവളായിരുന്നു..എപ്പ്പോഴാണ്‌ എന്റെ കൂട്ടുകാരന്‍ അവളെ ഇഷ്ടപ്പെട്ടു തുടങ്ങിയതെന്ന് ഞാന്‍ ഓര്‍ക്കുന്നില്ല. പതിവ്‌ പോലെ അവരുടെ പ്രണയത്തിന്റെ ചുക്കാന്‍ പിടിച്ചതും വിപരീത ധ്രുവങ്ങളിലുള്ള രണ്ടു കുടുംബങ്ങളെ തമ്മില്‍, ഒരായിരം എതിര്‍പ്പുകള്‍ക്കിടയിലും യോജിപ്പിക്കാന്‍ കഴിഞ്ഞതും എനിക്ക്‌ വളരെ അധികം സന്തോഷം തരുന്ന ചില ഓര്‍മകള്‍ ആണ്‌.മുന്ന വെളുത്ത്‌ കൊലുന്നനെയുള്ള പെണ്‍കുഞ്ഞായിരുന്നു. എന്റെ സുഹൃത്ത്‌ വളരെ ഭാഗ്യവാനായിരുന്നു. തിരക്ക്‌ പിടിച്ച അവന്റെ ബിസിനസ്സ്‌ ലോകത്തിലേക്ക്‌ ഞാന്‍ കടന്നു നോക്കിയിട്ടില്ലെങ്കിലും അവന്റെ സൌഭാഗ്യത്തില്‍ സന്തോഷിക്കാറുണ്ട്‌.പക്ഷേ,ഭാര്യയേയും കുഞ്ഞിനേയും കൊണ്ടുവരാത്തതെന്തേയെന്ന് ഞാന്‍ സന്ദേഹിക്കാറുണ്ടായിരുന്നു..
ഭാര്യയേയും കുഞ്ഞിനേയും കൊണ്ട്‌ അവന്‍ ഞാന്‍ താമസിച്ചിടത്ത്‌ നിന്നും
അകലെ ഒരു ഫ്ലാറ്റ്‌ വാങ്ങി. വല്ലപ്പോഴും ഏേതെങ്കിലും ഷോപ്പിംഗ്‌ സെന്ററില്‍ വെച്ചായിരുന്നു കൂടുതലും ഞങ്ങള്‍ കണ്ടുമുട്ടിയിരുന്നത്‌. പിന്നെ മുന്നയെ എന്റെ അടുത്തിട്ട്‌ വിട്ടു അവര്‍ പതിയെ മാറിനടക്കുമായിരുന്നു. തിരക്കു പിടിച്ച ജീവിത ശൈലിയില്‍ അവന്ന് കിട്ടിയിരുന്ന അപൂര്‍വാവസരങ്ങള്‍..
ഈയടുത്താണ്‌, ഞാനെന്റെ വീട്ടിലേക്ക്‌ വിളിച്ചപ്പോള്‍ അറിഞ്ഞത്‌, നിഷയെ അവന്‍ വിവാഹമോചനം ചെയ്തെന്ന്!!..
ഒരു പ്ലെഷര്‍ ട്രിപ്പിനു പോകാനിരുന്ന ഞാന്‍ നിര്‍ന്നിമേഷനായി നിന്നു പോയി!!..
അപ്പോള്‍ മുന്ന -
ദൈവമേ, ഇതെകുറിച്ച്‌ എന്തെങ്കിലും പറയുവാനായിരിക്കുമോ നിഷാദ്‌ ഒണ്‍ലൈനില്‍ വന്നത്‌?!!..
ഉടന്‍ വിളിച്ചപ്പ്പ്പോള്‍ അവന്റെ മൊബൈല്‍ സ്വിച്ച്‌ ഓഫ്‌ ചെയ്തിരിക്കുന്നു..
പിന്നെ വിവരങ്ങള്‍ വീട്ടിലേക്ക്‌ തന്നെ വിളിച്ചറിഞ്ഞു..
ഉന്നത നിലയിലുള്ള തന്റെ ബിസിനസ്സ്‌ സാമ്രാജ്യത്തില്‍ ഒരു കേസില്‍ പെട്ട്‌ നിഷാദ്‌ മൂന്നുമാസം ജയിലിലായപ്പോള്‍ ആരാരും സഹായിക്കാനില്ലാതെ നിഷ കണ്ണീര്‍ വാര്‍ത്തു കഴിയുകയായിരുന്നു. തന്നെ സഹായിക്കാന്‍ വന്ന ബന്ധുക്കളുടെ പിടിപാട്‌ കൊണ്ടു ജയില്‍ മോചിതനായ നിഷാദില്‍ എപ്പോഴോ സംശയത്തിന്റെ ചെകുത്താന്‍ കയറി..പരസപര വിശ്വാസത്തിന്റെ നൂലിഴയില്‍ ചേര്‍ത്ത്‌ വെച്ച ദാമ്പത്യത്തില്‍ അസ്വാരസ്യം പടര്‍ന്നു കയറിയപ്പോള്‍ നിഷ മുന്നയുമായി നാട്ടിലേക്ക്‌ വിമാനം കയറി. തന്റെ കുഞ്ഞിന്ന് ശേഷകാലം ജീവിക്കുവാന്‍ വേണ്ട തുക കൂടെ വിവാഹമോചന
കരാറില്‍ നിഷാദ്‌ എഴുതി ചേര്‍ത്തുവത്രെ..
പ്ലെഷര്‍ട്രിപ്പ്‌ മാറ്റി വെച്ച്‌ അവന്റെ ഫ്ലാറ്റില്‍ ചെന്ന എനിക്ക്‌ അത്‌ പൂട്ടികിടക്കുന്നതാണ്‌ കാണാന്‍ കഴിഞ്ഞത്‌..
ഗ്ലാസ്സിട്ട ജനാലയില്‍ മുഖം ചേര്‍ത്ത്‌ ഫ്ലാറ്റിനകത്തേക്ക്‌ നോക്കിയപ്പ്പ്പോള്‍ എപ്പോഴോ ഞാന്‍ വാങ്ങി കൊടുത്ത മൊദേഷ്‌ പാവ അഴിയില്‍ ചേര്‍ത്ത്‌ വെച്ചിരിക്കുന്നു -മുന്ന-
വഴക്കിന്റെയും കണ്ണീരിന്റെയും ഇടവേളകളിലെപ്പോഴെങ്കിലും ഒരു പെട്ടി ചൊക്ക്ലേറ്റുമായി ഞാന്‍ കടന്നു ചെല്ലുമെന്ന് മുന്ന നിനച്ചിട്ടുണ്ടാകും..
പക്ഷെ, ഞാനറിഞ്ഞില്ലല്ലൊ മകളെ, നിന്നെ കരുതി പോലും അവര്‍ ഇനിയടുക്കാനാകാത്തത്ര അകന്നു കഴിഞ്ഞെന്ന്..
പ്രണയിച്ച്‌ പിരിഞ്ഞവരെ, ഇനിയെങ്കിലും പറഞ്ഞു തരൂ.. ഒരുമിച്ച്‌ ജീവിച്ച്‌ തുടങ്ങുമ്പോള്‍ നിങ്ങള്‍ക്ക്‌ എവിടെയാണ്‌ ജീവിതം കൈവിട്ട്‌ പോകുന്നതെന്ന്?.

പ്രവാസം.......

2005-07-02T17:05:00.000+04:00

തകര്‍ന്നടിഞ്ഞ ഒരു വെള്ളിയാഴ്ചയായിരുന്നു ഇന്നലെ.
പകല്‍ മുഴുവന്‍ നീണ്ട യാത്ര..അബുദാബിയില്‍ വെച്ചിട്ടു പോന്ന പുസ്തകങ്ങളും വസ്ത്രങ്ങളും തിരിച്ചെടുക്കുവാന്‍ പറയാന്‍ തുടങ്ങിയിട്ട്‌ ദിവസങ്ങള്‍ ഒരു പാടായിരിക്കുന്നു.പഴയ സുഹൃത്തുകള്‍ ഫ്ലാറ്റ്‌ മാറുവാന്‍ തീരുമാനിച്ചിരിക്കുന്നു. ഈ യാത്ര മാറ്റിവെക്കുവാന്‍ വയ്യ.ആറു മാസം മുന്‍പ്‌ വരെ അവിടെയായിരുന്നു പൊറുതി.കൊടും ചൂടില്‍ നല്ലൊരു വ്യാഴാഴ്ച തന്നെ പുറപ്പെട്ടു. വലിയ ദൂരം ഇല്ല അബൂദാബിയിലേക്ക്‌.. പക്ഷെ, പുറപ്പെട്ട്‌ ഇറങ്ങുവാന്‍ വലിയ ബുദ്ധിമുട്ടാണെനിക്ക്‌.. ഇരുനൂറു കിലോമീറ്റര്‍ അടുത്തിരിക്കുന്നവന്റെ നാറ്റവും സഹിച്ച്‌ വേണം പോകാന്‍..
സുഹൃത്തുക്കളെ മുഴുവന്‍ വിളിച്ച്‌ ഒന്നിളക്കി നോക്കി, ആര്‍ക്കും കൂട്ട്‌ വരാന്‍ വയ്യ. വേനലിന്റെ ശാപം..
ആകെ ഒരു ലാഭമെന്നത്‌ ഒരു കൂട്ടുകാരന്‍ നാട്ടിലേക്ക്‌ പോകുന്നു അവന്റെ കൈയില്‍ വീട്ടിലേക്ക്‌ കത്ത്‌ കൊടുത്ത്‌ വിടാം.
കുറെ നാളായി കത്ത്‌ എഴുതാന്‍ ആവശ്യപെടുന്നു..ഫൊട്ടൊ ആവശ്യപ്പെട്ട്‌ തുടങ്ങിയിട്ടും കുറച്ചായി.. ഫോട്ടോയുടെ കാര്യം അവിടെ നില്‍ക്കട്ടെ, കത്ത്‌ അവിടെ ചെന്നിട്ട്‌ എഴുതാമെന്ന് കരുതി പുറപ്പെട്ടു. കത്ത്‌ എഴുതുമ്പോള്‍ നാലഞ്ച്‌ പുറം എഴുതണം എങ്കിലേ വീട്ടുകാരുടെ മനം നിറയൂ. അനിയത്തി കളിയാക്കും, നിന്റെ കഥ, വായിച്ചിട്ട്‌ തീരുന്നില്ലെന്ന്..
എഴുതുവാന്‍ മടിയാണു. എഴുതി തുടങ്ങിയാല്‍ നിര്‍ത്തുവാനും.. രാവിലെ തുടങ്ങി
വൈകീട്ട്‌ ജോലി അവസാനിക്കുന്നത്‌ വരെയുള്ള വിഷയങ്ങള്‍ പൊതുവിലും വിശ്രമസമയം ചെലവിടുന്നതിനെ പറ്റി വിശേഷിച്ചും വിസ്തരിച്ച്‌ എഴുതണം.അത്‌ എന്റെ പിതാശ്രീയുടെ ഒരു നിര്‍ബന്ധമാണു.വ്യായാമം, വസ്ത്രധാരണം, വസ്ത്രത്തിന്റെ നിറം തുടങ്ങിയ കാര്യങ്ങള്‍ തീര്‍ച്ചയായും എഴുതണം. അല്ലെങ്കില്‍ ചോദ്യം വരും..എന്നോടല്ല..പുള്ളി ഏെര്‍പ്പാടാക്കിയ ചില ചാരന്മാര്‍ ഉണ്ടിവിടെ, ദുബായില്‍..
പിതാശ്രീക്ക്‌ നന്നായി അറിയാം മൂത്ത സന്തതിയുടെ ലീലാവിലാസങ്ങള്‍!!!.അതാണു ഒരു ചാരകണ്ണ്‍ എന്റെ പിറകെ സൃഷ്ടിച്ചിരിക്കുന്നത്‌.കൈവിട്ട്‌ കളയാന്‍ വയ്യ ദൂരെയാണെങ്കിലും പയ്യനെ എന്നാണു.. ചാരന്മാര്‍ ആരൊക്കെയാണെന്നും അവര്‍ എവിടെയൊക്കെ ഉണ്ടാകുമെന്നും എനിക്ക്‌ കൃത്യമായും അറിയാം എന്നിടത്താണു എന്റെ ഉപ്പ(പിതാശ്രീ) പരാജയപ്പെടുന്നത്‌.പൂക്കുറ്റിയായി(മദ്യപിച്ച്‌ വഴിയില്‍ കിടക്കുന്നതിന്റെ നാട്ടുഭാഷ)കിടക്കുന്നത്‌ കണ്ടതിന്റെ മുപ്പതാം ദിവസം എന്നെ അറേബ്യായിലേക്ക്‌ നാടുകടത്തി. നാട്‌ വിടുന്നതിന്ന് മുന്‍പ്‌ ഒരു തീരുമാനവുമെടുത്തു, ഇനി മദ്യപാനമില്ല- അതു തെറ്റാണു, സങ്കടമാണു, വാതിലിനു പിറകില്‍ നിസ്സഹായയായി നില്‍ക്കുന്ന ഉമ്മയുടെ കണ്ണുനീരാണു,വേര്‍പ്പാടിലേക്ക്‌ നയിക്കുന്ന, വിരഹത്തിലേക്ക്‌ നയിക്കുന്ന പ്രണയിതാവിന്റെ ചങ്കെരിക്കുന്ന ദു:ഖത്തിന്റെ ആഴക്കടലാണു..ശ്രീമാന്‍ മോഹന്‍ലാല്‍ പറഞ്ഞതു പോലെ ഇന്നും തുടരുന്നു
എന്ന് തീരുമെന്ന് അറിയാത്ത ഈ പ്രവാസ പ്രവാഹം...

പെരുമഴക്കാലം

2005-06-30T14:22:00.000+04:00

പുറത്ത്‌ മഴ തകര്‍ത്താടുന്നു...
വീട്ടുപറമ്പിലെ കുളം നിറയുമായിരിക്കും. തുള്ളിക്കൊരുകുടം കണക്കാണു മഴ പെയ്യുന്നത്‌. നാളെ മുതല്‍ കുളി കുളത്തില്‍ വെച്ചാകാം.കിണറ്റിലെ വെള്ളം ബക്കറ്റ്‌ വെച്ച്‌ കോരിയെടുക്കുവാന്‍ മാത്രം നിറയുമായിരിക്കും...അയല്‍പക്കത്തെ കുട്ടികള്‍ തല നിറയെ എണ്ണ തേച്ച്‌ കുളത്തില്‍ കുളിക്കുവാന്‍ വരും. എണ്ണ പാട കെട്ടി വെള്ളത്തില്‍ കലരും എന്ന് എത്ര പറഞ്ഞാലും അവറ്റകള്‍ കേള്‍ക്കില്ല.സോപ്പ്‌ വെള്ളത്തില്‍ കലര്‍ത്തരുതെന്ന് പറഞ്ഞിട്ടും ഫലമില്ല!!..
പെരുമഴക്കാലം....
അതിരു ഇടിഞ്ഞ്‌ കുളത്തിന്റെ വലിപ്പം കൂടാതിരിക്കുവാനായി കാലവര്‍ഷാരംഭത്തിന്ന് മുമ്പായി കുളം കിളച്ച്‌ അതിരുകള്‍ വൃത്താകൃതിയില്‍ കൈക്കോട്ട്‌ ഉപയോഗിച്ച്‌ വൃത്തിയായി തേച്ച്‌ മനോഹരമാക്കിയിട്ടുണ്ടാകും. കുളത്തിലേക്ക്‌ ഇറങ്ങുവാനായി തെങ്ങിന്‍ തടി ഉപയോഗിച്ച്‌ പടികള്‍ ഉണ്ടാക്കാറുണ്ട്‌.മഴക്കാലത്ത്‌ ഈ പടികള്‍ നിറയുന്നതിന്നനുസരിച്ചാണു വീട്ടില്‍ നിന്ന് കുളിക്കുവാന്‍ അനുവാദം കിട്ടുക. നാലോ അഞ്ചോ പടികളില്‍ വെള്ളം നിറഞ്ഞാല്‍ നിര്‍ത്തികൊള്ളണം അതായിരുന്നു നിയമം.
മഴ പെയ്തു കൊണ്ടേയിരിക്കുകയാണു.. ഇടക്ക്‌ ശക്തി കുറഞ്ഞും പിന്നീട്‌ പൂര്‍വ്വാധികം ശക്തിയോടെ തിരിച്ചു വരികയാണു. മഴയത്ത്‌ മൂടി പുതച്ചുള്ള ഈ പാതിയുറക്കം നല്‍കുന്ന സുഖാനുഭൂതി പറഞ്ഞറിയിക്കുവാന്‍ വയ്യ.സമയ സ്ഥലബോധമില്ലാതെ ഇങ്ങനെ
കുറച്ച്‌ കിടക്കാം.ആരും വിളിച്ച്‌ ഉണര്‍ത്താതിരുന്നാല്‍ മതിയായിരുന്നു. വല്ല്യുമ്മ ആയിരിക്കും ആദ്യം വിളിക്കുക, കാരണം കുട്ടികള്‍ സ്കൂളില്‍ നിന്ന് വരാന്‍ തുടങ്ങിയിട്ടുണ്ടാകും. അനിയനെ പോയി വിളിച്ച്‌ കൊണ്ടുവരാന്‍ പറഞ്ഞായിരിക്കും തുടങ്ങുക.. ഈ ചെക്കനാണെങ്കില്‍ കുടയും എടുക്കാതെ പോകും സ്കൂളിലേക്ക്‌,.. വിളിക്കട്ടെ, അപ്പോള്‍ പോകാം. തിരിഞ്ഞു കിടന്നു. മഴ തകരപാത്രത്തില്‍ വീണു കരഞ്ഞു തുടങ്ങി.. സന്തോഷത്തിന്റെയോ സന്താപത്തിന്റെയോ?.കരഞ്ഞുകലങ്ങിയ അന്തരീക്ഷം..മഴയുടെ വിഷാദത്തിന്റേതാണു.. മഴക്കുമുണ്ടോ എന്റേതു പോലെ നഷ്ടമായ കിനാവുകള്‍?..
എത്ര നേരം ഉറങ്ങിയെന്ന് അറിയില്ല, മഴ ചിന്നം പിന്നം പെയ്യുന്നു...അനിയന്‍ സ്കൂള്‍ വിട്ട്‌ വന്നുവോ?. ആവലാതിയായി..എന്തു പറ്റി?..ആരും വിളിച്ചില്ല!!. പുതപ്പ്‌ മാറ്റി എഴുന്നേല്‍ക്കാന്‍ തുടങ്ങിയപ്പോഴുണ്ട്‌ അലാറം മുഴങ്ങുന്നു.. സമയം നാലര കഴിഞ്ഞിരിക്കുന്നു.സ്ഥലവും മാറിയിരിക്കുന്നു. കാതങ്ങള്‍ അകലെയാണു ഞാന്‍.. വര്‍ഷം മൂന്ന് കഴിഞ്ഞിരിക്കുന്നു അനിയനെയും വല്ല്യുമ്മയെയും കണ്ടിട്ട്‌,...സ്കൂള്‍ കാലം കഴിഞ്ഞു അനിയന്‍ കോളേജില്‍ ആണു പഠിക്കുന്നത്‌.
വല്ല്യുമ്മ വാര്‍ദ്ധക്യരോഗത്താല്‍ പീഡിതയായിരിക്കുന്നു...
അബുദാബിയിലെ ഉച്ചയുറക്കത്തിലെ, കേടുവന്ന എ സിയുടെ ഞരക്കമായിരുന്നു ഓര്‍മകളിലേക്കു നയിച്ച മഴ. ഇനി ഓഫീസിലേക്ക്‌..മഴ നനഞ്ഞ മനസ്സുമായി രണ്ടാം പാതി
ആടിത്തീര്‍ക്കുവാനായി ചമയമണിയുമ്പോള്‍ മൊബൈല്‍ മുഴങ്ങുന്നു.. മറുതലക്കല്‍ അനിയന്‍ - നാട്ടില്‍ നിന്ന്- മഴ നനയാതെ വീട്ടിലെത്തിക്കുവാന്‍ കുടയുമായി ഞാന്‍ അവനെയായിരുന്നു വിളിക്കാന്‍ പോകേണ്ടിയിരുന്നത്‌..അവന്‍ ഇംഗ്ലണ്ടിലേക്ക്‌ യാത്രയാകുന്നു.. ഈ പ്രാവശ്യവും അവനെ കാണാനൊത്തില്ല. പരിഭവങ്ങള്‍ പറഞ്ഞ്‌ കരച്ചിലിന്റെ വക്കോളമെത്തിയപ്പോള്‍ എനിക്കും വാക്കുകള്‍ മുറിഞ്ഞു. നല്ലത്‌ വരട്ടെ എന്നാശംസിച്ച്‌ മൊബൈല്‍ കട്ട്‌ ചെയ്തു.
അബൂദാബിയില്‍ മഴക്കോളിന്റെ ലാഞ്ചന പോലുമില്ലെങ്കിലും എന്റെ മനസ്സില്‍ സങ്കടത്തിന്റെ പെരുമഴക്കാലമായിരുന്നു അപ്പോള്‍...

പുതിയ മാനേജര്‍

2005-06-22T17:02:00.000+04:00

പുതിയ പ്രോജക്ടിലേക്ക്‌ രണ്ടാമത്തെ പ്രോജക്ട്‌ മാനേജര്‍ കുറച്ചു ദിവസം മുന്‍പ്‌ ചാര്‍ജെടുത്തു. വന്ന ദിവസം തന്നെ അദ്ദേഹത്തിന്ന് ഒരു കാര്യം മനസ്സിലായി.ആരും കമ്പനിക്ക്‌ വേണ്ടിയല്ല അവനവന്റെ ബോസ്സുമാരെ സുഖിപ്പിച്ചാണു കഴിയുന്നത്‌ എന്ന്,ഏെറ്റവും വലിയ സോപ്പ്‌ വീരന്‍ സെക്രട്ട്രി രവിയെ സ്വകാര്യമായി വിളിച്ച്‌ വലിയ വായില്‍ ചീത്ത വിളിച്ച്‌ അഹ്‌മദ്‌ അന്‍വര്‍ ഖലാഫി എന്ന മാനേജ്‌മന്റ്‌ ബിരുദാനന്തര ബിരുദധാരി തന്റെ വരവറിയിച്ചു. പിന്നെ ഊഴമനുസരിച്ച്‌ പ്ലാനിംഗ്‌ എന്‍ജിനീയര്‍ ആദില്‍, കണ്‍സ്ട്രക്ഷന്‍ മാനേജര്‍, ടെക്നിക്കല്‍ മാനേജര്‍ നാസര്‍ സാനി മൊഹമ്മദ്‌ തുടങ്ങി എല്ലാവര്‍ക്കും വേണ്ടത്ര കൊടുത്തു.
തൊട്ടടുത്ത ദിവസം രണ്ടാം നിരക്കാര്‍ക്കും കൊടുത്തു തുടങ്ങിയെന്ന് പ്രൊജെക്റ്റ്‌ മാനേജറുടെ റൂമിന്റെ അടുത്തു കൂടെ പോയപ്പോള്‍ മനസ്സിലായി. പ്രൊക്വര്‍മന്റ്‌ ഏന്‍ജിനീയര്‍ റഷീദ്‌ ഖാനെ ചീത്ത വിളിക്കുന്നത്‌ കേട്ടപ്പോള്‍ 'ചോര തിളച്ചു ഞരമ്പുകളില്‍..' ഒരു ഭാരതീയനെ കേവലമായ ഈ ഈജിപ്‌ഷ്യന്‍ ചീത്ത വിളിക്കുകയോ?..
യൂസുഫ്‌ ദാദ കെനിയക്കാരനാണെങ്കിലും അദ്ദേഹത്തിന്റെ പിതാമഹന്മാര്‍ ഗുജറാത്തികളായിരുന്നു. ഇപ്പോഴും ഭാരതീയ സംസ്ക്കാരം സൂക്ഷിക്കുന്ന അദ്ദേഹം ഈ ഡിപ്പാര്‍ട്ട്‌മെന്റിന്റെ രണ്ടാമത്തെ തലവനാണു്‌.വരട്ടെ അദ്ദേഹത്തിന്നോട്‌ പരാതി പറയാം എന്ന് കരുതി പതിവു പോലെ സൈറ്റില്‍ നിന്നും നേരത്തെ മുങ്ങി.
സൈറ്റിലുള്ള എല്ലാവരും പെപ്സിയുടെ
പരസ്യത്തില്‍ എം ടി വി അവതാരകന്‍ സൈറസ്‌ പറയും പോലെ 'മേരാനമ്പര്‍ കബ്‌ ആയേഗാ?' എന്നും പറഞ്ഞ്‌ പ്രൊജെക്റ്റ്‌ മാനേജറുടെ വിളിയും പ്രതീക്ഷിച്ച്‌ നില്‍ക്കുമ്പൊഴാണു്‌ ഞാന്‍ ഈ അഹങ്കാരം കാണിച്ചത്‌.
വിനാശകാലേ വിപരീത ബുദ്ധി എന്നാണല്ലോ,...
രാവിലെ വന്നയുടനെ പ്രോജക്ട്‌ മാനേജരെ കാണാന്‍ പറഞ്ഞുവെന്നു്‌ സീനിയര്‍ സര്‍വെയര്‍ ഫിലിപ്പ്‌ പറഞ്ഞു.
എന്താ കാര്യമെന്ന് ചോദിച്ചപ്പോള്‍ സംഗതി കുറച്ച്‌ ഗുരുതരമാണു്‌.പ്രോജക്ട്‌ മാനേജര്‍ വൈകീട്ട്‌ എന്നെ തേടി വന്നപ്പോള്‍ ഞാന്‍ റൂമിലെത്തി 'മാര്‍ക്വസിന്റെ മക്കൊണ്ട നഗരത്തില്‍, ഉര്‍സുല നിര്‍ത്തിന്‍ പശുക്കളെ നിങ്ങളുടെ പ്രസവം' എന്ന് തുടങ്ങുന്ന അദ്ധ്യായം വായിച്ചു തുടങ്ങിയിട്ടുണ്ടാകുമെന്ന് മനസ്സില്‍ ഊഹിച്ചു.യൂസുഫ്‌ ദാദയെ രക്ഷക സ്ഥാനത്ത്‌ പ്രതിഷ്ഠിച്ച്‌ വലത്‌ കാല്‍ വെച്ച്‌(അതോ ഇടത്തോ?, മുട്ടുകാലിടിച്ചിരുന്നു എന്ന് വ്യക്തമായി ഓര്‍ക്കുന്നുണ്ട്‌.) മാനേജരുടെ റൂമില്‍ കടന്ന പാടെ അറബി സ്ലാങ്ങില്‍,വേറ്ര്‍ വാസ്‌ യു യെസ്റ്റര്‍ര്‍ര്‍ തേയ്‌ ഈഫനിംഗ്‌?. എന്നൊരു അലര്‍ച്ച!!.
മലയാളം സ്ക്കൂളില്‍ പഠിച്ചതിന്റെ ക്ഷീണം ഇംഗ്ലീഷ്‌ ഭാഷയില്‍ തീര്‍ന്നു വരുന്നതേയുള്ളൂ, മറുപടി തൊണ്ടയില്‍ കുടുങ്ങി..
ഈസും വാസും ചേര്‍ന്ന് തൊണ്ടയില്‍ ശിങ്കാരിമേളം...
പിന്നെയും എന്തൊക്കെയോ മാനേജര്‍ അലറുന്നുണ്ട്‌...
പണ്ടൊരു ത്രിശൂര്‍ക്കാരന്‍ എ ടി എം കാര്‍ഡ്‌ കളഞ്ഞു പൊയപ്പോള്‍ ഐ സി ഐ സി ബാങ്കിന്റെ ശാഖയില്‍ ചെന്ന് പരാതി പറഞ്ഞു. അവര്‍
മുംബയ്‌ ഓഫീസിലേക്ക്‌ വിളിക്കുവാന്‍ പറഞ്ഞു. അങ്ങനെ എ ടി എം കൌണ്ടറിലേക്ക്‌ വന്നപ്പ്പ്പോള്‍ പുള്ളിയുടെ പരവേശം കണ്ട്‌ കാശ്‌ എടുക്കാന്‍ ചെന്ന ഞാന്‍ മാറി കൊടുത്തു. പത്ത്‌ മിനുറ്റ്‌ കഴിഞ്ഞ്‌ ആളാകെ വിയര്‍ത്ത്‌ കുളിച്ച്‌ വരുന്നത്‌ കണ്ടു എന്തുണ്ടായെന്ന് ചോദിച്ചപ്പോള്‍ ത്രിശൂര്‍ സ്റ്റൈലില്‍ മറുപടി വന്നു..
എന്ത്‌ ചെയ്യും ഇഷ്ടാ.. അവള്‍ ഭയങ്കര ഇംഗ്ലീഷ്‌... നമുക്കിത്‌ അറിയാഞ്ഞിട്ടല്ല...പക്ഷേ തൊണ്ടേന്നു വരേണ്ടേ?.
അതെ അവസ്ഥയിലായി ഞാന്‍..അറിയാഞ്ഞിട്ടല്ല.. തൊണ്ടേന്ന് വരണ്ടേ?..
തൊണ്ടയിലെ പൂരം കഴിഞ്ഞ്‌ ഇംഗ്ലീഷ്‌ വരാന്‍ തുടങ്ങിയപ്പോള്‍ അയാള്‍ക്ക്‌ ഒരു വാക്കും കേള്‍ക്കേണ്ടത്രെ..
പിന്നെ യൂസഫ്‌ ദാദയ്ക്കും ചീത്ത വിളിച്ചു.സോപ്പ്‌ വീരന്മാരുടെ കൂട്ട്ത്തില്‍ എന്നെയും ചേര്‍ത്തിരിക്കുന്നുവെന്ന് മനസ്സിലായി. പ്രൊമിസിംഗ്‌ ഗയ്‌ എന്ന് മാത്രമെ ദാദ വിശേഷിപ്പിക്കാറുള്ളൂ, ആ ഞാന്‍ ആണു്‌ ഇന്നലെ വന്ന മാനേജരുടെ ചീത്ത വിളി കേള്‍ക്കുന്നത്‌. ഗുരു സ്ഥാനത്ത്‌ നിര്‍ത്തിയിട്ടുള്ള ദാദയെ കൂടെ ചീത്ത വിളിച്ച ഇയാള്‍ക്ക്‌ ഒരു പണി കൊടുക്കണമെന്ന് സകലഗുരുക്കന്മാരെയും മനസ്സിലോര്‍ത്ത്‌ മാനേജരുടെ റൂമില്‍ നിന്നും പുറത്ത്‌ കടന്നപ്പോഴുണ്ട്‌ സകല ചീത്ത കൊള്ളികളും പുഞ്ചിരിച്ച്‌ എന്നെ വരവേല്‍ക്കാന്‍ നില്‍ക്കുന്നു.
പിറ്റെന്ന് ദാദ വന്നു അത്യാവശ്യജോലി കഴിഞ്ഞപ്പ്പ്പോള്‍ എന്നെ വിളിച്ചു. അപമാനം അടിമുടി ബാധിച്ചതിനാല്‍, എന്റെ മുഖം രണ്ടെണ്ണം വിട്ട്‌ ഉറങ്ങി എഴുന്നേറ്റവനെ പോലെയായിരുന്നു.
വാര്‍ഷിക
പരീക്ഷ തോറ്റ വിദ്യാര്‍ത്‌ഥി പുതിയ അധ്യയന വര്‍ഷം സ്കൂളിലേക്ക്‌ വരുന്ന പോലെയാണു്‌ അന്ന് ഞാന്‍ ഓഫീസിലേക്ക്‌ വന്നത്‌.
പതിവ്‌ ചോദ്യങ്ങള്‍ക്കെല്ലാം അവിടെയും ഇവിടെയും തൊടാതെ മറുപടി പറഞ്ഞു. യു പി എ ഗവണ്മെന്റിനു്‌ ഇടതുപക്ഷം കൊടുക്കുന്ന രീതിയിലുള്ള എന്റെ സമീപനം കണ്ടപ്പോള്‍ ദാദ എന്തുണ്ടായെന്ന് ചോദിച്ചു. മുരടനക്കി തൊണ്ട ശരിയാക്കി ശ്രീ അച്യുതാനന്ദന്‍ പ്രസംഗിക്കുവാന്‍ തുടങ്ങുന്ന പോലെ ഷര്‍ട്ടിന്റെ കോളര്‍ ശരിയാക്കി, അച്യുതാനന്ദന്‍ അനുകരണം അവിടെ വെച്ചു നിര്‍ത്തി കാരണം അതേ ശൈലിയില്‍ പ്രസംഗിച്ചാല്‍ കേള്‍ക്കാനിരിക്കുന്നത്‌ കഥയറിയാത്ത ഡിഫിക്കാരല്ല മുന്നിലിരിക്കുന്നത്‌, നാട്ടിലേക്ക്‌ ചീട്ട്‌ എഴുതി കൈയില്‍ തരാന്‍ പറ്റുന്ന ആളാണു്‌.ചീട്ട്‌ കൈപറ്റി നാട്ടില്‍ ചെന്നാല്‍ ഒരു ഇത്തിരി സ്മാര്‍ട്ടാവാന്‍ പോലും ചില കൂപമണ്ഠൂകങ്ങള്‍ സമ്മതിക്കില്ല.ആയത്‌ കൊണ്ട്‌ സ്റ്റാന്‍ഡേര്‍ഡ്‌ ഇംഗ്ലീഷില്‍ ഒന്നിനു നൂറെന്ന നിലക്ക്‌ കാര്യങ്ങള്‍ പൊലിപ്പിച്ചു അവതരിപ്പിച്ചു. ഇടക്ക്‌ ഒന്നു നിര്‍ത്തി ദാദ ശ്രദ്ധിക്കുന്നില്ലേയെന്ന് നോക്കി.വികാരവിക്ഷുബ്ധനായി ദാദ അടിമുടി വിറക്കുകയാണു്‌.എന്റെ മനംകുളിര്‍ത്തു. ഹെഡ്‌ ഓഫീസില്‍ ഇരിക്കുന്നവരെല്ലാം വിഡ്ഡികളാണു്‌ എന്ന് വരെ മനേജര്‍ പറഞ്ഞെന്നും പറഞ്ഞ്‌ ഞാന്‍ ഉപസംഹരിച്ചു.
ദാദ ചെയറിലേക്ക്‌ മലര്‍ന്നു..എനിക്ക്‌ ചെറുതായി പേടി തോന്നി തുടങ്ങി.. സ്വല്‍പ നേരം കണ്ണടച്ചിരുന്നു. ശൈഖുമാര്‍
പങ്കെടുക്കുന്ന മീറ്റിങ്ങില്‍ സംസാരിച്ചു തുടങ്ങുന്ന അതേ അവധാനതയൊടെ പറഞ്ഞു തുടങ്ങി...
പ്രോജക്ട്‌ മാനേജര്‍ സമ്മര്‍ദ്ദങ്ങളുടെ നടുവിലാണു്‌.പ്രോജക്ട്‌ നൂലില്ലാത്ത പട്ടം പോലെയായിരിക്കുന്നു.അദ്ദേഹം കുറച്ച്‌ കടുത്ത തീരുമാനമെടുത്തില്ലെങ്കില്‍ മില്ല്യണ്‍സിന്റെ നഷ്ടം വരുമെന്നും പറഞ്ഞു. ദാദയെ ചീത്ത വിളിച്ച തന്റെ കീഴുദ്ദ്യോഗസ്ഥനെ കുറിച്ച്‌ പറഞ്ഞത്‌ ഇത്ര മാത്രം..
'ഹി ഈസ്‌ ഏേന്‍ മിസിന്‍ഫൊംഡ്‌ ഇഗ്നൊറന്റ്‌'.
'ആരോ വഴി തെറ്റിച്ചു വിട്ട ഒന്നുമറിയാത്തവന്‍'
ഞാന്‍ ഒന്നാലോചിച്ച്പോള്‍ തോന്നി ആ വിശേഷണം എന്നെ പറ്റി ആയിരുന്നില്ലേ?.

Ente Lookam

2005-06-21T11:47:00.000+04:00

സുഹൈബ്‌ എന്നോട്‌ സ്കൂളിലേക്ക്‌ പോകുവാന്‍ പറഞ്ഞു. പേടിതൊണ്ടനായ ഞാന്‍ എങ്ങിനേ തനിച്ച്‌ പോകും?. അന്ന് പത്തരയ്കുള്ള സ്ക്കൂളിലേയ്ക്ക്‌ വളരെ വൈകിയാണു എത്തിച്ചേര്‍ന്നത്‌. ഞാനും സുഹൈബും പഠിക്കുവാന്‍ മോശമല്ലാത്തത്‌ കാരണം ടീച്ചര്‍ തല്ലാതെ വിട്ടു.
സുമംഗലി ടീച്ചര്‍ക്കു ചെറുതായിട്ട്‌ മീശ ഉണ്ടായിരുന്നു. എന്റെ ഉപ്പയെ ടീച്ചര്‍ക്ക്‌ അറിയാമായിരുന്നു. മിക്ക പി. റ്റി. എ മീറ്റിങ്ങിലും എന്റെ ഉപ്പ പങ്കെടുക്കുമായിരുന്നു. ഹെഡ്‌ ടീച്ചര്‍ കല്യാണി കുട്ടി ടീച്ചര്‍ എന്റെ ഉപ്പയെയും പഠിപ്പിച്ചിരുന്നു.സുമംഗലി ടീച്ചര്‍ക്ക്‌ എന്നോട്‌ വളരെ അധികം വാത്സല്യം ആയിരുന്നു. അത്‌ ഒരു കണക്കിനു വലിയ പ്രശ്നവും ആയിരുന്നു. ഇംഗ്ലീഷ്‌ ആയിരുന്നു ടീച്ചര്‍ പഠിപ്പിച്ചിരുന്നത്‌ എന്നാണു എന്റെ ഓര്‍മ. ഹോംവര്‍ക്ക്‌ ആദ്യം നോക്കി തുടങ്ങുന്നത്‌ എന്റെ പുസ്തകം മുതലായിരുന്നു. കല്യാണി ടീച്ചറുടെ മകന്‍ വിജു ഇതേ സ്കൂളില്‍ ആയിരുന്നു പഠിച്ചിരുന്നത്‌.
ഒരു രാഷ്ട്രീയക്കാരന്റെ മകനായിരുന്നത്‌ കൊണ്ടായിരിക്കണം സുഹൈബ്‌ എന്നെ സ്കൂള്‍ ലീഡര്‍ സ്ഥാനത്തേക്ക്‌ വിജുവിന്നു എതിരാളിയായി മത്സരിക്കുവാന്‍ നിര്‍ദ്ദേശിച്ചത്‌.... ഏേഴാം ക്ലാസില്‍ പഠിക്കുന്ന സമയത്തായിരുന്നു ഞാന്‍ ആദ്യമായി മത്സരിച്ചതും തോറ്റതും.ആലോചിക്കുമ്പോള്‍ ഇന്നും ചിരിക്കുവാന്‍ വക നല്‍കുന്ന ഒരു പാട്‌ ഓര്‍മകള്‍ ആദ്യത്തെ മത്സരം എനിക്കു സമ്മാനിച്ചു. അഞ്ചാം ക്ലാസ്സ്‌ മുതല്‍ ഞാനായിരുന്നു ക്ലാസ്‌ ലീഡര്‍.അങ്ങിനെ ഏേഴാം
തരത്തില്‍ എത്തിയപ്പോള്‍ സ്കൂള്‍ ലീഡര്‍ സ്ഥാനത്തേക്ക്‌ ഹെഡ്‌ ടീച്ചറുടെ മകനായ വിജുവുമായി മത്സരിക്കുവാന്‍ പെണ്‍കുട്ടികള്‍ എല്ലാവരും ചേര്‍ന്ന് സുഹൈബിനോടു പറഞ്ഞു.അവന്‍ ഞങ്ങള്‍ കൂട്ടുകാര്‍ക്കിടയില്‍ പറഞ്ഞ്‌ മത്സരിക്കുവാന്‍ തീരുമാനമെടുത്തു. വിജുവിനു എന്നേക്കാള്‍ ഇമേജ്‌ ഉണ്ടായിരുന്നു. ടീച്ചറുടെ മകനെന്ന ഇമേജ്‌ കൂടാതെയാണിത്‌. ഇതൊക്കെ ഞാന്‍ കൂട്ടുകാരോട്‌ പറഞ്ഞെങ്കിലും അവര്‍ പിന്മാറാന്‍ കൂട്ടാക്കിയില്ല. അങ്ങനെ മത്സരിക്കുവാന്‍ തീരുമാനിച്ചു.പൊടിപാറിയ പ്രചരണ പരിപാടികള്‍...മിഠായി വിതരണം, ഹൊംവര്‍ക്ക്‌ ചെയ്തു കൊടുക്കല്‍, ബലൂണ്‍ വിതരണം, അനൂപിന്റെ മേല്‍നോട്ടത്തില്‍ വിജുവിനെ പറ്റി അപവാദ പ്രചരണം, ഭീഷണിപ്പെടുത്തല്‍ തനി ബീഹാര്‍ സ്റ്റൈല്‍. എതിരാളികള്‍ ഒട്ടും മോശമായിരുന്നില്ല.. മധുവിന്റെ വക കൊടുമ്പിരികൊണ്ട അപവാദ പ്രചരണം സുഹൈബിനെ ആകെ തളര്‍ത്തി. കാരണം,സുഹൈബിന്റെ ഇഷ്ടതാരം നിഷ അവനേക്കാള്‍ ഏേറെ എന്നെയാണു ഇഷ്ടം എന്ന് ആരോടൊ പറഞ്ഞുവെത്രെ..
ഞങ്ങലുടെ ക്യാമ്പില്‍ ആകെ മ്ലാനത..
അനൂപ്‌ തന്നെ വിഷയം സമര്‍ത്‌ഥമായി കൈകാര്യം ചെയ്തു. മധുവിനെ സ്വകാര്യമായി രണ്ടെണ്ണം താങ്ങി വിട്ടു.

Ente Lookam 3

2005-06-21T11:45:00.000+04:00

ibru

2005-06-21T08:05:00.000+04:00

സുഹൈബ്‌ ഇപ്പോള്‍ സൌദി അറബിയയില്‍ ആണു. നാട്ടിലെ വിശേഷങ്ങള്‍ അറിയാന്‍ ഇടക്കിടെ വിളിക്കാറുണ്ട്‌. എന്റെ ആത്മസുഹൃത്തുക്കളില്‍ ഒരാളാണു അവന്‍. വിവാഹ ജീവിതത്തിലേക്ക്‌ പ്രവേശിക്കുവാനൊരുങ്ങുന്ന അവനെ ദൈവം അനുഗ്രഹിക്കട്ടെ!..
പെരുമഴക്കാലത്ത്‌, റോഡും തോടും പാടവും വെള്ളം നിറഞ്ഞു കവിഞ്ഞിരിക്കും.സ്കൂളിലേക്ക്‌ പാടം വഴി പോകുമ്പോള്‍ കുറച്ച്‌ സമയം ലാഭിക്കുവാന്‍ കഴിയാറുണ്ട്‌. വെള്ളം മുറ്റി നില്‍ക്കുന്ന പാടത്തു കൂടെ ഒരു ഏേകദേശ ധാരണ വെച്ചാണു വരമ്പ്‌ നോക്കി പോകാറു. ഒരിക്കല്‍ പാടത്തു കൂടെ ഞാന്‍ മുമ്പിലും സുഹൈബ്‌ പിന്നിലും ആയി നടക്കുകയായിരുന്നു. എന്തൊക്കെയോ സംസാരിച്കൊണ്ടിരുന്ന ഞാന്‍ തിരിഞ്ഞ്‌ നോക്കുമ്പോള്‍ അവനെ കാണുന്നില്ല!!..
ഞാന്‍ സ്വതവേ ഒരു പേടിക്കാരന്‍ ആണു. മനുഷ്യന്മാരെ എനിക്ക്‌ ഒരിക്കലും പേടി തോന്നിയിട്ടില്ല. ഭൂത പ്രേത പിശാചുക്കളെ കുറിച്ച്‌ എനിക്ക്‌ അതിഭയങ്കരമായ ഭയമാണുള്ളത്‌ അത്‌ ഇന്നും അങ്ങനെ തന്നെയാണു..സ്കൂളിലേക്ക്‌ പോകുന്ന വഴിയില്‍ പേടി തോന്നുന്ന കുറച്ചു സ്ഥലങ്ങള്‍ ഉണ്ട്‌.അതിലൊന്ന് കണ്ണാമ്പാല എന്ന സ്ഥലമാണു.. സുഹൈബിനെ കാണാതായ സ്ഥലം ഏെകദേശം ഈ സ്ഥലത്തിന്നടുത്താണു. ഞാന്‍ ആകെ പരിഭ്രമിച്ചു നില്‍ക്കുകയാണു. ഇനിയും സ്കൂളിലേക്ക്‌ ഒരു പാട്‌ പ്രേതസ്ഥലങ്ങള്‍ താണ്ടി വേണം പോകാന്‍, ഒരു വിധം വിദ്യാര്‍ത്ഥികള്‍ ആരും ഈ വഴി വരാറുമില്ല. എന്ത്‌ ചെയ്യുമെന്ന് ആലോചിച്ച്‌ നില്‍ക്കുമ്പോഴാണു ആകെ
നനഞ്ഞ്‌ കുളിച്ഛ്‌ സുഹൈബ്‌ വിളിക്കുന്നു..
വേനല്‍ കാലത്ത്‌ ആളുകള്‍ പാടത്ത്‌ കൃഷി ചെയ്യല്‍ ഒരു പതിവാണു, ഞങ്ങളുടെ നാട്ടില്‍ സ്ത്രീകള്‍ വെള്ളരി, തണ്ണിമത്തന്‍,വെണ്ടയ്ക്ക,തക്കാളി തുടങ്ങിയ പച്ചക്കറികള്‍ കൃഷി ചെയ്യാറുണ്ട്‌.ഈ പച്ചക്കറികള്‍ നനക്കുവാന്‍ വേണ്ട വെള്ളത്തിന്നായി പാടത്ത്‌ തന്നെ ചെറിയ കുളം കുഴിക്കാറാണു പതിവ്‌. വര്‍ഷക്കാലമാകുമ്പോള്‍ അത്തരം കുളങ്ങള്‍ പാടത്ത്‌ പലയിടങ്ങളിലായി ഉണ്ടാകും. സുഹൈബ്‌ അത്തരം ഒരു കുളത്തില്‍ വഴിയറിയാതെ ചെന്ന് വീണത്‌ കാരണം പുത്തന്‍ പുസ്തകങ്ങളും മലേഷ്യയില്‍ നിന്ന് അവന്റെ ഉപ്പ കൊണ്ടുവന്ന പുത്തന്‍ കുടയും എല്ലാം നനഞ്ഞ്‌ സ്കൂളില്‍ വരാന്‍ പറ്റാത്ത അവസ്ഥയിലാണു.

MVC-025F

2005-06-20T18:09:00.000+04:00

MVC-025F
Originally uploaded by ibru.

ibru: എന്റെ ലോകം 2

2005-06-20T16:47:00.000+04:00

പതിവു കാഴ്ചകള്‍...മടുപ്പിക്കുന്നുവെങ്കിലും കണ്ടേ മതിയാകൂ. വീട്ടിലേക്കു അതിരാവിലെ തന്നെ ഫോണ്‍ ചെയ്തു..എന്താണെന്നറിയില്ല. ഒരു തരം വല്ലായ്മ തോന്നി തുടങ്ങിയിട്ട്‌ കുറച്‌ചു ദിവസങ്ങളായി..
നാട്ടിലേക്ക്‌ പോകുന്നില്ലേന്ന് പലരും ചോദിച്‌ചു. എന്തിനു പോകണം ?. കൂട്ടുകാരൊക്കെ പലയിടത്തുമായി. ഉപ്പയും ഉമ്മയും വിളിക്കുന്നുണ്ടെങ്കിലും പോകുവാനേ തോന്നുന്നില്ല. വരുമ്പഴേ പറഞ്ഞിരുന്നു, അഞ്ച്‌ വര്‍ഷത്തേക്ക്‌ തിരിച്‌ചു വിളിക്കരുതെന്ന്. വര്‍ഷം നാലാകുന്നു. എന്റെ ഗ്രാമചിന്തകള്‍ മങ്ങി തുടങ്ങി. കാരാറ്റ്‌ കടവത്തെ ഇളം കാറ്റേറ്റ്‌ അലസമായി ഇരുന്നിരുന്നതും,വള്ളം വാടകക്ക്‌ വാങ്ങി തുഴയാന്‍ പഠിച്‌ചഠും എല്ലാം...
അറമുഛാച്‌ച മരിച്‌ച വിവരം ഇ മെയില്‍ വഴി സുഹൈബ്‌ അറിയിച്‌ചു.അറമുഛാച്‌ചയ്ക്കു കാരാറ്റു കടവത്തു ഒരു ഓല മേഞ്ഞ ചായപീടികയുണ്ടായിരുന്നു. പണിയില്ലാത്തവര്‍ ചീട്ടുകളിക്കുവാനും പനങ്കുരു കളിക്കുവാനും ഒത്തു കൂടിയിരുന്നത്‌ കടവത്ത്‌ ആയിരുന്നു. അതു കൊണ്ടു തന്നെ തരക്കേടില്ലാത്ത രീതിയില്‍ കച്‌ചവടം അറമുഛാഛക്കുണ്ടായിരുന്നു.പുഴ മീന്‍ പിടിക്കുന്നവര്‍ വഞ്ചി അടുപ്പിച്‌ചിരുന്നതും കാരാറ്റ്‌ കടവത്തായിരുന്നു.
തിരൂര്‍-പൊന്നാനി പുഴയുടെ തീരത്ത്‌ ആ മനോഹരമായ കടവില്‍ ചകിരിചോറിന്റെ ദുര്‍ഗന്ധം ആര്‍ക്കും അലോസരമുണ്ടാകിയിരുന്നില്ല.
വര്‍ഷങ്ങള്‍ക്കു ശേഷം കടവു വഴി പാലം വരുന്ന
വിവരം അറിഞ്ഞപ്പോള്‍ ജനങ്ങള്‍ ആകെ പരിഭ്രാന്തരാവുകയും പിന്നെ പ്രതിഷേധപ്രകടനങ്ങള്‍ നടത്തുകയും ചെയ്തു.
സുഹൈബിന്റെ അമ്മാവന്റെ വീട്‌ ഞാന്‍ കാണുന്ന കാലത്ത്‌ ഒാല മെഞ്ഞിട്ടായിരുന്നു. വള്ളത്തോള്‍ സ്കൂളിലേക്ക്‌ പോകുമ്പോള്‍ അവന്റെ കൂടെ കൂടുവാനായി ഞാന്‍ അതു വഴി പോകുമായിരുന്നു. ഇളം കാറ്റു വീശുന്ന പുഴ അരികിലൂടെ നടന്നു പൊകുമ്പോള്‍ എനിക്കു എന്റെ അമ്മാവന്റെ വീട്ടിലേക്ക്‌ പോകുന്നത്‌ പോലെയാണു തോന്നിയിരുന്നതു. എന്റെ അമ്മാവന്റെ വീടും ഒരു പുഴ വക്കത്ത്‌ ആയിരുന്നു. പക്ഷെ അത്‌ കുറച്‌ചു ദൂരെ കോട്ട്‌ എന്ന സ്ഠലത്തായിരുന്നു.
ഇപ്പോള്‍ കാണുന്ന ട്രാന്‍സ്ഫൊര്‍മര്‍-കൂട്ടായി കടവു റോഡു അന്നു ടാര്‍ ചെയ്തിട്ടില്ല. കനത്ത മഴ തുടങ്ങുന്ന ജൂണ്‍ മാസത്തില്‍ ഞാനും സുഹൈബും വള്ളത്തോള്‍ സ്ക്കൂളില്‍ പോകാന്‍ തുടങ്ങി. അതു വരെയ്ക്കും ഞാന്‍ കാക്കുമാഷുടെ സ്കൂളിലും സുഹൈബ്‌ ബോര്‍ഡു സ്കൂളിലുമായിരുന്നു പടിച്‌ചിരുന്നത്‌. രണ്ടു സ്കൂളും ഒന്നാം ക്ലാസു മുതല്‍ നാലാം ക്ലാസ്‌ വരെ മാത്രമെ ഉണ്ടായിരുന്നുള്ളു. എന്റെ കൂടെ പറ്റിച്‌ചിരുന്ന എന്റെ കൂട്ടുകാരിയായിരുന്ന റീജ പക്ഷെ ചേന്നര സ്കൂളിലാണു ചേര്‍ന്നത്‌.
സുഹൈബ്‌ എന്റെ അയല്‍പക്കത്തേക്ക്‌ വീടു മാറി വന്നിട്ടു അധികകാലം ആയിരുന്നില്ല. എങ്കിലും, അവന്റെ കൂട്ട്‌ എനിക്ക്‌ വളരെ സന്തോഷമായിരുന്നു.

2005-06-18T10:40:00.000+04:00

me....

2005-06-16T16:38:00.000+04:00

me..Breathing in,,

2005-06-16T16:37:00.000+04:00

me...from my office..

എന്റെ ലോകം

2005-06-15T11:04:00.000+04:00

രാവിലെ അഞ്ചുമണിക്ക്‌ സജിത്‌ ആണു കാലില്‍ തൊട്ട്‌ ഒോര്‍മപ്പെടുത്തിയത്‌.ഷാര്‍ജ വിമാനത്താവളം വികസനം പൂര്‍ത്തിയാകുവാന്‍ ഇനിയും നാലുകള്‍ ഏേറെ ഉണ്ട്‌. രാവിലത്തെ നെരത്തെയുള്ള എഴുന്നേല്‍ക്കല്‍ വലിയ പ്രശ്നം തന്നെ.പതിനഞ്ച്‌ മിനുറ്റിനകം കുളിച്‌ തയാറായി.ഇനി കമ്പനി വക വാഹനം വരുന്നത്‌ കാത്ത്‌ നില്‍ക്കണം. നാട്ടിലായിരുന്നെങ്കില്‍ സംസാരിചു നില്‍ക്കുവനെങ്കിലും ആരെങ്കിലും ഉണ്ടാകും.ഇവിടെ ദുബായില്‍ പല്ല് കൊഴിഞ്ഞ ഒരു അറബി സ്ത്രീ പതിമൂന്നാം നമ്പര്‍ ബസ്‌ കാത്ത്‌ നില്‍ക്കുന്നുണ്ടാകും.മോണ കാട്ടി ഒരു ചിരി പാസാക്കും കണ്ട ഉടനെ, ഞാനും ഒരു ചിരി മറുപടി നല്‍കും. പിന്നെയും അരമണിക്കൂര്‍ കഴിയണം കമ്പനി വണ്ടി വരുവാന്‍....റോഡ്‌ മുറിചു കടന്ന ഉടനെ വന്നു ഒരു മലയാളി മങ്ക നിസ്സാന്‍ കാറില്‍, ആരെയോ കാത്തു നില്ല്ക്കുകയാണൂ അവര്‍...

(തുടരും)..